اسكريبت صالحني
انت في الصفحة 1 من 3 صفحات
اسكريبت_حبك_بسيط
_ عاوزة إيه
_ تصالحني .
_ أصالح مين أنت حولة أنا اللي زعلان .
_ كمان ليك عين .
_ فاتن .. مش هصالحك خلصنا .. أنت تهببي العملة من هنا وتنكدي علينا إحنا الاتنين من هنا بعدها مش ببقي طايق حد ولا طايقك ولا طايق نفسي وفي الاخر عاوزاني أصالحك انسي .
في الجملة الأخيرة قال .. مش طايق حد ولا طايقك ولا طايق نفسي
دايما في خناقات ومشاكل بس دايما بيبين لي أنا بالنسبة له إيه حتي لو مطلعة عينه حتي لو أنا الغلطانة ..
بس زمان .. كان بيقول اغلطي براحتك .. أمال أنا موجود ليه ..
نفسي اسمعها منه تاني .. نفسي أشوفها في عيونه ..
وأه من عيونه ...
_ أنا داخل أنام .
_ مش هتنيل .
_ يعني عاوزني أتنيل وحدي !!
بصلي بصة من الخۏف استخبيت ورا الكنبة
_ خفي استظراف يا عم إسماعيل يس أنت أنا مش فايقلك .
_ بسألك سؤال برئ والله.
_ أنا هنام دلوقتي عشان لو قعدت دقيقة هنام ليوم الدين .
دخل نام كعادتنا وإحنا مټخانقين من غير أكل .. بيمنع نفسه عني وعن الأكل وأي حاجة ليها علاقة بيا ..
أنا فعلا كدا من غيره بس ليه يوريني !
_ نديم ..
_ ......
_ نديييييم .
_ أقسم بالله لو صړخت تصحيني كدا تاني لأصطبح علي قفاكي .
_ ما أنت مش راضي تصحي .
_ وأنت مالك .
_ الحق عليا مش عاوزاك تترفد .
_ ياريت والله عشان يبقي في سبب مقنع أطلقك .
عارف إيه اللي بيوجعني ويضايقني .. وإنه لو جاب سيرة الطلاق ولو بالهزار بضايق وقلبي ينقبض .
_ الشرابات فين
أسحب كلامي
طلع معندوش ډم الحمد لله ..
_ وأنا مالي .
_ والله .. مين بيغسلهم .
_ لا أنا مش بغسلك حاجة وأنت عارف .
هو عارف إننا لما پنتخانق مش بغسله هدومه أو أكويله .. وبعصر علي نفسي لمونة عشان أعمله الأكل اللي بيسيبه وينام ..
_ خلاص هلبس من شراباتك .
أنا مهزقة والله إني بفكر فيه بحسن ظن .. و ......
نهااار أسود
هو قال شراباتي أنا !
طرت عليه بسرعة كان بيلبس في فردة وماسك التانية هيلبسها .. شدتها من إيده وزعقت
ما لكش دعوة بشرباتي .
_ مش لاقي شرباتي .
_ إن شاء الله عنك ما لقيتهم حاجاتي لا وألف لا .
_ هاتي الشراب اخلصي
