انا اسمى طارق وعندى 30 سنه
انت في الصفحة 1 من 9 صفحات
انا اسمي طارق عندي 30سنه بشتغل في شركة مقاولات كبيرة وبحب واحدة زمليتي بس شغالة في شركة غير اللي انا فيها وروحت لابويا عشان عايز اخطبها وانا علي علاقة بيها ليا اكتر من سنتين وفي يوم قولت لابويا
طارق
ازاي الحال يا حج عامل ايه في شغل الورشة والمحل شايفك اليومين دول مشغول اوي
الحج زيدان
هاعمل ايه الشغل واخد اغلب وقتي وانت مش فاضي وطول اليوم يا في الشركة يا اما برة مع صحابك
الله طريقة كلامك فيها متغيرة هو انا مزعل في حاجة ياحج
الحج زيدان
يا عيني هو انت لحد دلوقتي مش عارف ايه اللي مزعلني دا خاېف اموت قبل ما اشوف ولادك واشوفلك زوجة تاخد بالها منك
طارق
ياسلام بس كده خلاص يا حج انا هاتجوز
وهاخلف وهامللك البيت عيال ومن بكرة كمان نروح نخطب العروسة
ات بتتكلم بجد اخيرا واقفت وهاروح اخطب بنت الشيخ عامر
طارق
لا يا ابويا انا مش هاتجوز بنت الشيخ عامر انا هاخطب واحدة تانيه خالص
الحج زيدان
ليه هي بمت الشيخ عامر تتعيب دي ادب وجمال ومتعلمة زيك واحسن دي السنة دي هاتتخرج من طب وغير انها حافظة كتاب الله
طارق
علي راسي كل الكلام ده بس انا ما بحبهاش ومش عايزها انا بحب واحدة تانية اوي وهي دي اللي هارتبط بيها
ومين دي ان شاءلله اعرفها ولا معرفة حضرتك وايه اصلها وفصلها
طارق
دي مهندسة زي وشغالة في شركة غير اللي انا فيها بس بنتقابل في اجتماعات كتيرة بين الشركات وعجبتني وحبينا بعض
الحج زيدان
اومال وبتتقابلوا علي كده طيب ابوها يبقي مين ومين اهلها احكيلي عنها
طارق
هو بصراحة ابوها منفصل عن امها من هي وصغيرة وعاشت مع ابوها فترة وبعدين راحت عاشت عند امها وابوها ما يعرفش عنها حاجة احنا ملناش دعوة بيه
يااه وانا لما اروح اخطبهالك هاروح لمين
لامها
طارق
لو سمحت يا حج هي ملهاش. دعوة باظروف ومش ذنبها ان اللي حصل بين ابوها وامها
الحج زيدان
استغفر الله العظيم انا مش قصدي بس انا عايز اعرف البنت دي اخلاقها طبعها زينا ولا
طارق
هي امها غنية خصوصا انها ورثت من جوزها التاني فلوس كتير بس هما عايشين عيشة مودرن شوية
عايز افهم تقصد ايه بكلامك انا مهما كانت معايا فلوس انا واحد ابن بلد احب مرات ابني تعيش زينا
طارق
هي كويسة بس كل واحد والحياة اللي عاشها تختلف من واحد للتاني
الحج زيدان
اسمع يا ولدي اكتبلي اسمها في ورقه وعنوانها وانا هاسال بطريقتي واهاشوفها برضو بس اللي هاقول عليه هو اللي هيمشي فاهم
سكت طارق شوية
حاضر يا حج هاكتبلك اسمها وعنوانها بس لازم تعرف اني لو ما اتجوزتهاش مش هاتجوز من اساسه
وراح الحج زيدان شغله واتصل بالشيخ عامر
الشيخ عامر
السلام عليكم خير يا حج اتصلت وقولتلي انك عايزني ضروري
الحج زيدان
والله انا ملياش صاحب ولا
