اسكريبت بقلم اسراء جمال

أهالي مش معاهم فلوس كشف دكتور
يا ترى دول لو خلفوا طفل فعلا هيكونوا قادرين يجيبوله طلباته كنت خاېفة أسألها لاتكون قلة ذوق مني
أنا فرحانة أوي بس خاېفة أوي برضه احنا الحمدلله عايشين مستورين بس الفترة دي جوزي تعبان وقاعد أجازه من الشغل علشان كده أنا اللي بصرف عالبيت خاېفة من فلوس الولادة ولبس البيبي والتجهيزات أنا سني كبير وخاېفة من العواقب بس متأكدة إنه ربنا زى ما دبرلي جبري هيدبر الباقي.

أول حاجة جت في بالي الفيزا أنا مش محتاجاها هنا كنت حاطة فيها كام ألف علشان أجيب فستان وطقم وشوية شوبينج وعندي مليون فستان وطقم ولما أرجع بابا يقدر يديني ضعفهم فكرت ليه مديهاش ليها
ليه مجربش أتصدق طول عمري وأنا صغيرة كنت بسمع في كلاس الدين في المدرسة إنه الصدقة حلوة وبتفرحنا إحنا فيها إيه لو أجرب سعادة العطاء
طول عمري بجرب سعادة إن باخد من أهلي ليه مجربش سعادة إن أدي
_ربنا دايما بيدبرها إرمي حمولك وتوكلي عليه لو تسمحيلي يعني وتعتبريني زى أختك الصغيرة أنا عاوزة أجيب هدية بسيطة كده للبيبي ولأخواته لو تقبليها مني.
هدية إيه!
_ما أنا مش عارفة هدية إيه بالظبط علشان كده هخليكي إنتي تختاري.
متتعبيش نفسك يابنتي إنتي شكلك قلبك طيب وحنين كفاية إن قابلتك.
_أنا وانتي ربنا وقعنا في طريق بعض دايما الناس بنقابلها لسبب معين أنا إستفدت من مقابلتك جدا وخدت منها درس وإنتي كمان قابلتيني لسبب أنا مجرد وسيط من ربنا تحقيق لدعوة صادقة دعتيها في قيام الليل.
كانت بتسمعني ومش فاهمة انا عاوزة أوصل لإيه برضه طلعت الفيزا وهي باين عليها طيبة أوي متعرفش يعني إيه.
_بصي يستي دي فيزا الرقم السري بتاعها من خمسة لتسعة هتروحي أى بنك أو تسألي عن أى مكان فيه ماكينة Atm وخدي معاكي حد أمين بيفهم في الحاجات دي وشوفي اللي فيها وخديه هدية البيبي وأخواته.
هيطلعلي من الماكينة هدايا إزاى
_هيطلعلك منها فلوس الهدايا مش الهدايا نفسهم وانتي اختاري اللي يعجبك بنفسك بقى إنتي عارفة ذوقهم.
فضلت مقاوحة في الأول ونفسها عزيزة مش راضية تقبل بس بعدين قبلت وكانت بټعيط دموع الفرحة كانت باينة في عينها وعمالة تردد
عمرك ما خذلتني يارب كرمتني في اليوم مرتين ألف حمد وشكر ليك يارب.
حضنتها ومشيت وأنا من جوايا مبسوطة إحساس إن الإنسان يفرح حد طلع أحسن من إنه ذات نفسه يفرح بعد اللحظة دي أدركت إن إحساس العطاء بجد من أجمل الحاجات اللي ممكن الإنسان يحس بيها بجددد.
بصيت عالقلم ولقيت تالت علامة نورت!
كل ما النور بينور بحس بإنجاز وفرحة بس المرة دي الفرح مختلفة أوي...أوي أوي بجد!
وفجأة ظهر نفس الراجل قليل الذوق اللي لابس قناع أسود.
_شطورة مكنتش متوقع منك تنجحي بسرعة كده.
وإنت مين أصلا علشان تتوقع كده
_تصدقي أنا غلطان انتي مينفعش معاكي التشجيع والكلام الحلو أبدا.
ياريت ياخويا تنقطني بسكاتك.
_مش من حلاوة الكلام معاكي أنا جاى علشان أوديكي الشقة اللي هتنامي فيها لحد ما نخلص من اللعبة دي.
لأ متقلقش ماهو أخرنا اللعبة فعلا وبعد كده قطع عيشك هيكون على إيدي بعون الله.
_طب يلا امشي بلاش كلام كتير مبحبش الهري الكتير.
كنت مستغربة من قلة ذوقه معايا إزاى شغال مع بابا وبيعاملني بالطريقة دي ومستحيل بابا يوافق على معاملة زى دي.
ما تتكلم عدل إنت نسيت نفسك ولا إيه
_لأ مانسيتش يا رنا هاااانم.
وزود في كلمة هانم جامد حقيقي في حيرة من أمره بجد!
مشيت وأنا ساكتة محبتش أرد ولا أدخل نفسي