ممكن دقيقه والدقيقه بقت عمر

پغضب و ماسك نفسي بالعافية 
ممكن افهم ايه ال حصل !
يا حضرة الناظر الاستاذة دي امبارح كان السواق غلط ف الحساب و
والله يا حضرة الناظر انا فكرته من ضمن الناس ال بټخطف الناس الايام دي و ...
اتكلم بعصبية و خبط ع المكتب المشاكل دي برا المدرسة تتحل برا مش هنا انتم مدرسين مش ناس من الشارع ف المدرسة انتم هنا مدرسين و اخوات بس تنسوا هتبقوا قدوة ازاي للطلبة و هما شايفين المدرسين بيجروا ورا بعض انا هتغاضي عن الهبل ال انتو عملتوه ده و إياكم تيجي مشكلة منكم تاني و انت يا استاذ بحر مكملتش يوم و جاي ليا بمشكلة ! اتفضلوا كل مدرس علي حصته .

خرجنا انا وهو و لقيته لسه بيبصلي پغضب كنت لسه همشي
ده انا مش ورايا غيرك بعد كده هخلي ايامك كلها سودة 
بصتله ببرود و ربعت ايدي بحب الغوامق 
بصلي پغضب و كان لسه هيقرب سبته و طلعت اجري 
اسبوعين و انا وهو كنا زي المراهقين كل شوية يعملي مشكلة و يضايقني انا اسكت تعرفوا عني كده ! اطفالي و تلاميذي حبايبي كانوا بيساعدوني من غيى ما يعرفوا لما كانوا يضربوا طلاب فصله و كان يجي يقولي ابصله و ابص للولد اقوله طب و اي يعني بصوت السقا كان بيتعصب و يشخط في الولد طبعا انا اسكت اقول للولد يجيبله ولي امره و يجيوا يشخطوا فيه عشان ميكلمش الولد طبعا وانا البريئة مليش علاقة بحد و كان بيعرف ان انا ال ورا كل ده و مكنش بيسكت كان بيجي يقرب مني و يبصلي پغضب و يسكت 
قمت و انا راسي بتوجعني اها يدماغي يصغيرة ع الهم يا لوز...ايدا انا فين اي الاوضة الضلمة دي ! 
قمت بجري و انا بفتح الباب لقيت نفسي كنت نايمة في فصل من الفصول ال بدرس فيها للطلبة امبارح منمتش كويس ف تقريبا بعد ما الطلبة خرجت انا
نمت مكاني و المدرسات افتكرت اني مشيت و كمان لان الفصل بعيد شوية عن فصول المدرسة في جنب كده اكيد محدش اخد باله اني موجودة .
طب هعمل اي دلوقتي الموب فصل شحن و معرفش حد هنا خبط كتير ع باب المدرسة مفيش حد موجود طب و هعمل ا...
لقيت شباك بلكونة لبيت قدام المدرسة بيتفتح و حد بيخرج منه و معاه كوباية شاي ايدا ده هو كان لسه هيدخل يجيب حاجه !!!
بصوت عالي يا بحر يا بحاااااار 
الشاي وقع من ايده و اتلفت بسرعة انت !!! بتعملي اي هنا في الوقت المتأخر ده !
برقص باليه ! انزل الحقني و خرجني من هنا
اتكلم ببرود لا ارقصي باليه و هجبلك شيبسي و كارتيه كمان لو تحبي 
هقهقهق يا ظريف بقولك تعال خرجني