روايه بقلم نورين خليل

ابوهم يعرف يصرف وانا مش عايزة اعذبهم معايا وبعدين انا مش هقعد عن اهلي كفايه عليهم اوي الفترة الي فاتت يا رب ساعدني انا محتارة.
هشامانا مش فتهم حاجهفي حاجه مش مظبوطه
معقول مريم تكون معجبة بطارق دا
لا لا
.يارا كانت قاعدة معاه مش مريم 
معقول مثلا عايزة تتطلق مني
لا لا اي بفكر فيه دا
هي هتبقي عايزة تتطلق ليه
طب هي بتتعامل معايا كدا ليه يارا ممكن تكون عرفتها بالي حصل بينا
لا بس لو كانت عرفت حاجه كان زمانها طلبت الطلاق
هي جايز تعبانة فعلا وانا بيتهيألي .
صحيت تاني يوم لقيت مريم جنبي نايمة مكنتش صاحية من بدري ومحضرالي الفطار زي قبل كدا صحيت وبصتليصباح الخير
مريمصباح النور
مريماها هخرج هروح انقل من جامعه الفيوم للقاهرة هجيب ورقي من هناك.
هشامجامعه اي ي مريم انتي كملتي تعليم 
مريماه..ودخلت امتحانات الثانوية ودخلت حقوق
هشام طب والله كويس انا فين من كل دا دا انا ياما اتحايلت عليكي وبعدين هتروحي الفيوم وترجعي القاهرة النهاردة
مريماحتمال ابات مع ماما وبالمرة ازور بسمة
هشامتزوريها فين
مريمما هي اتجوزت
هشامهتسافري وتسيبيني هنا لوحديعلي فكرة انا راجع اطمن علي امور الشركه وهرجع اسافر تاني الاسبوع الجاي وحابب اقضيه معاكو
مريم هشام دا سفر يوم واحد مش احسن ما اسافر كل يوم للكليه هناك وارجع
هشام وانتي اي الي يخليكي تتحدفي بعيد كداما كنتي قدمتي هنا من الاول!
مريممكنتش اعرف ان حضرتك هترجع ومكنتش هفضل هنا لوحدي فقولت اقدم هناك هحاول ارجع في نفس اليوم ودي ناريمان بس التمرين اهم حاجة وانا هاخد داليا
مشيت وركبت القطر
هشام
وديت ناريمان التمرين ..وانا مستغرب جدا مريم وجوايا بدل السؤال الف عايز اعرف بس يارا قالتلها حاجه ولا لا.
روحت النادي ولقيت يارا قاعدة مع طارق في الترابيزة لوحدهم ليلي جت ناحية ناريمان وراحوا التمرين وانا فضلت مركز مع يارا
ي تري في حاجه بينها وبين طارق
انا هتجنن..وحسيت ان دماغي لفت..
مريم
دلالوبعدين ي مريملحد امتي هتفضلي تهربي من جوزك كدا
مريمانا مش بهرب ي ماما ..انا فعلا مشغولة
وانا عايزة انام بقي عن اذنك..
رجعت مريم من السفر وطول الاسبوع دا كانت مشغولة دوما مش فاضيه ي مع البنات ي في النادي ي بتزاكر عرضت عليها نخرج وهي مش فاضية اقولها نسافر حتي يومين في اي حته مش فاضية حتي تقعد تتكلم معايا 
بتتعامل ولا كأني موجود في البيت
بدأت اشك هل هي اتعودت تعيش من من غيري
ولا هي بتتعامل كدا قصدا
ولا هي مبقتش تحبني
ولا هي فعلا مشغولة
وهتفضل مشغولة لحد امتي
انا مش هسافر قررت اني افضل لغيت حجز الطيارة لازم اعرف هي وراها اي بتتجنبي ليه
جه اليوم الي مفروض اسافر فيه مقولتش لمريم اني مش هسافر وهفضل دخلت الاوضة لقيتها بتتكلم في الفون
مريم وهي بتضحكاي طارق طلب ايدك للجواز ي يارا بتهزري
هشامطارق اتقدم ليارا
مريماتقدملك امتي وازاي
ياراهقولك 
Flash back
كنا ف النادي زي العادة وكنت قاعدة مع ليلي عقبال ما طارق يجيب الاكل وفعلا جه وقعد 
طارقانسه يارا انا حابب اقولك حاجه
يارااتفضل
طارقانا انسان دغري ومبحبش اللف والدوران انا بصراحه حابب ارتبط بيكي!
يارا بمعني
طارقليلي بتحبك جدا ومتعلقة بيكي وحاسس انك تقدري تعوضيها عن والدتها الله يرحمها وانا كمان ارتحت ليكي عجبتني لشخصيتك وحابب انا نرتبط بشكل رسمي عشان تبقي براحتك وواخدة حريتك 
يارابس انا...
طارقعارف انه صعب انك تقبلي واحد زوجته مېته وعنده بنت بس انا حابب انك تديني وتدي

نفسك فرصة شهر شهر واحد وبعده لو موافقتيش او مرتاحتليش خلاص
Back
مريموانتي هتعملي اي موافقه عليه
يارامش هنكر اني معجبة بيه بس ..
مريمبس خلااص انتي موافقه صح الف مبروك ي حبيبتي
ياراالله يبارك فيكي بس لسه قراية فاتحه بس هو لسه جاي من شوية بعد ما طلب ايدي من بابا
مريمواهلك وافقوا عليه
ياراهما سابولي حرية الاختيار
مريمالف مبروك تاني ي حبيبتي..ربنا يسعدك
قفلت مع يارا وقومت لقيت هشام داخل الاوضه
هشاماي دا بجد الف مبروووك ليها
مريمومالك بقي بتقولها من غير نفس كدا ليه
هشاملا عادي انا تعبان شوية بس وعايز انام
خرجت مريم من الاوضه وانا دخلت البلكونة 
هشاميعني هي وافقت تتجوز طارق الي مراته ماټت وعنده بنت وموافقتش عليا انا
طب ما هو نفس حالي حاله مش مختلف عني
هي مش كانت عايزة تكمل حياتها وتبنيها مع واحد ملوش ماضي وتبقي هي اول حد في حياته!
زهقت من التفكير ودخلت ونمت
مريم
عدي يومين حولت فيهم ورقي من الجامعتين عرفت ان هشام مش هيسافر وهيستقر في مصر خلاص
روحت الجامعه وكان اول يوم ليا مش هكدب عليكوا بس كان يوم صعب جدا حياه تانيه تماما معرفتش اتأقلم مع البنات الي هناك كلهم صغيرين بالنسبة ليا حسيت ساعتها اني ضيعت جزء كبير كان هيبقي حلو في حياتي عمري ما هعرف اعوضه..اه انا كملت تعليم ودخلت كليه بس عمري ما هبقي زي الي داخلين من الاول..داخلين في السن الي لازم يدخلوا فيه..انا بحاول اعوض مش هعرف اعوض طبعا كل الي فاتني ودا لان كل حاجه لازم تبقي في