اسيره العشق بقلم منه مجدي

الوحيدة كانت تقضي كل يوم ساعات وساعات في محادثتها
احبت عملها كثيرا في كندا بل حقيقة وقعت في غرام تلك البلد 
كانت دائما تتذكر اياد فهي لم تنساه 
ولكنها شعرت بانها اقوي وافضل حالا من ذي قبل 
لن تترك الفرصة لاحد ان ېؤذيها مرة اخري نعم تغيرت كثيرا ومن لا يتغير 
كانت دائما ما تتذكر ايامهما سويا حين تري احد الازواج في الحديقة او في احد المطاعم او في الشارع او حتي في المستشفي 
كانت طوال حياتها تتمني ان يكون زوجها الي جانبها في ايام حملها ولكن لله ارادة اخري 
اما اياد فظل كما هو 
كان يدخل لغرفتها كل يوم ويظل جالسا بداخلها 
يتحدث معها ويخبرها كم اشتاق اليها وكم هو نادم علي فعلته 
نمت لحيته كثيرا فاعطته مظهرا اكثر جاذبية فابرزت عيناه الزقاوتين 
اما معتز فعلم انه قد وقع في غرام اميرة 
ولكنه لم يدري ماذا يجب عليه فعله تحديدا ايحدثها ام يؤثر الصمت 
ماذا يفعل لا يعرف 
وبعد وقت طويل عقد العزم علي ان يذهب كي يطلبها من جدتها 
وبالفعل اختار احد الايام التي تكون فيها هي في العمل وذهب الي منزلها 
فتحت ناهد الباب 
معتز انا اسف جدا اني جاي من غير معاد بس لو الموضوع مكنش ضروري مكنتش جيت كده 
ناهد مفيش حاجه يا ابني اتفضل بس انت مين انا معرفكش 
معتز انا عارف ان حضرتك متعرفينيش 
ناهد طيب اتفضل اقعد يا بني 
معتز انا جاي اطلب من حضرتك ايد اميرة 
ناهد اميرة حفيدتي 
معتز ايوة بصراحة انا بحبها بقالي فترة بس مكنتش عارف اعمل ايه 
ناهد ومقولتلهاش هي ليه 
معتز هو انا بصراحة كنت محتار بس بعد كده قررت اجي لحضرتك علشان اي حاجة تبقي رسمي 
ناهد طيب هي تعرف عنك اي حاجه 
معتز مهي دي المشكلة احنا تقريبا كل مواقفنا مع بعض وحشة جدا
ودا

الي مخليني خاېف ترفض 
ناهد طيب يا ابني اديني وقتي وان شاء الله ربنا يكتب الي فيه الخير 
اخرج معتز بطاقة توجد عليها اسمه وعنوان منزله ورقم هاتفه عنوان الشركة 
نظرت اليها ناهد 
ناهد انت صاحب اياد 
معتز ايوة انا هو حضرتك تعرفيني 
ابتسمت ناهد انت بقي معتز 
معتز ايوة انا
ناهد اصل اميرة حكيتلي عنك كتير 
معتز يبقي حضرتك عارفة كل حاجة من اول ما قابلتها لحد النهاردة 
ناهد ايوة يا بني 
معتز طيب انا همشي دلوقتي قبل ما اميرة ترجع وهبقي اكلم حضرتك تاني 
ناهد شرفت يابني 
وبعد عده ايام حادثت ناهد اميرة في موضوع معتز 
بعد ان
علمت انه شاب جيد 
ناهد تعالي يا مرمر عايزاكي 
اميرة نعم يا نانا 
ناهد في حد اتقدملك 
اميرة حد مين 
ناهد معتز 
اميرة معتز مين 
انا معرفش غير معتز واحد 
لالالا اكيد مش قصدك معتز معتز صاحب اياد جوز ملك !!!
