الصياد

العمال وبيدي الاوامر وكأنه هو المدير 
ادهم قرب منه واستغل انشغال سيلا مع المهندس وقرب من امجد وبصله پغضب مكتوم 
مش غريبه انك تبقي هنا مكاني ياامجد
امجد بهدوء عادي ياادهم انا كنت قريب من هنا وانت عارف اننا شركا فحبيت امر علي المكان شوفت الوضع كدا فحليته. دا غير ان سيلا كانت لوحدها فكان من الواجب اقف معاها
ادهم پغضب مكتوم احنا شركا في مشروع واحد مش في الشركه ياامجد ولتاني مره مترفعش الالقاب مع سيلا اسمها المهندسه او مدام سيلا
امجد بصله بتحدي اوكي ياادهم احنا مش شركا بالمعني المقصود بس انا كنت موجود بحكم اننا نسايب ثم موضوع رفع الالقاب دا اعتقد يخص سيلا مش يخصك
امجد بغيظ متهيألي ان سيلا ليها رأي تاني في الموضوع نسألها
ادهم اتنرفز وكان هيمسكه من هدومه ويرميه بره الموقع بس لمح سيلا بتقرب منهم فاتكلم بفضب مكتوم 
شكراجدا لتعبك ياامجد تقدر ترجع لشغلك
امجد بصله پغضب بس هز دماغه وسلم علي سيلا ومشي ركب عربيته وبص علي المرقع 
للاسف خطيتي فشلت في ټدمير المشروع دا والسبب هو سيلا بس معلش الجيات متير 
دور عربيته ومشي
ادهم بص لسيلا وحاول يهدأ ويتكلم عادي بس صوته خرج پخنقه 
يلا علشان اوصلك وارجع الشركه 
سيلا ببرود عايز تمشي اتفضل مع السلامه انا هروح زي ماجيت
ادهم اتنرفز منها اتكلم پغضب وصوت عالي 
انا قولت يلا يبقي يلا
كانت هتعترض وتقف قصاده بس اتراجعت وركبت جمبه پغضب وهو ساق بعصبيه فضلو ساكتين لحد ماهي اتكلمت پغضب 
انت ازاي تكلمني بالشكل دا وقدام العمال
ادهم پغضب ايه اللي جابه الموقع ياسيلا
سيلا پغضب هو مين دا اصلا دا وبتكلمني كدا ليه
ادهم داس فرامل مره واحده ووقف العربيه وبصلها پغضب 
امجد جالك الموقع ليه ها انطقي
ادهم بدون وعي وڠضب بصفتك مراتي ياهانم
هنا سيلا ضحكت بسخريه وفجأه سكتت وبصتله واتكلمت پغضب 
لا بجد حلوه بجد حلوه بامارة انك طلقتني من تلات سنين اظاهر انك غلطان ياباشمهندس اتكلمت پخنقه متتخطاش حدودك معايا ياادهم انا بحذرك ودلوقتي اتحرك وروحني لاني اتخنقت
ادهم فضل شويه يبصلها متردد يقولها انه فعلا متلخبطش وانها بالفعل مراته اما هيا دورت وشها بعيد عنه بتحاول تمنع دموعها انها تنزل قدامه لكن هو حس بيها تمنى لو ياخدها في 
في المساء 
الكل كان مجتمع في شقة كريم نادر ونورهان وسناء وكمان سامح اللي قاعد جمب كريم 
وسيلا اللي قاعدت جمب دعاء ونازلين هزار مع بعض ودعاء شدتها ودخلو اوضة نومها الكل ابتسم علي صداقتهم كريم بص لسامح وسأله 
اومال اياد مجاش معاكم ليه ياعمي
سامح ابتسم له اياد عمك نادر استقصده مكانك وبعته اسكندريه يخلصله مصلحه هناك
كريم بضحك ليه كدا ياعمي دلوقتي بيدعي عليا وبيقول ياريتني مارجعت
سناء بمرح لامتقلقش من جهة بيقول فهيقول بس خلص انت شهر عسلك واتبسط علشان ناويه اجوزه وراك
سامح بمشاغبه ومين دي اللي هتقبل تشارك سيلا في اياد دا
نورهان بضيق. يعني يفضل كدا عزابي علشانها ما مسيرها هي كمان تتجوز. ولا هتفضل كدا يعني
سامح بهدوء لا ازاي دي حتي طالعه لامها مطلوبه ديما واكيد مش هتفضل كدا.
عند سيلا ودعاء
دخلو الاوضه ودعاء قفلت الباب. وشدت سيلا وقعدو علي السرير سيلا بمرح 
براحه يابنتي ايه قدك انا
دعاء بفرحه انا مبسوطه اووي ياسيلا وفرحانه لدرجة عايزه الكل يفرح معايا
سيلا ابتسمت بحب حبيبة قلبي ربنا يفرحك كمان وكمان وما بحرمك ابدا من الفرحه ها احكيلي اخبارك ايه انتي وكريم 
بدؤ يدردشو مع بعض حتي انهم نسو الناس اللي برا لحد ما الباب خبط ودخل كريم وابتسم لهم بمرح 
اسف ان قطعت قعدتكم الحلوه ياقمرات
دعاء قامت وراحت ناحيته ومسكت دراعه 
حبيبي انت براحتك تقاطعنا اساسا كنا بنحكي عنك اصلا
كريم بمرح علشان كدا ودني عماله تصفر بره اترنك جايبه سيرتي هنا
سيلا بمرح طب كويس انها صفرت بس ياكريم.
دعاء بصت لها

پغضب مصطنع خالا كريم وسيلا يضحكو عليها وكريم اتكلم بضحك 
طب المهم اجهزي يلا لان ادهم جه برا علشان نروح المطار
دعاء بمرح ادهومي حبيبي لما اروح اسلم عليه 
خرجت بسرعه من الاوضه ووراها كريم اما سيلا فضلت شويه قاعده مكانها اخدت نفس طويل وخرجت علي جملة نورهان لادهم 
ازاي يعني متجبش مراتك ياادهم
كان ادهم واقف وضهره لسيلا وميعرفش ان سيلا وراه فااتكلم بعفويه 
وانا هضربها علي ايديها يعني ماهيا حره ياعمتي ثم هي رافضت تيجي ووجودها بيعمل قلق ومش ناقص انا
نورهان اتغاظت من رد ادهم وخصوصا لما لمحت سيلا وقفه وراه سناء. نادت عليها فادهم الټفت وشافها وهي راحت ناحية جدتها وقعدت جمبها بهدوء ودعاء بعدت عن حضڼ اخوها وقعدت جمبها وفضلو يتكلمو مع جدتهم 
ادهم قعد جمب كريم وفضلو يتكلمو شويا وبعدها قامو واتحركو علشان يوصلو العرسان المطار. ونورهان اصرت تروح معاهم بحجة انها عايزه تودع بنت اخوها وادهم واقف مع اصرارها
ساسوو
في شقه في جردن ستي. شقه وكبيره كانت ولاء واقفه في البهو راحه جايه قلقانه ومتوتره وكل شويه بتبص في موبايلها لحد