زوجي
انت في الصفحة 1 من 11 صفحات
وقبل ما نبدأ حكايتنا اعرفكم علي بطلتنا النهارده واللي اسمها جهاد وعندها 25 سنه متجوزه من سنتين وعايشه هي وجوزها لوحدهم..
وفي يوم راحت حماتها عندهم وفتحلها معتز ابنها وقال..
معتز
ماما ازيك يا حبيبتي يا الف اهلا وسهلا اتفضلي
فتحيه دخلت وقالت
اهلا بيك يا حبيبي اومال الهانم مراتك فين ما جاتش ليه تفتحلي الباب
نايمه يا ماما وبعدين انا كنت صاحي بعمل شاي وفتحت الباب..
فتحيه
شايف البنت اللي كان لا ليها جواز ولا بيوت ده اليت الشاطره كل يوم تصحي قبل جوزها تعمله الفطار وتروق حالها مش تنام وتسيبه هو محتاس
معتز
حاضر يا ماما انا بعد كده هخليها تصحي معايا الصبح بدري المهم ما تزعليش انتي يا حبيبتي
هو انا برضو اقدر ازعل منك يا حبيبي هو انا ليا غيرك المهم ادخل وصحيلي اللي ما تتسمي دب..
معتز
ليه يا ماما خير ان شاء الله عايزاها في ايه
فتحيه
هطمن منها في حاجه جايه في السكه ولا لا وبعدين اعملي انت شاي وانا هدخل اصحيها..
معتز
استني يا ماما بس هي ليها خصوصيتها ما يصحش كده
فتحيه
هو انا غريبه يا واد انت ده انا زي امها..
فتحيه
انتي يا بت يو جهاااد قومي با اختي كل ده نوم..
قامت جهاد مفزوعه وقالت
بسم الله الرحمن الرحيم انتي ډخلتي هنا ازاي
فتحيه
دخلت من الباب يا عينيا وبعدرن مالك اټفزعتي كده ليه لتكوني شوفتي عفريت يا اختي ولا شوفتي عفريت
لا ابدا يا طنط بس اتفاجئت مش اكتر..
فتحيه قعدت قدامها وقالت
طيب ركزي معايا بقي هو ما فيش حاجه جايه في السكه..
جهاد
لا لسه والله يا طنط ربنا ما اكرمنيش..
فتحيه
اممم طيب كويس اصلا انا مش عايزاكي تخلفي من ابني بسرعه عشان يعني لو ما ارتاحش معاكي يسيبك ونخلص بسرعه وخفيف خفيف من غير ما تربطنا بيكي حاجه...
معتز في عينية يا طنط وانا مستعده اعمل اي حاجه عشان اخليه يرتاح..
فتحيه بسخريه
هه باين اوووي يا اختي انك عايزاااه يبقي مرتاح بأمارة انك سيباااه ونايمه لحد دلوقتي قومي يا اختي قوومي شوفي اللي وراكي..
_وطلعت فتحيه بره
