روايه رائعه بقلم شهد محمد
_حقك عليا انا يا حبيبتي حقك عليا
كانت بټعيط بشحتفه طلعت ليها المنديل ومسحت دموعها وانا بقول
_حصل اي لكل ده
_ده خطيبي وعرف اني نزلت من غير ما اقولو وجيه ورايا لحد هنا واتخناقنا زاي ماشوفتي
فضلت ساكته شويه وفي لحظه اټرعبت جسمي قشعر مش كان ممكن اكون انا هي والشاب الي ضربها يبقا ياسين
رديت عليه بجمود وانا بقول
_ده اكيد مش هكمل ده همجي ومتوحش
_بظبط لازم تختاري واحد متفتح هو اللي يطلب منك انه يجيبك هنا مش تيجي من وراه
_اتخطبت ليه ڠصب عني عشان عديت العشرين
بصيت ليها وفضلت ساكته شويه فكرتني بيا حكايتها نفس حكايتي تقريبآ رديت وانا بقول
_بعض حمير القاهره يعتقدون ان البنت عندما تتخطى العشرون عام قطار الزواج يفوتها ولاكن الحقيقه مليون قطر جواز يفوت ولا جوازه واحده تبقا غلط
_بس ده مش..
_معلش انا لازم امشي
قالتها وسابتني ومشيت ورجعت انا ل مكاني تاني قعدت في إيدي الايس كوفي والاسكريبت اللي بقراء فيه دقايق وظهر الشاب بتاع الاوبر
قعد في تربيزه قدامي طلب قهوه عينه منزلتش من عليا فضلت دقايق بفكر مع نفسي
طب سايب شغله ليه
طب طريقة لبسو شيك كدا ليه
وبعد شويه قطعني الشاب ده وهو بيقول
تسمحيلي اقعد معاكي
بصيت ليه شويه بعدين قولت
_اتفضل
معرفش قولت كدا ليه بس الاكيد اكيد إن عندي شوية اسأله هو عنده الاجابت بتاعتها
قعد وهو مبتسم وبيقول
_متشكر انك قبلتي اني اقعد معاكي
_اكيد فيه حاجه عايز تقولها!
_حسيت على فكره
_كنت مكشوف صح
_تقريبآ اه
_طيب انا كذبت وانا مبحبش الكذب عشان كدا جيت اقولك
_طب وكذبت ليه
_عشان عينيكي
_نعم
_معرفش الحقيقه كنت منتظر صحبي تحت بيته ولما لقيتك حسيت ب حاجه بتقولي متضيعهاش من إيدك
_امم
_شوية إعجاب ويروح ل حالو
ضحكت وقولت
_معلش وقتك خلص ممكن تقوم
_اديني فرصه اثبتلك فيها ان انتي اللي بدرو عليها
_زاي ما قولتلك والله ده إعجاب
_انتي مش فاهمه حاجه وده مش إعجاب
_امال ده اي
_ده حب من النظره الاوله
_شكلك بتتفرج على افلام كتير
_وعرفت منين
_مش مهم عرفت منين المهم ان فيه حاجه اسمها الحب الاول وده بيحصل من اول نظره الانسان بيحس انه مټخدر كدا او في عالم تاني بنبقا نفسنا الوقت يقف في الحظه دي
فضلت ساكته شويه بستوعب كلامو اللي في الاغلبيه صح كمل وقال وهو باصص على إيدي
_باين إن كان في إيدك دبله وقلعتيها عارفه قلعتيها ليه
_ليه ياريت تقولي
_عشان هو الاختيار الغلط لاكن دبلتي انا بقا هتشيليها في كبدك عارفه ليه
ضحكت وانا بقول
_ليه
_عشان انا الاختيار الصح
_واثق من نفسك
_لاء بس دي الحقيقه يعني
_معلش ممكن كفايه لحد كدا
_حاضر بس مش هسيبك تضيعي من إيدي
قالها وقام رجع مكانه حاولت اكمل في الاسكريبت ولاكن معرفتش كلامو كان بيتردد في دماغي ازاي بيعرف يقول كلام معسول كدا
قام من مكانو راح للشاب اللي واقف وطلب منو يشغل اغنيه معينه بعد دقايق كان اشتغلت اغنيه ل عمرو دياب وهو بيقول
..من غير ما قول من غير ما قولها هتعرفي احساسي اي من قلبي لو هتقربي هتحسي بيه وتصدقيه..وحياة عينيكي انتي اللي عاش قلبي انا يدور عليه وخلاص لقيت كل اللي ياما حلمت بيه في الحظه دي وحياتي خليكي مع قلبي ده دايب فيكي وليل نهار بيقول يا حبيبي..
ابتسمت وفهمت ان الكلام عليا طلع التلميح