ناهد هو بشحمه ولحمه 
اميرة دا علي اساس ايه اننا بنطيق بعض يعني اوي دا بني ادم متخلف وبيتريق علي سواقة الستات يا ناناه استحالة 
تسللت ابتسامة ماكرة الي شفتي ناهد 
ناهد اتكلمي عن نفسك الواد واقع لشوشته 
اميرة انتي عايزة ايه يا نانا دلوقتي 
ناهد مش عاوزة حاجه غير انك تفكري وتشوفي 
اميرة مش عارفة يا نانا 
ناهد فكري علي مهلك يا حبيبتي محدش مستعجل وان شاء الله خير 
احتضنت اميرة جدتها 
اميرة حاضر ياحبيبتي بس انتي ايه رايك يعني اعمل ايه 
ناهد اتجوزيه 
اميرة تفتكري 
ناهد الولد فعلا بيحبك 
زفرت بعمق وعادت لاحضان جدتها مرة اخري فلم تكن تعرف ماذا تفعل
في صباح اليوم التالي
قررت اميرة ان تبلغ جدتها رايها 
اميرة انا موافقه يا نانا 
ناهد لولولولولولي مبروك يا قلب ناناه من جوة يعني ابلغ معتز 
اومات اميرة براسها خجلا 
وبعد وقت قليل ذهبت الي عملها 
اما ناهد فاخبرت معتز بالموافقة الذي فرح كثيرا وذهب لمقابلة ناهد 
وحددا معاد سويا لاحضار اهله 
وبعد عده ايام حضر معتز مع اهله 
فجلست ناهد مع والديه وجلسا اميرة ومعتز سويا 
اميرة هو انت ازاي حبيبتني يعني اقصد احنا تقريبا من ساعة ما تقابلنا واحنا مش طايقين بعض 
معتز لا انتي اللي مكنتيش طايقاني انما انا معجب بيكي من اول لحظه شوفتك فيها بصراحة بس لقيتك بتحدفي دبش فرد فعل تلقائي احدف دبش انا كمان 
واعجبت اكتر بيكي لما لقيتك بتدافعي عن ملك 
وازاي بتحبيها وبتتكلمي عنها حلو 
دا غير اني اعجبت بشخصيتك وطريقتك وكل حاجه يعني 
شعرت اميرة بالخجل اثر كلماته ونظراته ولكنها كانت سعيدة للغاية 
وانتهت الزيارة بعد تحديد موعد الخطبه علي ان يكون بعد 10 ايام من الان 
اشتاقت اميرة كثيرا لرفيقتها فقررت ان تذهب لزيارتها لعدة ايام وتعود سريعا 
ولكنها لم تخبرها كي تكون مفاجاة فحجزت تذكرة الطيران واعدت حقائبها وذهبت 
بعد عده ساعات كانت قد وصلت الي مطار كندا 
اخرجت من حقيبتها عنوان منزل ملك 
وتوجهت اليه علي الفور رات بعض اضواء المنزل مضاءة فعلمت انها بالداخل فهاتفتها 
التقطت ملك التي كانت تشاهد التلفاز هاتفها 
اميرة ايه يا بنتي اتصلت بيكي امبارح ومردتيش 
ملك معلش ياميرو والله كنت في المستشفي واليوم كان طويل ولسه راجعة اصلا والله من شوية المهم انتي وحشتيني جدا جدا 
اميرة والله العظيم وانتي اكتر 
انتي اللي خلاص شكلك كده حبيتي كندا ومش عاوزة ترجعي 
ملك لا مش ك.... 
