بحبك كيف مخبرش

رواية كوميدية 
بسم الله والصلاة والسلام على رسول الله 
هريدى شاب صعيدى دمه خفيف 
هيام بنت جميلة وهيقع فى حبها هريدى من اول نظرة 
هريدى بيحرث فى الارض فتمر قدامه على الطريق هيام 
هريدى مبحلق فى الجمر ال معدى قدامه ..يا بوى ايه ده جمر يخواتى ..يا ترى منين الجمر دى 
هيام...تبصله وبعدين تودى وشها الناحية التانية وتقول ..ديه هديه ..ايه ال منين دى وجمر ..ان شاء الله تنطس فى نضرك ..ويجى ابوى يطوخك عيارين يلى متسمى 

هريدى..متزعلش واصل يا عسل ..انا جصدى شريف 
هيام..بابتسامة..يبجى انا بنت شيخ البلد وبيته ميتوهش 
هريدى....شيخ البلد العفش ده يخلف الجمر ده 
هيام..وبعدين هتعاكس تانى .انديلك الغفر يرنوك علجة 
هريدى..لا جلبك ابيض يا ست الحسن
انا ريدك فى الحلال 
هيام..يبجى مجدمكش غير دورنا ..سلام 
هريدى...اشوفيك مېته تانى 
هيام ...تضحك وتمشى 
..تانى يوم مستنى هريدى هيام تعدى عشان محضرلها كلمتين حلوين يمكن قلبها يميل 
فتعدى هيام 
فيقول 
وبحبك كيف مخبرش وعلى فراقك مجدرش 
وعلى فراقك خسيت وكنت تخين وبكرش 
والحب يبوى بهدلنى مرمطنى جوى وخربشنى
وغرامك بيغير منى ومعدش معايا ولا جرش
شومة حبك بطحتنى وجاموسة حبك نطحتنى
والهوى جحشته رفستنى وانا يا بوى مصبرش
هيام...يا بوى احلى حديد سمعته منيك 
بس ايه العمل دلوك 
واد عمى مظلوم جى يطلب يدى من ابوى 
هريدى...لا يمكن ..انا مجدرش وهجيب ابوى وامى الليلة وان سبجنى مظلوم هبطحه يا جمر
.....وراح هريدى يخطب هيام ..
شيخ البلد ..بس هى مخطوبة لابن عمها 
هريدى...يحط ورقة بمية تحت الصنية .. 
شيخ البلد ..بس يعنى لسه مجرناش الفاتحة 
هريدى...يحط ورقة بمئتين 
شيخ البلد ..مبروك يا ولدى 
وتعدى الايام ويتجوز هريدى وهيام 
وتخلف قرطة عيال ويروح الحب 
ويقول هريدى 
يارتنى مطمرمت ولا فى هواكى وجعت 
مكنت بعجلى ايه حصلى مخبرش 
ورجعت تانى بكرش من غير ولا جرش
بحبك كيف مخبرش 
هريدى اتجوز هيام عن حب وفى يوم الفرح وهما جعدين فى الكوشة 
هيام تكلم هريدى 
هريدى...نعم يا نن عين هريدى من دوه 
هيام...البلغة ديجة جوى جوى بتهرس فى ردلى يا هريدى 
هريدى...اجليعها وخلصينه وارتاحى 
هيام...وهمشى كيف يعنى 
هريدى..يبصلها ويضحك..مش هتمشى انا هشيلك 
هيام بكسوف..اباى عليك ..مكسفنيش بجه 
له خلاص هستحميل 
....وتشتغل الموسيقى والقائم على دى جى يطلب من هريدى يغنى 
ويمسك المكرفون هريدى ..ويمتعنا بصوته الشجى 
هدوز ..و هدوز ...وهنلعع .وهنلعع 
حبيتها من جلبى ..ورموشها دننتنى 
يا عينى لما تنضرنى كأن الكهربة مستنى 
وهدوز 
...خلص هريدى وسط تصفيق حاد من جريبينه ..
ال خلاص جاعوا وعايزين يأكلوا وفعلا تم فتح البوفيه ..
