روايه بقلم اسامه محمد الهواري

لازم تشتغل كان ممكن تلاقي حاجة احسن من الشغل في البيوت
منال الشغل مش عيب وهي اكيد تعبت ودورت ولو لقيت حاجة غير كدة كانت اشتغلت وده اشرفلها من أنها تمد أيدها للي يسوي واللي ميسواش.
رباب انا اسفة طبعا مش قصدي حاجة بس انا مش متقبلة الموضوع ده بعد اذنكم يا بنات انا همشي دلوقتي.
منال رايحة فين يا رباب إحنا لسة محضرناش حاجة.

رباب انا هروح الكافيتريا اشرب حاجة وانتوا خلصوا كلام براحتكم.
سلمي شفتي ده اللي كنت خاېفة منه واهه حصل اول ما عرفت أن والدتي بتشتغل في البيوت بعدت وانسي أنها تكلمني تاني.
منال خلي اللي يبعد يبعد ومتشغليش بالك بحد ولازم تتشرفي بوالدتك أنها محوجتكوش لحد وبعدين يا ستي مافيش حد فينا بيختار أبوه وأمه.
سلمي انا فخورة بأمي بس هو ليه الناس بقيت كدة وأصبح أن الفلوس والماديات والمظاهر اهم حاجة مع اننا كلنا بشړ والماديات دي أرزاق ومقسمها ربنا.
منال الناس دلوقتي بتبص علي المظاهر ويلا بقا بينا عشان نحضر المحاضرة ولا هنقضيها كلام
........
نرجع لهند واللي مكانش عاجبها الوضع ده وكان كل همها وشغلها الشاغل أنها تتخرج عشان تبني لنفسها حياة جديدة وأثناء تفكيرها ازاي تخرج من المشكلة دي واللي في نظرها هتسببلها إحراج يتصل بيها الشخص اللي بعتلها صور والدتها.
..........
الشخص المتصل اي يا هند انتي منزلتيش الكلية ليه!
هند هو انت بتراقبني
الشخص المتصل هو انا عندي أغلي منك عشان مراقبوش انا بقول تلبسي وتنزلي الجامعة دلوقتي.
هند مش نازلة النهاردة معليش تعبانة شوية عندك مانع .!
الشخص المتصل ليه كدة بس يا هند انا كدة ازعل وزعلي وحش اوي وانتي اكيد ميخلصكيش تزعليني .
هند انت عايز اي من الآخر!
الشخص المتصل عايزك تلبسي وتنزلي تقابليني دلوقتي.
هند وده ليه أن شاء الله!
الشخص المتصل لما اقابلك هتعرفي سلام
ياتري هو عايز يقابل هند ليه ده اللي هنعرفه في البارت القادم إن شاء الله وحتي نلتقي
تحياتي للجميع