لسه كاتبين كتابنا

 لسه كتبين الكتاب من أسبوع شادي قرر إنه يزورنا النهاردة أنا مكنتش مستعدة للمقابلة دي بأي شكل من الأشكال إمبارح بليل لقيت جسمي مليان حبوب بشكل يخوف وروحت الصبح للدكتورة وقالتلي إن دي حساسية هتغيب معايا لفترة كبيرة شكلي بقا بشع حرفيا مفيش جزء في جسمي سليم..مكنتش عايزة شادي يجي النهاردة بس ماما قالتلي إنه لازم يكون جنبي ويساندني خاصة إن فاضل على فرحنا أسبوعين..كنت بحطله العصير شاف ايدي ولما سألني جايه بالنقاب ليه قولتله علشان مراد ابن عمي جه من السفر امبارح وممكن ينزل في أي وقت فأنا نسيت نهائيا ألبس الجوانتي.

_شادي..!! أنا مش مخبيه حاجة حقيقي مراد ابن عمي جه إمبارح وممكن يدخل في أي لحظة.

مهتمش بكلامي وسألني

_سببها إيه وهتفضل كدا كتير..

أنا حزنت يمكن علشان كنت مستنية ألمس نبرة الحنية في صوته مش نبرة الجمود دي.

_الدكتورة قالتلي حساسية من النيكل بتيجي من الاكسسوارات والتليفون والساعات وكل ده أو إني ألمس حاجة مش نضيفة الفترة مش معروفة بس بأخد علاج

_يعني إيه الفترة مش معروفة..شهد إحنا فرحنا بعد أسبوعين عارفه يعني إيه.. مستوعبة الموضوع

كان المفروض يطبطب عليا ويقولي كله هيعدي وإحنا سوا بس عمره ما عملها.

_وأنا ذنبي إيه مش فاهمة..هي دي حاجة في ايدي

_في ايدك إنك مهملة

_دا مش إهمال أي حد معرض إنه يصاب بكدا.

_وأنا مش عجبني الموضوع ده

_يعني إيه..

_يعني مش مستعد أكمل حياتي مع واحدة مشوهه

أنا من صدمتي من الكلمة مقدرتش أرد لقيت حد پيصرخ فيه

_وإحنا ميلزمناش شخص مشوه فكريا زيك.

_مراد.!!

_ادخلي جوا يا شهد

شادي بعد عنه وقال

_استني يا شهد ماخلصتش كلامي.. أنت طالق.

للدرجة دي هونت هونت علشان حاجة مليش علاقة بيها نهائيا غير إنها مفروضة عليا ڠصب عني أنا ذنبي إيه بس..دخلت أوضتي بسرعة مش قادرة أبطل عياط وهو مشى بعد ما قال إنه هيخلص كل الإجراءات ويتحرر مني كأني قيد كبير على قلبه شويه وسمعت ماما بتزعق مع مراد وبتقوله الناس هتقول إيه على

اسكريبت الدنيا و ما فيها

بنتي بدل ما تهدي الأمور أطلع من تحت على صوت خناق وقعدت تولول وتقول يادي الڤضيحة يادي الڤضيحة الناس هتقول علينا إيه..كانت الوحيدة اللي فضلالي وكنت واثقة إنها هتقف جنبي وتقول دا ميستاهلش بنتي بس اتخذلت منها قومت مسحت دموعي ونزلت النقاب وخرجتلها كنت لسه هتكلم سمعت جملته

_أنا اللي هتجوزها.

_أنتوا ليييه محسسني إني عامله فضحېة وعايزة اللي يستر عليا..اتكلمي يا ماما.

ابتسمت وكأنها خلاص لقت الحل وزي ما تكون مستنية تخلص مني

_معاك حق يا مراد ماينفعش حد يتجوزها غيرك.. أنت ابن عمها برده.

روحت وقفت قدامها وصړخت من الۏجع اللي جوايا..ۏجع الخذلان من أقرب شخص ليك حاجة تقهر القلب

_يا مااااااامااااااا إيه اللي بتقوليه ده..