الحب الابدي بقلم سهيله ياسر
حاسة إني هوا قدامه شايفني علطول عيلة صغيرة.. هو علشان الفرق ما بينا 5 سنين يعني هما كدا كتير يا خالتو!!
_ خلصي بس السنة دي واقلعي مريلة المدرسة وهو هيبدأ يشوفك.. ويبدأ يفهم إنك كبرتي خلاص..
_ السنة دي السنة دي السنة دي حياتي كلها واقفة على السنة دي!!
بس يا ترى مستقبلي بعد السنة دي هيكون زي ما أنا عايزة فعلا
على الغدا
_ كل دا علشاني
اتكلمت لأ دا علشان حضرة الظابط اللي كان أول يوم ليه في الشغل النهاردة.
_ بس حاسس أن طعم الأكل متغير النهاردة مش كدا ياماما
_اه مانور مارضيتش أحط أيدي فيه وعملته كله لوحدها علشانك..
بصيت لخالتو وابتسمت وأنا شيفاها بتأكد على كل كلمة بتقولها علشان يأخد باله وبصيت عليه وقولتله وأنا مستنية رد فعله!!
تسلم إيديكي يا نوري.
قلبي اترعش!
رغم أني عارفة ومتأكدة أنه عمل كدا بدافع أنه شايفني أخته لكن الحركة دوبت قلبي وركزت معاه وهو بيأكل.. مكنش مهتم ولا مدرك اللي حصل في قلبي من عملته لكن أنا قلبي مسكتش!
عديت الأيام ومبقاش موجود الشغل والمأموريات أخدته مننا..
كنت ببقى لما يجي واقوله وحشت قلبي بس كنت بكتفي بحمدلله على السلامة مع
_ نور
كنت قاعدة في الجنينة بذاكر في الوقت اللي لقيت صوت شاب جاي من ورايا لفيت وبصيتله من فوق لتحت كان طويل ولابس لبس زي علي..
قومت وقفت _ نعم! مين حضرتك
_ أنا ياسر صاحب علي في القسم كويس إني شوفتك هنا.
_ ليه وفين علي !!
_ أنامحتاج مساعدتك
الحب الأبدي
البارت التاني
ياسر أنا محتاج أخد شنطة فيها حاجات من أوضة علي من غير ما مامته تأخد بالها هو قالي إنك هتساعديني..
ياسر ياريت تهدي علي اټصاب وفي المستشفى ومش عايز حد يعرف بس مضطرين للأسف..
نور اټخضيت وقلبها ۏجعها إيه!! اټصاب!! هو فين خدني معاك لي..
ياسر مش هينفع هو قالي مقولش أصلا لحد لكن أنا مجاش في دماغي حاجة أقولها بجد ف أرجوكي اهدي وبطلي عياط..
سمعت صوت خالتو من ورايا ف مسحت دموعي قبل أبصلها..
نور دا صاحب علي يا خالتو جاي يأخد حاجات له لأن علي زي ما أنتي عارفة مش فاضي.
اسماء أهلا يابني اتفضل واقف ليه عندك!
بصلي بإمتنان وطلعت جهزت الحاجات اللي قالي عليها وغيرت هدومي علشان أروح معاه...
نور الشنطة أهي ممكن توصلني في طريقك للدرس
اسماء نور عيب ميصحش..
كنت عارفة أنها مش هتعرف ترفضلي طلب ف طلعت معاه وأنا عارفة إنه عارف إني عايزة أروح معاه ومش رايحة درس ولا حاجة بس مقدرش يتكلم!
نور بۏجع