ثم طرقت اميرة الباب 
ملك الباب بيخبط اصبري هفتح واكلمك 
ملك coming 
قادمة
فتحت ملك باب المنزل فوجدتها اميرة 
اميرة surprise 
مفاجأة 
احتضنتا بعضهما البعض وهما تبكيان وتضحاك 
ملك وحشتيني اوي 
اميرة وانتي اكتر والله العظيم 
ثم چثت علي ركبتيها لتحيي كايلا 
اميرة اهلا اميرتي الحلوة 
ملك اميرتك الحلوة بتسلم عليكي وبتبوسك كمان تعالي تعالي 
دلفا سويا للداخل 
ملك انتي لسه جاية النهاردة صح 
اميرة من المطار علي هنا علي طول 
شاهدت اميرة صور السونار الخاص بكايلا المعلقة علي الحائط 
اميرة الله دا سونار ليلي 
ملك اه حلوة مش كده 
ضحكت اميرة علي كلمات صديقتها فهي مازالت لم تولد لتعرف 
اميرة ربنا يحميها ويبارك فيها يارب 
ملك اللهم امين 
اميرة مازحة بس شكلك زي القمر وانتي منفوخة كده 
ملك ايه منفوخة دي يا بت انتي 
اميرة منفوخة يعني معبيه حامل يعني 
ملك معبية لا دا انتي الفاظك بقت في البطيخ 
اميرة بطيخ 
ملك غيري هدومك علي ما احضر الغدا 
اميرة اوكيه بس استنيني هغير وانزل احضرلك اكل من ايدي 
ملك روحي يابت ايه ذنب كايلا نجيبلها تلبك معوي 
لوت اميرة فمها كالاطفال 
اميرة بقي كده 
ضحكت ملك علي مظهر رفيقتها 
ملك ايوة ويلا روحي بقي وبلاش رغي 
اميرة انا بنت ناس علي فكرة عامليني معاملة احسن من كده

ملك ماشي ياختي 
وبعد تناول الغداء ذهبا سويا للجلوس في الشرفة 
اميرة انتي مش ناوية ترجعي بقي 
ملك لا مش دلوقتي
اميرة انا خطوبتي بعد 10 ايام يا ملك 
ملك بسعادة بجد 
اميرة اه والله 
احتضنتها ملك 
ملك الف مبروك يا مرمر 
اميرة الله يبارك فيكي انتي هتيجي صح 
ملك مش عارفة 
اميرة يعني ايه بقي ان شاء الله 
ملك مش عارفة يا اميرة والله انا لسه مش مستعدة اقابل اياد دلوقتي خالص 
اميرة ومين قالك انك هتقابليه بصي ابقي تعالي احضري خطوبتي وارجعي تاني 
ملك حاضر يا اميرة ربنا يسهل 
اميرة انتي بقيتي في الشهر
الكام دلوقتي 
ملك داخلين في الثامن اهو 
اميرة ماشاء الله 
ملك بابا وجدو عاملين ايه وحشوني اوي 
اميرة كويسين والله هو انتي مش بتكلميهم ولا ايه 
ملك لا بكلمهم طبعا كل يوم كمان 
اميرة نانا بتسلم عليكي جدا 
ملك وحشتني والله جدا سلميلي عليها 
وبعد وقت طويل ذهبت الفتاتان للنوماسيرة العشق
الفصل السادس والعشرون
في مصر 
معتز ايدو انا كنت عايزك في حاجة 
اياد ايدو لا انا كده هقلق 
معتز لا لا متقلقش خير ان شاء الله 
اياد اشجيني 
معتز انا هخطب اميرة بعد 10 ايام 
اياد اميرة مين 
معتز د. اميرة صاحبة د ملك 
اياد مبروك يا ميزو الف مبروك يا حبيبي ربنا يتمملكوا علي خير يارب بس انت عرفت اميرة منين 
معتز الموضوع غريب شوية 
ثم قص عليه ماحدث من اول لقاء لهما وحتي الان 
اياد بس تصدق هتعملوا مع بعض دويتو هايل 
معتز ماشي ياعم اتريق اتريق انت هتيجي صح 
اياد اكيد طبعا يا حبيبي انا اهم منك يا ابني 
معتز ماشي ياعم 
بالعودة الي كندا 
قضت الفتاتان ايام رائعة سويا 
اميرة انا بفكر اشتري فستان خطوبتي من هنا 
ملك كنت هقولك كده والله 
