عريس الغفلة بقلم ايمان شلبي
وأخرج
رديت بعصبيه
مش موافقه مش هتجوز هو عافيه
والله للاسف جدي هو اللي عايز كده
وطبعا كلكم بتفكروا في الفلوس وبس
رد بلامبالاه
اومال هنفكر
في أي غيرها
رديت بغيظ
انت مادي حقېر
ضحك ضحكه صفراء
وماله
اخدت نفس طويل وانا بحاول اكون هاديه
لما انت مش هامك غير الفلوس اختارتني ليه !
رديت بسخريه
ياحنيييين
حط أيده علي صدره وكأنه بيشكرني
الله يكرم اصلك
اللهم طولك ياروح طب علي فكره بقي انا كمان مرتبطه وبحبه و ....
مفقوسه اوي بجد شوفيلك كذبه غيرها
أوووووف اووووف اطلع برا
اوك
وراح نحيه الباب وكان لسه هيخرج قربت منه وانا بشده من دراعه بتلقائية وخوف
انت رايح فين انت مچنون !!
رد بخبث
الله مش انتي قولتيلي أخرج
ايوه بس كان قصدي تخرج من مطرح ما جيت !
اممممم ماهو بصراحه انا المره الاولي كنت هقع
والله!
اه والله
يابني انت متعصبنيش بقي وأخرج من اوضتي وإلا ..
وإلا ايه
بلعت ريقي وانا برمش عيني اكتر من مره بتوتر
و و هصوت والم عليك الدنيا
راح قعد علي السرير وفرد ظهره بكل برود
اوك صوتي
بصيتله بذهول
انت بتعمل ايه انت عبيط
اممممم مقبوله منك عشان انا مش بحب امد ايدي علي بنت
شاورلته پحده
اخرج برا
يابني انت ا....
قطعت جملتي مره واحده لما قام وقف وقرب مني وهو بيبص في عيوني
انا مش هخرج من هنا غير لما توافقي
وبعدين فكري فيها كده بالعقل احنا هنتجوز جواز مصلحه
ومتقلقيش مفيش اي حاجه هتتغير ابدا اظن فاهمه قصدي !
بلعت ريقي وانا بهز راسي بتوتر
ا اه
اوك يبقي توافقي وياريت لو نكتب الكتاب في اسرع وقت
اشمعنا
حط أيده في جيوبه وهو بيقول بحب
عشان ارجع علي امريكا لحبيبتي
قلبي اتنفض وانا بساله بنبره مهزوزه
ا انت مرتبط!
اكيد يعني
وقرب مني وهو بيهمس
بس اوعي تقولي لحد عشان جدو ميزعلش مننا
هزيت راسي بلا مبالاه
اوك
قفل عينه نص قفله بشك
يعني موافقه
هزيت راسي
اه بس بشرط
شرط
رديت ببرود
اه
ايه هو
ملكش دعوه بحياتي الشخصيه
بمعني
يعني طول ما حنا
متجوزين محدش فينا يسال التاني هو بيعمل ايه
يعني شوفتني بكلم حد بحب في حد لابسه لبس مش علي هواك متتدخلش
ومتسألنيش عن أي حاجه تخصني وانا كذلك
ضحك بسخريه
والله ليه شيفاني واقف مركب اريل فوق دماغي ولا شيفاني كيس جوافه قدامك !
ربعت ايدي ببرود
والله هي دي شروطي
جز علي أسنانه بضيق
أن شاء الله
اوك يبقي اتفقنا
رد بغموض
اتفقنا
بارك الله لكما وبارك عليكما وجمع بينكما في خير
ومع الجمله اللي قالها المأذون واللي بتعلن عن جوازنا رسمي اللي بتعلن أن انا بقيت ملك شخص معرفهوش!
قلبي اتنفض
حتي لو كان الوضع مؤقت لكن في النهايه انا قدام الناس بقيت مراته
العيله كلها قربت مني تبارك وتهني ماعدا دارين طبعا اللي كانت واقفه عايزه
حقها هو فضلني انا عليها بالرغم انها اجمل وارق واحسن مني في حاجات كتير حقها تتضايق وحقها تحقد عليا
كنت بقابل الكل بابتسامه مزيفه بالرغم من الخۏف اللي دب في قلبي اول ما أعلن المأذون الجواز رسمي وقدام الكل
مكنتش قادره احدد احساسي وقتها
هو انا فعلا خاېفه ولا متوتره انا مبسوطه ولا زعلانه شعوري كان متناقض تماما كان عباره عن خوف وتوتر وفرحه وحزن مع دقه قلب غريبه لاول مره !!!
قرب مني وهمس في ودني
مبروك
قلبي دق للمره اللي مش عارفه عددها وفركت ايدي بتوتر وانا برد بنفس الهمس
الله يبارك فيك
سحب ايدي بين ايديه وانا ببصله باستغراب
انت بتعمل ايه !
ضحك ضحكه مزيفه وهو بيبص قدامه
بعمل عريس
رفعت حاجبي باستغراب
افندم!
لف برأسه وهو
