روايه رائعه بقلم ايمان صالح

الفجر 
_ ملكيش دعوه روحي وانا هبقي اصلي 
_والله يا عمر لو مطلعتش صليت ...ه 
_ هتعملي اي 
_ ولا اي حاجه ....ربنا اللي هيحسبك مش انا 
_ ايوه كده ادعدلي 
_ اووف يا رب
روحت صليت و بعدها سمعت صوته كان بيصلي ....ابتسمت هو. بيصلي بس مش دايما مواظب علي الصلاه ....
دخل نام و طبعا مرديش يأكل معايا ....معرفتش اكل ....عملت عصير مانجا عشان مبحبش القهوه و طلعت البلكونه و مسكت روايه .....القعده حلوه اووي الصبح ...كوبايه المانجا مع الروايه و صوت العصافير الصبح ليها طعم تاني خالص

فضلت حوالي تلات ساعات و انا قاعده لوحدي بعد شويه سمعت خبطت علي الباب 
طلعت اجري و خبطت علي عمر 
_ عمر.....عمر 
_وقسما بالله هضربك يا حسناء ...ا 
_ خالتي و ماما جم بره البس بسرعه 
_ طيب انا طالع اهو 
طلعت و استقبلتهم و عمر طلع ....مبينتش حاجه خالص ...قدمتلهم العصير وبعد شويه مشيوا 
_ حلوه اوي المسرحيه دي 
_ نعم 
_ عجبتك اوي المسرحيه السخيفه دي 
_ انت عايز اي 
زعق_ انا مش مستحملك ولا طايق نفسي ....انا عايز نطلق 
_ وانا اعملك اي يعني يا عمر 
_ انا زهقت منك اصلا ....انا هطلقك 
_ طيب ...يبقي طلقني 
مشيت من قدامه بكل برود و دخلت اوضتي ....هو فاكر اني معنديش ډم ....بس والله صعب عليا كل كلمه بيقولهالي ....بس بقول اتمسك بيه شويه
عدي ايام و كان تعاملنا بسيط جدا بعد اسبوع كان نازل الشغل 
_ حسناء 
_ نعم يا عمر 
_ هنطلق امتي 
_ بعد شهر إن شاءالله 
_ اشمعنا شهر يعني 
_ يعني الناس تقول علينا اي 
_ عندك حق فعلا
عدي الشهر و كان تعاملنا عادي يروح الشغل ويجي اعمل الاكل ...من ساعه ما سمع كلمه الطلاق و هو بقي فرحان ...اد كده مش طايقني .....بقي يرجع احط الاكل وميرداش ياكل و يسبني اكل لوحده ...لما أكلمه يقولي بنزل واكل مع اصحابي ...الحياه بقيت كائيبه اووي ...اي حد يكلمني بقول اني مبسوطه معاه جدا و الفرحه مش سيعاني ....وانا اصلا بداري كل ده 
_ هنطلق امتي 
_ خد موزه 
_ مش عايز زفت ....انا عايز طلاق 
_ خد تفاحه 
_ حسناء 
_ يا عمر بقي 
زعق_ يا حسناء مش قولتيلي هتروحي تقوليلهم انك مش طيقاني و بعاملك و حش ...و هنطلق 
_ ح حصل 
_ طيب اي 
_ استني بس اسبوعين 
_ماشي
عدي شهر و كل ما يكلمني أقوله بكره او بعده ....دايما بطنش أو اعمل اي حاجه ...لحد اما زهق و مبقاش يسأل 
في يوم ج دخلت أكلمه كنت مليت بصراحه وهو كان قاعد يوم اجازته
_ عمر 
_ عايزه اي ....نعم 
_ انت بتزعقلي كده لي 
_ انا كلمتك 
_ اها بتزعقلي 
_ خلاص قولي 
_ صالحني 
_ نعم يا اختي 
_ بقولك صالحني يا عمر 
_ يارب ....متزعليش 
_ لا مش كده 
_ اومال 
_ يلا خرجني 
_ اخرجك 
_ انا زهقت يا عمر ....طول اليوم في البيت و انت في الشغل
_ طيب امري لله ....يلا 
_ بجد يا عمر 
_ بجد 
_ انا بحبك اووي اووي 
_ اي 
_ انا هدخل البس بقي
دخلت بسرعه قبل أما يتكلم ...من فرحتي اعترفت ....لبست بسرعه و وداني كافيه 
_ تطلبي اي 
_ ايس كريم بالشوكولاته 
_ هو انا جايب بنت اختي معايا 
_ مبحبش القهوه 
_ طيب ....هطلب قهوه 
_ عمر 
_ هطلب ليا و انتي ايس كريم بالشوكولاته يا ستي 
_ كده ....تسلم يا رجوله 
_ رجوله!!!!....اسكتي يا حسناء ياريت متتكلميش 
_ ماشي
خلص اليوم و رجعت البيت تاني ......بعد اسبوع خالتي عزمتنا علي العشا عندها قبل ما نمشي 
_ متنسيش تقوليلها علي موضوع الطلاق 
_ عينيا حاضر 
_ بجد 
_ إن شاءالله يا عمر
روحنا عندها و ساعدتها في الاكل 
_ عمر عامل معاكي يا يا حس 
_ الحمدلله يا خالتي 
_ بيعاملك كويس 
_ اها طبعا 
_ ربنا يفرحكم يارب 
_ يارب ي خالتي 
طلعنا و حطينا الاكل مع بعض .....بعد شويه خالتي و جوزها و ابنها حسام جه ...دي خالتي التالته .....دخلوا و قعدوا .....حسام كان قريب مني بس مش زي عمر برضه ....كنا مع بعض انا وهو و عمر ....بس كان في خلاف بينهم دايما 
_ ازيك يا بت يا حسناء 
_ اي بت دي يلا 
_ يلا ....انا يتقالي يلا .
_ يعني أنا اللي بت يا حسام 
_ لا انتي ست البنات يا حس 
اتكسفت _ احم تسلم