احببته

ساعتها بحس أن ليا فايدة واني بعمل حاجة بفرح بيها غيري عملت قهوة ليا وليه وكان قاعد مع ماما يتكلم معاها يهزروا ويضحكوا ماما حبته هو يتحب اويييي!
ابقي تعالي يا احمد 
_ هو انا اقدر مجيش يزوبة دا انا اجي عشان اشوفك يقمر 
ابتسمت شرفتنا يا احمد 
_ أنا الي تشرفت بيكم والله مستنيكي بكرة بدري إن شاء الله
مشي وقفلت الباب ورجعت بصيت لماما 
ابن حلال اوييي 
اوي يماما وطيب وخدوم
ربنا يباركله
ماما خدت العلاج ونامت دخلت اوضتي وانا بفكر فيه! نمت وصحيت عملت فطار ل ماما وروحت علي الشغل دخلت المطبخ وبدأت اشتغل 

_ صباح الخير ازيك وازي زوبة
الحمد لله والله حبيتك اوييي وقالت عليك كلام حلو 
_ أنا كمان شكلي هحبها و.. طب هروح اشوف شغلي أنا بقي 
ضحكت لما خرج رجعت اكمل وجت وجبه الغدا كان قاعد برا بيشرب قهوة رابع قهوة! من غير اي اكل جهزتله طبق وحطيته قدامه ف بصلي
كفايه قهوة النهارده اتغدي انت مكلتش حاجة من الصبح
غمز _ الاه دا انتي واخدة بالك بقي!
كل يا احمد كل واسكت 
هو انا ممكن اسألك سؤال 
_ اكيد اتفضلي 
هو انت باباك فين يعني المكان دا بتاعك  
_ كان بتاع والدي بس انا ماسك الإدارة دلوقتي عشان اريحه شويه وأمي الله يرحمها 
ربنا يرحمها اكيد كانت هتبقي فخورة أنها عندها ابن زيك قبل ما تنام ادعيلها واتكلم معاها أنا بعمل كده ساعات كتير لما بابا يوحشني 
_ ربنا يرحمه انتي طيبة يمريم وجدعة وبميت راجل
وانت كمان طيب اوييي 
بقينا صحاب! بقي من اقرب الناس ليا كنت دايما بخاف افتح باب قلبي قافلة عليه مېت قفل لكن هو الوحيد الي كسرت قواعدي عشانه ووقعت لشوشتي زي اللطخة والله وكان فعلا طيب ما شاء الله!
_ أيوة يعني اي تقفي تهزري معاه مفهمتش
عادي يا احمد مش شيف زميلي وبعدين والله دمه خفيف 
_ وحيات امك لا والله  
اييي مهو اكيد هيتعرفوا عليا زمايل شغل وكده
_ وكده اه بقولك واسمعيها لو متظبطيش هظبطك
جري أي يعم المنبه
_ أنا قولت الي عندي المقابلة انتهت 
انت عبيط يا احمد
_ والله لو شوفتك واقفه معاه تاني لأمددك مكانك 
الاحترام في دمه كده في دمه بيضربه حقن بغض النظر إن ماما بتحبه اكتر مني وبقي بياكل معانا كل خميس ولا الرحالة!
عاوز اي يعني مش فاهمه
_ كوباية شاي عشان خرمان والله
منا عملتلك يا احمد معتش عاملة تاني 
_ طب ادخلي وقصري وعدي ليلتك 
شاي ولا قهوة بجد
اعمليله الي هو عاوزه ومتقاوحيش 
والله يماما أنا بنتك علي فكرة
_ كان زمان يحبيبتي
يلا روحي شوفي حالك
ايدا في أي بجد دخلت عملت شاي عشان عاوزة اعمل علي فكرة مش إجبار خالص .
_ عاوز اقولك حاجة 
هتقوم تمشي كتر خيرك
_ متهمدي بقي! هتكلم بجد والله
ها قول 
_ أنا خلاص بقيت بعتبر البيت دا بيتي ومامتك بقت زي مامتي بالظبط 
يعني احنا اخوات
_ بهزر معاكي مامتك صحبتي 
متحترم نفسك يا احمد!
_ محترم يحبيبتي والله مهو اخوات ازاي وانا عاوز اتجوزك 
اييي!
_ بحبك وعاوز اتجوزك 
احمد الفرق بينا كبير كبير اويييي! الناس هتقول اييي
_ لو وافقتي هتبقي عندي كل الناس والله أنا عاوز اكمل معاكي 
انت بتسبل امممم كل بعقلي حلاوة يقلبي ولا يهمك
_ انتي عبيطة ولا اييي هي الحاجات دي بتتقال 
طب بطل تبصلي عشان بتوتر 
_ طب أي رأيك بردو مفهمتش تتجوزيني وتعملي مكرونة بشاميل في بيتنا 
سيبني افكر 
موافقين يبني علي خيرت الله جيب ابوك بكرة 
ماما!!!
متحترم نفسك يا احمد! 
_ محترم يحبيبتي والله