اميرة خلاص ممكن في اي يوم انتي فاضيه فيه قبل ما اسافر نبقي ننزل 
ملك ايه دا انتي هتسافري امتي 
اميرة يعني كمان يومين كدا 
ملك متخليكي قاعده شوية 
اميرة والله نفسي وانتي عارفة بس مش عايزة اسيب نانا لوحدها اكتر من كدا 
ملك امري لله 
اميرة بس انتي هتيجي الخطوبة 
ملك اه باذن الله 
اميرة هو حد يعرف انك حامل 
ملك لا 
اميرة تمام 
اخذا يبحثان في اليوم التالي عن الفساتين المنشودة 
اميرة دا عجبني جدا 
ملك وانا كمان شايفه انه حلو عليكي 
اميرة يبقي تمام وانتي خلاص هتاخدي الموف دا 
ملك اه عجبني اوي 
اميرة زي الفل يلا بينا بقي 
ملك يلا 
في صباح اليوم التالي 
عادت اميرة الي مصر بعد ان اتفقا علي ان تحضر ملك حفل خطبتها 
قضي اياد الوقت في مساعدة معتز في الترتيب لحفلة خطبته 
اما اميرة فكانت تفكر في اعادة شمل اياد وملك فيكفي بعدا للان 
ويجب علي ملك ان تسمعه وتتحدث معه علها ترغب في العودة 
لهذا لم تخبرها ان معتز هو صديق اياد فطلبت من معتز ان يتقابلا فور عودتها 
في احدي الكافيهات 
معتز اديني جيت وبسرعة ومن غير ما اقول لحد زي ما طلبتي اهو في ايه بقي 
اميرة انا كنت عند ملك اليومين اللي فاتوا دول 
معتز ايه !!!
اميرة ايوة وقولتلها علي خطوبتنا بس مقولتلهاش انت مين 
معتز وبعدين 
اميرة ملك حامل يامعتز وفي الشهر الثامن 
معتز ايه حامل!!!!! اياد لازم يعرف 
اميرة لا مش دلوقتي اصبر اصل انا بصراحة قررت استغل الخطوبة في اننا نجمع شمل ملك واياد اهو حتي نديهم فرصة يتكلموا يتواجهوا مش يمكن يرجعوا 
معتز يعني احنا المفروض نحاول نزبط الامور علشان يرجعوا لبعض 
اميرة كل المطلوب منك ان ملك متشوفكش ولا تشوف اياد لحد ما نوصل القاعة واول ما نوصل لو شافتكوا قول لاياد انها هنا 
معتز هحاول 
اميرة يبقي تمام
في صباح اليوم التالي 
حجزت ملك علي الطائرة المتوجهة الي مصر 
انتهت من اعداد حقائبها وذهبت للجلوس في الحديقة وكعادتها اخدت تحدث كايلا 
ملك هنرجع مصر بكرة يا ليلي 
مش عارفة هنقعد اد ايه بس كل اللي اعرفه اننا مش هنطول 
علشان انا لسه مش مستعدة اقابل باباكي
عارفة انك نفسك تشوفيه وتسمعي صوته بس اعمل ايه الظروف 
بس اوعدك هتشوفيه قريب 
وكمان هتشوفي جدو فريد وجدو عبد الحميد ونانا منار وعمتو ميرا وخالتو ريم وخالو كريم وكمان خالتو ريم ونانا ناهد 
وكمان خالتو انج........اللي كان نفسي تتغير بس للاسف 
وصلت ملك الي القاهرة في مساء اليوم التالي وتوجهت الي منزل اميرة لتكون الي جانبها 
اميرة لا حمد علي السلامة كنتي جيتي علي الخطوبة علي طول تاعبة نفسك وجاية بدري ليه 
ملك والله هو دا اقرب ميعاد لقيته 
اميرة ماشي ياستي هسامحك علشان كايلا 
ناهد وحشتيني يا لوكا والله 
احتضنتها ملك بشدة فاقد اشتاقت لتلك السيدة

حقا 
ملك وانتي اكتر والله يانانا 
ناهد وكمان ليلي 
ملك بتسلم عليكي وبتبوسك 
ناهد اياد يعرف انك هنا 
ملك لا يانانا ميعرفش انا اصلا هحضر الخطوبة واسافر علي طول 
اميرة مش وقته الكلام دا تعالي بقي اوريكي