الاخرس كامله بقلم نعمه الشرابي

الأخرس
الفصل الاول
رجوع عامر
في مكتب العالمية للإعلان دخل الساعي يقول
المدير طالبكم يا حضرات في إجتماع هام كمان نص ساعة .
نظر الجميع الي بعضهم
وقالت خير ياعم بيومي مش عارف رسمي بيه عايزنا في أية خير
رفع بيومي كتفيه ل الأعلى
وقال علمي علمك يا ست جود 
لملمت جود أوراقها هي والموظفين بالشركة و استعدوا ل الاجتماع.

وبعد نص ساعة تجمع الجميع في قاعة الاجتماعات في إنتظار الأستاذ رسمي المدير التنفيذي للشركة.
دخل الأستاذ رسمي الإجتماع وألقي التحية وجلس مكانه وقال بعدما ألقي السلام
طبعا كلكم عارفين عامر الطنبولي
غول المارسون وسوق السيارات في مقاطعة سيدني في استراليا 
أول مرة هيزور مصر بعد اكتر من عشرين سنة بنسمع عن مصنع الأشقاء للسيارات الوحيد في مصر
عامر الطنبولي يبقي صاحبه.
وطبعا جاني أخبار أنه ناوي يعمل حمله إعلانية كبيرة للمصنع.
عايز كل واحد فيكم يعمل إعلان يكون شامل للإعلان عن واجهة المصنع وانواع السيارات اللي بيصنعها مصنعه.
رد سامي المعلومات دي معروفة عايزين نعرف اكتر .
ردت جود وهي تنظر في ساعتها
ده بالإضافة أننا عاوزين لوجو شركته أول مرة أسمع عنها
تقريبا عمره ما عمل لها إعلان في اي قناة مصرية وعربية
وضع رسمي القلم من يده علي الطاولة ونظر جهة جود.
فعلا يا جود شركته إعلاناتها عالمية خارج نطاق الدول العربية
وعلي فكرة عامر الطنبولي بلدياتك تقريبا من عزبة ادهم تبع السنبلاوين.
وضعت جود كفيها فوق بعض تحت دقنها اوعي تقول إن المصنع الكبير اللي في آخر البلد ده بتاعه
هز رسمي رأسه بالموافقة فعلا وله طريقين طريق فاتح علي السريع وطريق ع العزبة 
شردت جود قليلا في المصنع الذي بني وشيد منذ عام واحد فقط ولا يعرفون من مالكه حتي قالت
بس ده المصنع ده بابه صغير بس سوره عالي جدا وأهل البلد فكروا أنه مصنع ملابس.
وكمان في نقطة إحنا بيتنا جمب سراية الطنبولي والسرايا دي مقفوله
من سنين طويلة ومحدش عايش فيها من يوم ما نقلنا هناك.
مش شفت مخلوق ډخلها.
غير من شهر بس الحركة والروح دبت فيها عمال وصنيعية وجنايني
ده غير أن تقريبا كمان فيها اسطبل خيل.
كل يوم أسمع صهيلهم وأصوات السايس الصبح وهو بيجريهم.
ابتسم رسمي وقال لو رجعتي يا أستاذة جود لكلامي الأول هتعرفي إني بقول أن عامر الطنبولي
أول مرة يزور مصر بعد اكتر من عشرين سنة 
معني كده أنه عاش عمره كله في سيدني في استراليا.
والتأكيد ان بني المصنع وجهز السرايا معني كده أنه يإما راجع مصر او حد من أهله رجع.
كادت أن ترد رشا لكن انهي رسمي الإجتماع قائلا خلاص يا أستاذة رشا المطلوب منكم دلوقتي كل واحد فيكم يعمل إعلان بفكرة جديدة علشان أعرضه علي لجنه الإعلان والتسويق في شركة الأشقاء