روايه رائعه بقلم مارينا عبود
وانا وماما منفرقش معاك
سليم ميرا انتى وخالتى هتفضلوا فى قلبى وعمرى ما هنساكم وصدقينى هرجعلكم قريب
ميرا بدموعبس انت وعدتنى انك مش هتسبنى يا سليم علشان خاطرى متمشيش
سليم بحزن انا اسف يا ميرا بس لازم اسافر
ميرا ماشى سافر يا سليم بس مترجعش تأنى انا بكرهك بكرهك وسابته وجريت على شقتهم وفضلت لانه سليم كان اقرب حد ليها هو كان صديقها الوحيد مش بس ابن خالتها
والد سليميلاه يابنى علشان نلحق الطياره
سليم بجموديلاه يا بابا انا لازم اسافر
Back
سليم بحزن انا عارف انك زعلانه علشان سبتك بس انا رجعت ووعد انى هخليكى تسامحينى سليم غير هدومه وراح نام
فى الصباح
عائشه ميرا قومى يا بنتى هتتاخرى على شغلك
حاضر يا ماما هقوم اهوو
حاضر
ماما طلعت وانا قومت غسلت وشى ولبست علشان اروح الشغل فتحت باب اوضتى وطلعت
بس لما شفت سليم قاعد وبيضحك مع ماما يادى النيله ده ايه جابه ده
صباح الخير يا ماما
عائشهصباح الفل يا حبيبتى يلاه علشان تفطرى
حاضر يا ماما
سليم برفعه حاجب ايه مفيش صباح الخير لى انا كمان ولا ايه
سليم بيت خالتى انتى مالك
تمام بيت خالتك تتفضل وقت ما تحب بس ياريت متكلمنيش خااالص علشان انا مش طايقه اشوف وشك
عائشه بعصبيه ميرا ف ايه اتكلمى كويس مع ابن خالتك
سليممعلش يا خالتى
خليها تقول اللى هى عاوزه انا عارف انها زعلانه منى وده حقها
مفيش داعى يا ماما انا هعرف اوصل لوحدى
عائشه بس يا بنتى
مفيش بس بعد اذنك يا ست الكل علشان اتأخرت
سبتها وطلعت انا عارفه انه ماما نفسها ترجع علاقتى انا وسليم زى الأول ومنكرش انى لسه بحب سليم بس مش قادره انسه انه سابنى وسافر ومكلفش نفسه حته يطمن عليه ولو لمره وحده ويشوفنى عامله ايه فضلت ماشيه فى الشارع وانا بفتكر ذكرياتى معاه وبعدها ركبت تاكسى ووصلت الشركه دخلت مكتبى وفضلت اشغل نفسى بالشغل علشان مفكرش فيه
عائشهايه يابن هتفضل قاعد كده لحد امته
سليم بحزنمش عارف يا خالتى انا عارف انها لسه زعلانه أنى سافرت بس انتى عارفه انه ده عنى وكمان عارفه انى مردتش انزل مصر غير لما قدرت اخلص دراستى واشتغل وابقااا قادر اتحمل مسئوليه واجى اطلبها منك انا عارف انى غلطت انى محاولتش اكلمها طول الفتره اللى سافرت فيها بس ده علشان معطلهاش على دراستها كان نفسى انها تبقى افضل مهندسه فى الدنيا ومبقاش سبب انى اضيع حلمها واعطلها عنه وكنت بطمن على اخبارها منك وكمان لما عرفت انها دخلت كليه الهندسه واتقبلت كنت فرحان اووى انها حققت
