ايه الكرتونه دي بقلم ايمان شلبي
مهند بجد الطقم بكام!
يابني مش بهزر معاك الطقم ب٢٥٠٠
لسه هيرد عليه الفون بتاعه رن وكانت خطيبته
الو
دومي حبيبي وحشتني
بلا دومي بلا زفت انا مش عايز اكمل في الخطوبه ديه
ايه انت بتقول ايه يا آدم انا عملت ايه
هو كده أنا مش هكمل اعتبروني عيل صغير وغلط انا مش عايز اتجوز بعد اللي سمعته
طب والسجاد اللي جبتهولك عشان اساعدك تجهز نفسك ارجعه
والله
ها ياحبيبتي عامله ايه النهارده اكلتي كويس اوعي متكونيش اكلتي والله دومي يزعل
ايه ياض المحڼ ده ما تنشف كده
بص آدم لمهند بغيظ وهو بيقول بخفوت اخفي من وشي دلوقتي ديه جابتلي السجاد
آدم حبيبي المحڼ مطلوب برضو ديه خطيبتك عيشي يامعلم
معاكي معاكي ياعيون دومي
ها بقي ياحبيبتي هشوفك أمتي وحشتني
دلوقتي
هه دلوقتي ايه
اشوفك دلوقتي انتي كمان وحشاني بشكل
هههههه دومي حبيبي مينفعش الساعه ١١ بليل مالك في ايه
هه م مفيش ماشي ياحبيبي اشوفك بكره أن شاء الله
ايه الورقه ديه ياسما
ديه ورقه الطلبات ياحبيبي
هزت راسها وهي بتقول بضحك رمضان اي ياحبيبي ديه الحاجات اللي هتجبها عشان الجواز
رمي الورقه مره واحده وهو بيقول بتلقائية اعوذ بالله استغفر الله العظيم يارب اللهم لا تؤاخذنا بما فعل السفهاء منا يارب
في ايه يافراج هو انا بقولك هنفتح كباريه
العن العن وحياتك
يعني انت مش عايز تتجوزني فورا هتستسلم وتسيبني عشان شويه طلبات متعملش ال ٥٠٠ الف جنيه هتستخسر في خطيبتك حبيبتك ٥٠٠ الف جنيه
والله ليه وانا أقل من بنت خالتي في ايه ده جوز بنت خالتي متجهز من كل حاجه من الابره للصاروخ
كان ياحبيبي زمان لما كانت العروسه بتتسحل في الطلبات وانتوا لما تجيبوا الشقه تفضلوا تصيحوا لسنه قدام لكن احنا من ساعه ما بنتولد واحنا بنتجهز وياريت الجهاز بيخلص نخلص من حاجه ندخل في التانيه ...
علي اساس أن احنا بنلعب استغمايه ماحنا علينا مسؤوليات برضو
قالت جملتها وهي بتحطله الورقه في أيده ..
بلع ريقه پخوف وهو بيفتح الورقه وبيقراها طقم حلل تيفال طقم اطباق ايه ده هو مش الايروبيكس ده اللي بنلعبه في الجيم !
اسمه ايرو بيركس بطلوا جهل
هز رأسه وهو بيضحك ضحكه صفراء وبيكمل قرايه طقم حلل الومنيوم وطقم حلل جرانيت هو ايه ده ياحبيبتي ايه كل الحلل ديه هو فرح العمده
هو ده السلو اللي ماشي إن كان عاجبك وبعدين انت عايز الناس تتكلم عليا ولا ايه
حسبي الله ونعم الوكيل ده باينله هيبقي مرار طافح
قال كلامه بخفوت وهو بيكمل قرايه ..
