حب مستحيل بقلم ساره اللومي

لنا سكن انا واتنين اتعينو معايا جديد في نفس المحافظه بقيت اقعد اسبوع انا والبنات وكنت برجع البيت كل خميس
كنت بتواصل مع محمد كل يوم واتفقنا أنه يرجع ل ابويا بعد ما أخيرا اتصالح مع اهله ووافقو يجو معاه يطلبو إيدي وكان معاهم كبار العيله بتاعتنا .
مكنتش عايزه أقول لامي اي حاجه لانها ب كده هتعرف اني باتواصل معاه لكن ايه الحل ما هو كده كده لازم يعرفو إن الناس جايه ! إتصلت بسعاد وقولتلها انه محمد راجع من تاني ومعاه اهله وجايين يوم الخميس الجاي وهي تبقى تقول لامي وانا عارفه انها مش ممكن تغامر وتقول انه انا اللي عرفتها 
وجات الجماعه وابويا استقبلهم واتكسف من جيتهم وعمل معاهم الواجب طبعا وكل ما يلزم بس قالهم بنتي ما تنفعش ل إبنكم لأنه هو من طينه وهيا من طينه وجيتكم على عيني وراسي من فوق والله واي حاجه تطلبوني فيها امركم مجاب لكن الا دي حاولو معاه كتير بس مفيش فايده وفي الاخر رجعو مكسورين الخاطر إنه ما عملش لهيبتهم حساب وطنط نفيسه وعمي حسن راحو وهما بيحلفو انهم مش هيعتبو البيت دا تاني بعد الاهانه اللي اتهانوها دي واللي حصل لابنهم بسببي . أما أنا كنت هموووووت من القهر لاني اصلا كنت متأكده انهم مهما عملو ومهما حاولو مش هيقدرو يقنعو ابويا انه يوافق عليه 
روحت الشغل من تاني وعدى شهر واتنين وانا بتكلم مع محمد وهو بيحاول يلاقي اي طريقه تانيه ولا اي حل مع ابويا لكني كنت عارفه إنه كل دا كان على الفاضي وإنه تواصلي معاه مش بيزيد الا الطين بله وبيعقد الامور اكتر واكتر عشان كده فكرت كتير وقررت اني احط حد لقصتنا وادوس على قلبي ومشاعري وابعد عنه مره واحده احسن من اني احطمه بآمال وحلول واهيه .
قولت يمكن لو انقطعت كل الاتصالات ما بينا يفقد الامل ويشوف حياته بعيد عني وربنا يكرمنا ويصبر قلبي وقلبه على ألم الفراق .
روحت اشتريت شريحه جديده ورميت القديمه وحاولت أبدا حياتي من غير وجوده فيها وعارفه انه كان امر مستحيل مش صعب وبس لكن اعمل ايه ما باليد حيله 
كانت الايام بتعدي عليا كأنها شهور والملل والفراغ كان فظيع وهيقتلني كنت بشتغل زي الآلة وارجع نهاية كل اسبوع البيت بلا اي مشاعر مبقتش احس لا بشوق ولا پخوف ولا بأي حاجه خالص مشاعري إتبلدت مبقاش فيه اي حاجه تأثر فيا .
لحد ما في يوم كنت طالعه من الشغل ورايحه البلد اجيب حاجات 
طلعت
كالعاده ووصلت الهايبر واستغربت لما شوفت عربيه شبه عربيته بالضبط في موقف السيارات القريب من الهايبر 
قولت في نفسي ربنا يهديكي يا بسمه هو المصنع دا ما عملش الا عربيته يعني اكيد واحده شبهها دا انتي بقيتي مجنونه رسمي يلا امشي بلاش عبط 
Stop
كنت متعوده اشتري حاجتي مره واحده كل يوم اثنين لاني بخلص شغل بدري والبلد اللي بشتغل فيها صغيره مفيهاش محلات كتير فكنت اروح البلد اللي جنبهم فيها هايبر ماركت كبير اشتري منه كل اللي يلزمني من اغراض تكفيني لنهاية الاسبوع ومحمد كان عارف دا لاننا كنا تقريبا بنتواصل طول الوقت وعارفني بروح فين وامتي كمان .
Back
دخلت وقعدت اتمشى جوا وكانت الحركه قليله عشان وقت مدارس والمصالح كلها شغاله اول ما دخلت في ممر فاضي لقيت فجأه إيد التفتت ورايا پخوف لقيته هو !! رميت الحاجة من ايدي و صړخت بأعلى صوت محمد 
راح حاضنني بقوه وهو بيقولي روح وعقل وقلب محمد .
وانا من غير تفكير شديت عليه جامد و فضلت اعيط بحړقة طلعني من وهو بيبص يمين وشمال خاېف يا حد يشوفنا مال حبيبتي بټعيط ليه 
وحشتني وبموووووووت في غيابك الف مره في اليوم 
طيب تعالي يا حبيبتي خلينا نطلع عالكافتيريا اللي برا ما ينفعش نتكلم هنا 
يتبع
روحنا قعدنا في مكان هادي بعيد عن الانظار فضل يبصلي بحزن بعدين اتنهد وقالي پقهر ما دومت وحشتك قوي للدرجه دي كده بعدتي عني ليه 
ما عرفتش اجاوبه حتى !! إنهرت بالعياط دموعي كانت بتنزل لا اراديا لانه وجودي كان بيعقد الامور اكتر يا محمد مكانش