وهجووم من الناس 
هريدى.. يا مرى يا مرى...شجه عمرى هيخلصوه ولاد الهرمة ..نولينى كيس يا هيام الحق أحطلى فين شوية وكل ال هيجضوا عليه 
هيام..متجلجش امى عمللنا وكل فى البيت ..
هريدى...هتجيبى الوكل ده زى وكل أمك ..نولينى بس كيس وقعد يلم هريدى على قد ميقدر فى الكيس 
وخلص الفرح على خير 
ووصل هريدى وهيام البيت 
هيام مكسوفة ومش بتكلم وهريدى يقرب منها ويقعد على السرير وهى تبعد وهويقرب وهىىتبعد لغاية موقعت فى الارض 
هريدى..تعالى يا بت أجعدى جمبى اهنيه ..
هيام..له ..انا حلوة اكده 
هريدى...طيب مش هتغيرى خلجاتك دى 
هيام..ماشى منه لبسه تحت الفستان الدلبية الجطيفة عشان الجو سجعة اوى يا هريدى 
هريدى...سجعة ..ودلبية ..شكلها ليلة مجندلة 
هريدى ..وهو بيقرب منها ..
هيام...أمى الله يسترها لبستنى دلبية تانية جطن..خلف خلاف عشان مستهواش 
هريدى..يحط ايده على دماغه ..لع ..لع ..كده كتير جوى ..جوى ...
الهى أمك تزحلق وهى معدية على الترعة 
هريدى..يحاول يقرب منها .
هيام....ابويا الله يستره ..عطانى بتاعه والفنلة ام كم وياجة دى ...
صوح ..فكرتنى..ده انا شيلة فى ديب النجطة بتاعتنا ..
هريدى .يغمى عليه ..ده انتى ال جبتيلى نجطة 
هيام....جوم ..يا هريدى انت هتستعبط...شلك عايز تجسم معايا النجطة...
ده انا كنت عملاك مفأداه..دافية جطيفة من الى بيلبسوها البنات فى البندر ...
هيام...هتجوم..ولا ..هروح اتعشى انا لوحدى عصافير بطنى بدزغزغ .
..بس ميخلصنيش واصل اكل وحدى...وراحت قايمة تجيب فحل بصل ..وقسمت البصلة نصين وشممته عشان يفوق..
فاق هريدى...يا بت حرام عليكى هتجنينى وانا لسه عريس ..وبتوجينى بفحل بصل .امال فين جزازاة الريحة ال دبتهالك هدية ..فى العيد الكبير 
هيام ..وه ..هى جزازة ريحة ..دى امى فكرتها فنيك ونضفت بيها الحمام 
هريدى..قام يجرى ورا هيام بالبلغة ويضربها 
.فنيك..يا بنت شيخ البلد......
واخر متعب....انا داخل اتسبح الا فرهدت ..انا
مش عارف 
هريدى يغمزلها بعينيه ..يحاول لاخر مرة يلطف الليلة 
متيجى يا بت ..تسبحى معايا ...ده انا علملك بانيو .اوسع من الترعة ال جدام بيتكم.
هيام.. لا يخوي اخاڤ أبرد الجو سجعة وكمان انا لسة مسبحة من شهرين فاتوا. .وهانت فاضل شهرين ويهل العيد اتسبح تانى 
..هريدى..مش جادر ينطق ...وهيام ..اتعشت ونامت 
...يارب تكون الحلقة عجبتكم ورسمت البسمة على وشوشكم 
متنسوووش لايك وكومنت 
أم فاطمة 
وانتظروا حلقة تانى جديدة
من بحبك كيف مخبرش
الحلقة التانية
بحبك كيف مخبرش 
هريدى وهيام 
هريدى حب يطلع من جو البلد يمكن هيام تبحبها معاه شوية ..وحب يقضى يومين فى شرم ..
