عروس متمرده بقلم سولييه نصار

ايدي على وشي وانا بفكر اني هقنع ابويا ميجوزنيش ليه ...ابويا طيب وأكيد مش هيسمح أن حياتي تتد مر بالطريقة دي 
وبعدين غمضت عيوني ونمت ...
 لما وصلنا كان النهار طلع ...نزلنا موقف الاتوبيسات ولقينا عم علي مستنينا بعربيته الصغيرة ...
 كارم وحشتني يا راجل ...أخيرا عقلت وقررت تستقر هنى
وبعدين بصلي ي وقال
بنت اخويا الغالي نورتي الصعيد كلها....بقيتي زي البدر ما شاء الله ...
ابتسمت ليه وقولت 
شكرا يا عمي ...
يالا يا بت اخوي الجماعة مستنينك في البيت ..يالا ..
وبعدين ركبت العربية ومشينا ...كنت ببص على البلد ...افتكر آخر مرة جيت هنا لما كان عمري سبع سنين تقريبا ...كان ساعتها منذر عنده خمستاشر سنة ورغم أننا قرايب بس هو مكانش بيطيقني كان شايفني متدلعة اووي ..من بعدها مشوفتهوش تاني ...حتى لما جه عزا في امي من خمس سنين مشوفتهوش كنت وقتها قافلة على نفسي ورافضة اقابل حد ...بس يا ترى هو بقا ازاي دلوقتي ...أكيد واحد مبهدل في نفسه لابس جلابية وكلها طين من الأرض ...

.....
وصلنا لبيت جدي الواسع ....
نزلنا وجم شوية شباب اخدوا الشنط ودخلوها البيت ...
دخلت بتوتر وانا ماسكة ايد بابا ...قربت مرات عمي مني وهي بتبتسم وقالت
يا دي النور يا دي النور ازيك يا آية ...ايه العسل ده بقيتي عروسة .
وبعدين وجم باقي بنات عمي وعمتي وسلموا عليا ...كنت وانا بشوف شكلهم المرتب ...هدومهم الشيك حتى ان كلامهم مفهوم وعادي زينا ...أنا كان عندي تصور تاني عن الصعيد غير اللي انا شايفاه ده ...
اومال منذر فين يا حاجة. 
سألها عمي فقالت
راح عند الحاج اسماعيل تعب تاني يا حاج ربنا يشفيه ..
يارب...
وبعدين بصلي وقال
منذر خطيبك يا آية دكتور قد الدنيا هو اللي طلع الأول على الثانوية العامة ودخل كلية طب ...
كنت ببصله وانا ...أنا مكنتش أعرف كده...ابويا كان كل اما يقولي اخبار عيلتنا مكنتش بهتم...
اهو منذر جه اهو...
قالتها مرات عمي فبصيت بسرعة وحسيت ان قلبي وقف لثانية وانا بشوف شاب وسيم وشيك .عيون عسلي وغمازات وبشرة سمرا ...كان طويل