اتحداك ( لبيده ) بقلم سولييه نصار
طول عمري
قولتها بغرور فضحكت وقالت
طيب ممكن اسألك سؤال
اتفضلي
قولتها بسرعة ...بصتلي بحيرة وقالت
انت ليه بتعمل فيها كده !!
رفعت حواجبي وقولت
ايه ..صعبت عليكي
هزت راسها بالنفي وقالت
لا طبعا انا بكرهها بس مستغربة يعني أنا ليا مبرر اني اكرهها ...في الاول والاخر هي بنت الست اللي اخدت مننا بابا ولولا ان امي ست قوية وقدرت ترجعه وتمشيه علي مزاجها مكانش هيبقي معانا...أنا اتربيت من صغري اكره كريمة وبنتها ...أنا اتربيت من صغري اكرههم وكنت مستنية أي فرصة اقهر كريمة زي ما قهرت امي ...عشان كده وافقت علي كلامك ...اني اتجوزك عشان اكسرها ...بس حقيقي مش فاهمة انت بتكرهها ليه ...يعني هي اذتك في ايه ...واضح جدا انها بتحبك ....لبيدة رفضت كتير جولها ومسمحتش لحد يقرب لها غيرك ....فليه بتعمل كده!!
عشان اتحدتني...اتكبرت عليا ورفضت ترتبط بيا وانا اللي يرفضني ويحسسني اني قليل اكسره وانا كسرتها ولسه هكسرها اكتر ...ها قولتي ايه ...كلمي مامتك وزني عليها ...وهي هتوافق علطول عشان پتكره كريمة وبنتها وابوكي موضوعه سهل ...وانا فيه حاجة كده ناوية اعملها ...
وبعدين قامت ومشيت ...غمضت عينيا وجزء بسيط جوايا متضايق وبيقولي اني هنډم بس أنا تجاهلته ...هي السبب مكانش لازم تقلل مني ...هي اصلا كانت تطول ترتبط بيا أنا !!
بعد ساعات ...
ضحكت سميرة سهيلة وقالت
طبعا موافقة يا روحي ....ياااه يا سهيلة كبرتي وهتاخدي حق امك ...ياااه أنا استنيت الفرصة دي من كتير اوووي ...أخيرا هنتقم من اللي لفت علي جوزي واخدته مني ....
فيه ايه !!
ابتسمت سميرة وقالت
سهيلة جاي ليها عريس ...
ومكلمنيش أنا ليه...
رفعت حواجبها وقالت
كلمني أنا ..ايه مش كفاية وهيجي بعد يومين بإذن الله عندك مانع يا كارم ..
هز هو راسه وقال بسلبية
طبعا لا يا حبيبتي ...
بعد يومين
كنت قاعد في بيتي بحضر نفسي عشان اتقدم لسهيلة ...كنت ناوي اوافق علي كل حاجة يطلبوها ...أنا مبحبش سهيلة ابدا بس عشان اكسر لبيدة مستعد أعمل أي حاجة ...
نورتي البيت يا لبيدة
قولتها بصوت سعيد ...
بصتلي ...وشها كان جامد بشكل صدمني ...كنت متوقعة انها مڼهارة بس مش مشكلة أكيد دلوقتي هتنهار ...
منور بيك يا عصام ...
جاية ليه...
شاورت هي علي الاكياس وقالت
دي الشبكة والهدايا اللي جبتهالي كلها اظن أن خطيبتك الجديدة أولي بيها ...بس فيه سلسلة منهم وقعت مني ...هجمع فلوسها واديهالك ...
بصتلها بغيظ ...هي ايه لوح تلج !!بس أنا هوريها ..
بس أنا عايز السلسلة دلوقتي ...أنا ايش ضمني انها ضاعت وانتي مطمعتيش فيها ..
انت مچنون صح اطمع فيها ليه وانت قولت ان الشبكة كلها ليا ومش عاوزها انا جيبتهالك لانها حقك وانا مش عايزاها ...
مليش دعوة عايز السلسلة
هجيبهالك حاضر ...
لا دلوقتي يا لبيدة ..
بصتلي پصدمة فقولت بخبث
لو مش هتقدري تجبيها أنا هسامحك بس بشرط
ايه
انك تشرفي علي تجهيزات الفرح بتاعتي بإختصار تكوني مصممة الحفلة اللي هعملها عشان فرحي بما أنك مهندسة ديكور!!!
انت بتقول ايه !!
قالتها پصدمة ...هزيت راسي وقولت
ده قراري ...السلسلة غالية وده حقي !!!
الجمود اللي كان مسيطر علي وشها اختفي وهي بتبصلي پصدمة ونظرات غريبة كأني واحد غريب متعرفهوش....كنت مبتسم ليها وانا بقول
عموما أنا هديكي مهلة لحد بكرة بالليل عشان توافقي وكمان هعرفك علي العروسة زي ما قولت انتي هتبقي مسؤولة عن كل حاجة ....
رجع الجمود لوشها وقالت
ولا وافقت مش هتطالبني بالسلسلة
اكيد ....
تمام مفيش داعي استني لبكرة أنا موافقة ...
كان مفروض ده يفرحني بس احبطني لاني حسيت انها مش مقهورة وكأن جوازي من غيرها لا يعنيها بشئ..بس هي كانت بتمثل أنا عارف كده مستحيل متكونش مهتمة...هي لسه بتحبني وانا هقهرها اكتر لما