هريدى...هيام يا حب جلبى ال أستوى ونفسه تجشريه وتنضرى جد ايه بحبكك ويقرب منها 
هيام...وبعدهالك اياك ..والله استحى ..ابعد عنى دلوك 
هريدى..يا بت انتى وكتاب الله المجيد مرتى 
هيام...ايوه .مرتك..هطبخلك وهغسلك خلاجتك العفشة دى ..عايز ايه منى تانى 
هريدى...له معيزش ..افهمها كيف الجاموسة دى
هريدى...ايه رئيك يا هيام نسافر نشم هوا فى حته اكده اسمها شرم الشيخ 
هيام...كفر الشيخ ...ايوه حلوة جوى فيها بنت عمى ست ابوها ..يا حلاوة يا ولاد ..والله اشوفها دى وحشانى جوى جوى ...
يلا وصلنى حداها وانت ارجع بقه هنه عشان جوزها ميضيجش منيك 
هريدى..يا مرارك الطافح يا هريدى .كفر الشيخ مين وست ابوها مين .. يا بت بقلك شرم ..يعنى بحر وهوا كده وجعدة حلوة رومانسية ..
هيام....بحر وكتاب الله المجيد..يسلام ..حلو جوى....طيب الم كل خلاجتك العفشة دى واغسلها فيه هتنضف وهتبقى زينة 
هريدى...تغسلى ايه يا بت ..ده احنا هنسبح فيه كلتنا مع بعض وكمان هناك فيه بسين 
هيام....وه ايه بسين دى 
هريدى...يا ام مخ طخين ..يعنى حمام سباحة 
هيام ..لسه مبحلجة 
هريدى...افهمك ...يعنى شبه الترعة كده 
هيام .له ..اخاڤ اغرج 
هريدى...والله يبجى خير وخلصت من الجوازة النكد دى
هريدى..متخفيشى يا جلب هريدى انا معاكى 
هيام ..انت بتعرف تعوم يعنى 
هريدى...امال يعنى ..ده انا واخد المركز الاول من انا ذغير جد كده على مستوى الكفر بتعنا .لما سبقت الواد عوضين العفش ده فى الترعة 
هيام ..عفارم عليك يا هريدى 
تمومام ..هحضر خلجاتى ونسافر 
هريدى..فرحان واخيرا هيشم نفسه 
...وصل هريدى الفندج ..وكان حاجز جبليها بيومين 
هريدى بفخر..للاستعلامات 
احم احم ..عندكم حدز باسم هريدى حسنين ومرته هيام محمدين 
المسئول يبصلهم . .هريدى لابس الدلبية ال على الحبل وهيام لابسة عباية حمرا .
هريدى..عم تبصلنا ليه اكده ..ارفع بصرك عن الجماعة الا ادق السيخ المحمى فى صرصور ودنك 
المسئول...انا اسف يا فندم..بس بتأكد من الحجز 
ايوه فعلا ..حضرتك ..املى بس الاستمارة دى وامضى انت والمدام 
..هريدى كتب وبص لهيام ..اتعرفى تكتبى 
هيام..لع بعرف ابصم بس 
هريدى .يادى الحوسة وسط الاجانب 
همضيلك انا ونخليص 
المسئول. شرفت يا فندم بتمنالك اجازة سعيدة 
هريدى..يحب على راسه يبوسها ..دعواتك ..تبجى 
سعيدة..الا البت دنننتنى ...
وينادى...يا أكرم ..خد شنطة البيه والمدام وطلعهم غرفتهم 
وجه أكرم يشيل الشنطة .
صوتت هيام...هريدى..الحج حرامى هيخطف الشنطة منينه 
هريدى...يا بت ده مش حرامى ده شغال اهنه شيال وهيطلعها فوق فى جوضتنا 
هيام...اهه طيوب 
وطلعوا اوضتهم ....
وحب يعمل روماتسية هريدى وشال هيام .
هيام ..نزلنى يا ابن الهرمة ..انا
اتكسحت اياك وبعرف امشى لوحدى 
هريدى...اكده .وراح راميها على السرير فداخت ونامت وهو مصدج ونام هو كمان
بعد شوية...صحيوا ...
هريدى..صبحية مباركة يا عروسة ..جمر يا بت 
هيام .صړخت...ولطمت ..جبتلى