المخطوفه

بعتلها رساله .
بعتلك تذكره لحفله الدوريش الأسبوع اللي جاي .
ساره بمناسبه ايه 
عمرو قولت اكيد هكون في يوم من الأيام درويش في حبك لو موفقتيش تتجوزيني فحجزتها يعني هيكون ليه حجزتها لاني عارف انك بتحبيه.
ساره كانت بتحاول تداري فرحتها و كسوفها دي حاجه عاديه انك تعرفها من الفيس مش حاجه مميزه .
عمرو بخبث بجد ! بس غريبه يعني انك منزله بوست لي يعني علي الفيس و لا أي حاجه تدل علي كده .
حست ساره بالاحراج و كانت ھتموت و تعرف مصدر معلوماته لكنها لم ترد عليه و نامت وهي فرحانه متغاظه من انتصاره الثاني .
و بعد اسبوع راحت ساره للحفله و كانت الجواء جميله و بمجرد ما رجعت الي البيت لقت رساله من عمرو .

كنتي قمر انهارده ماشاء الله
انت كنت في الحفله 
اه كنت في الكرسي اللي وراكي بس مردتش اكلمك علشان متضيقيش و انتي شكلك كان فرحان و كنت ناوي اوصلك بس للأسف حصل مشكله في الشغل و كلموني .
عادي مفيش مشكله علي العموم شكرا علي الحفله .
كل مره شكرا شكرا كده مفيش تجديد ماشي المهم السلسله كانت حلوه عليكي .
شكرا .
برده شكرا طيب انا هقفل باه قبل ما اتجلط .
ضحكت ساره علي رسالته
تصبح علي خير .
و انتي من اهله .
ساب عمرو تليفونه و سحب الاجنده السوداء و بدا يحفز نفسه أنه مينمش يلا يا عمرو بقالنا اكتر من أسبوع معملناش حاجه والمده قربت تخلص .
و فتح علي الصفحه و قرأ الترقيم الثالت اتمني ان يلاحظ ادق التفاصيل 
عمرو بغيظ بدأنا باه في شغل الستات و ادق التفاصيل و الالغاز .
و بعدها بيوم فتحت ساره الباب لما سمعت الجرس و استلمت طردها التاني و اكيد مسالتش المرادي عم راسل الطرد هي عرفته اكيد لكن المرادي علبه كبيره فتحتها لقت جواها فستان سواريه ازرق و شنطه و طرحه زرقاء و حذاء و دبدوب و مانيكير و شال ازرق و كالعاده جنبها رساله اخدت بالي من لبسك كل ما اشوفك انك بتحبي الأزرق فيارب الحاجه تعجبك و يارب الجزمه تيجي مقاسك اصل انا باخد بالي من التفاصيل جامد جدا 
ضحكت ساره علي اخر جزء من رسالته و حبت الحاجات جدا و بعدين دخلت الاوضه تقيس الفستان و الجزمه و هي فرحانه .
استناها عمرو علشان تبعتله رساله لكن ساره مبعتتش حاجه و تاني يوم بليل سحب الاجنده السوداء و هو زعلان و قرا الترقيم الرابع اتمناه زوجا صالحا يعينني في طاعه الله 
فاستغل عمرو الامنيه و اتصل بيها علشان يطمن عليها.
عمرو ازيك يا ساره 
ساره الحمدلله
عمرو كنت عايز اسالك لو تعرفي حد بيحفظ قران اونلاين .
ساره لا الحقيقه معرفش بس ممكن تسال بابا هو ده ليك 
عمرو بخبث علشان حس انه وصل لغرضه لا ده لحد معرفه انا الحمدلله حافظ عشر أجزاء .
ساره ما شاء الله .
عمرو يعني انفع زوج صالح ولا ايه رايك 
ساره بكسوف و ب تضحك علي سذاجته اللي في الخير يقدمه ربنا انا هقفل تصبح علي خير و اه صح شكرا علي الفستان و الحاجه .
عمرو العفو مفيش حاجه تصبحي علي خير .
و تاني يوم بعد ما عمرو خلص شغله رجع البيت و كان شغوف بالترقيم الخامس و الأخير فدخل اوضته و سحب الاجنده و بدا في القرايه اريد ان اواجه به العالم فلا اجد خوف بعد وجوده معي 
عمرو بغيظ لا حول ولا قوه الا بالله يعني يعني ادفع فلوس لناس يخطفوها يعني ولا اعمل ايه و بعدين هتواجه بيا ازاي وانا مش موجود جنبها أصلا ازاي!
و بعد ما خلص جملته جت في باله فكره هتخلص كل حاجه و بالفكره دي هتمون ملكه فاتصل بوالد ساره و قال له فكرته رفضها والد ساره في البدايه لكن مع إصرار عمرو و انه قاله ان دي رغبه ساره وافق .
و بعد الضهر راح عمرو مع باباه و مامته
لبيت ساره و كان والد ساره في استقبالهم .
عمرو هي ساره رجعت من الشغل 
والد ساره لا لسه انت عارف لو ساره طلعت مش عايزه كتب كتابها انهارده هتعمل فينا ايه المفاجاه