فيروزه ايوب
وانا داخله خبطت في بنت من غير قصد _.. انا اسفه.
اتكلمت بابتسامه_.. عادي ولا يهمك.
_.. بس اي الحلاوه دي هيا كل البنات هنا جامده ولا اي.
ابتسمت بخجل_.. انت اللي حلوه والله.
_.. لا احنا كده بقينا صحاب الرهاب الاجتماعي بېخاف مني.
ضحكت واتكلمت بهدوء_.. طب والله انك تتحبي انت سنه كام.
ضحكت بيأس_.. وانا برضوا اولي يا محاسن الصدف لي بس حد يطول.
اتكلمت بضيق_.. انا مش عاوزه الكليه اصلا بصي انا ارتحتلك انا هحكيلك قصه حياتي من الصفر وازاي بقيت تحته.
ضحكنا بيأس واتحركنا ولحسن الحظ ندي طلعت معايا في السكشن اتعرفت عليها ومش قادره اوصف قد ايه هيا طلعت طيبه وهبله وعلي نياتها زيي .
كلهم وجهوا نظرهم ليا فاتكلمت بتوتر_.. انا !.
_.. امال مين هو فيه حد غيرك كان بيتكلم انت ازاي تتكلمي في المحاضره انت معندكيش ذوق اتفضلي قوليلي انا كنت بقول ايه !.
بصتله بخجل واتكلمت بحده_.. وايه لازمتها اتفضلي دي يا دكتور !.
بصيت للموجودين بضيق لانهم
كانوا بيضحكوا في صمت وفعلا بدأت الم حاجتي وخرجت بره المدرج رغم محايله ندي عليا ان انا اعتذرله وافضل بس رفضت كله عشان كرامتي اللي اتمسح بيها الارض.
اتجهت لكافتيريا الكليه عقبال ما ندي تخلص ولسوء حظي شوفت ايوب في وشي في الاول مكنش ملاحظ وجودي لكن بعد وقت لاحظ وجودي وبصلي باستغراب وقرب مني_.. انت بتعملي ايه هنا !.
شدني من دراعي بقوه وخدني علي جنب_.. مش وقت استعباط اظن بقينا لوحدنا.
_.. يعني هو حلال ليك وحرام ليا.
_.. انت عندك محاضره انما انا معنديش الوقتي انت بتعملي اي ومش في المدرج بتاعك لي !.
بلعت ريقي بتوتر واتكلمت بتلعثم_.. اا. اا.. اصل انا هقولك.
فركت ايدي بتوتر وتابعت كلامي_.. هو انا مقولتلكش مش انا مسكت خڼاقه مع الدكتور وطردني.
اتكلم بابتسامه جانبيه_.. والله لا ابهرتيني.
اتكلمت بثقه_.. عارفه عارفه.
_.. وسبب المشكله.
_.. دكتور بارد ومستفز عشان كنت بتكلم.
_.. وانت بتتكلمي ليه.
_.. انت فاكره نفسك لسه في المدرسه.
_.. برضوا المفروض ميشرحش.
غمض عيونه وزعق بعصبيه_.. فيروز انت بتستعبطي انا قايلك ايه الصبح وراحه تعملي مشكله من اول يوم.
بصتله پخوف من شكله اللي اتحول فجاه_.. انا مكنش قصدي اللي حصل بس هو الا هزقني وهان كرامتي مقدرتش اسكت وطلعت بره.
مسح علي وشه بضيق_.. امشي من وشي عشان مطلعش عصبيتي عليكي.
_.. انت حتي مسالتش قالي ايه بتحط اللوم عليا وخلاص.
قاطع كلامنا صوت ندي وهيا بتقرب مننا فبصتله بضيق واتحركت مع ندي من غير كلام _.. مين القمر ده ها لحقتي ازاي قدرتي توقعيه يا قادره .
اتكلمت بغيظ_.. احترمي نفسك وملكيش دعوه بيه.
غمزت وقالتلي_.. اوبا والعه معاكي...بس جامد جامد يعني.
_.. ما قولتلك متتكلميش عليه كده الله.
_.. الله بقولك الحقيقه.
اتنهدت بضيق وانا بقعد معاها وبتجنب النظر ليه_.. ندي ده جوزي اياك تجيبي سيرته !!.
اتكلمت بصدمه_.. نعم جوزك ازاي وامتي ولي مش لابسه دبله !.
اتنهدت بهدوء وانا بحرك راسي_.. حكايه طويله هحكيهالك.
_.. انت منك لله حد يفرط في القمر ده.
_.. منك لله انت انا غلطانه ان حكتلك حاجه.
_.. والله انا لو منك مفرطش فيه اي كان السبب ممكن اي واحده تاخده وتسرقه منك عيني عينك كدهو.
بصتلها باهتمام وتركيز فتابعت كلامها_.. اصل الواد مفيش منه اتنين ف ممكن واحده تيجي تقرب منه تتدلع عليه انت فاهمه بقي حركات البنات دي وانت غبيه بتضيعيه من ايدك ده حتي جوزك دلعيه.
اتكلمت بغباء_.. ادلعه ازاي
