جيم اوفر بقلم ديدا الشهاوي

حجزتلكم في المطعم بتاع الفندق تربيزه باسمك 
_لا ياجدي خليها وقت تاني انا تعبان ومش قادر 
_اقوم بطل كسل وانا وشوي ونزلكم عارف لو منزلتش انت حر بقي 
_حاضر هنزل
_انسان لايطاق قصير بس جبار 
_حسنا اصحي اقومي عشان نتعشي 
_ماليش نفس عاوزه انام 
_اقومي بدل ماتلاقي جدك نططلنا هنا 
_يووووه حاضر
شاكر وحسنا قاموا وجهزوا عشان ينزلوا وفعلا لاقوا تربيزه باسمهم وكان الجو تحفه ورومانسي علي الاخر شاكر كان جعان ومحسش بالجوع الا لما دخل المطعم وشم الروايح 
_حسنا هتطلبي ايه 
_شوي ياشاكر هو احنا لسه قاعدنا 

_ناكل ياماما وبعدين اقعدي براحتك 
_عاوز العشي والمنيو من فضلك 
_بس الحج حجز وطلب الاكل 
_حج مين 
حسنا ادخلت في الكلام 
_جدو ياشاكر 
_وهو يطلب ليه هياكلنا علي مزاجه
وهنا وجه كلامه للجرسون 
_والحج طلب اي 
_سي فودبكل انواعها 
هنا شاكر كلم حسنا
_شوفتي انا مش بحب اكلات البحر هو بيحبها يجي ياكلها 
_خلاص ياشاكر غير واطلب اللي انت عوزه 
وهنا وجه كلامه للجرسون 
_الغي الطلب دا 
_تحت امرك يافندم 
هنا شاكر طلب 
_عاوز محشي مشكل وفراخ مشويه علي الفحم وعاوز ريش 
_حاضر يافندم
وهنا الجرسون مشي وحسنا 
_هتاكل دا كله
_اه عشان اعوض الضړب اللي خدته لازم اتغذي
_لاياشيخ
بعد وقت جه الاكل وشاكر نزل فيه مسح كانه بياكل في اخر زاده.. وحسنا كانت بتبص عليه وبتستغرب ازي حبت الشخص دا وازي هو دكتور اصلا
وهما قاعدين قربوا اتنين كانوا اصحاب شاكر في الكليه من زمان 
_مين شاكر حبييي فينك يابني وحشني اوي 
_اهلا.. يا خالد عاش من شافك 
_ايه اللي جابك هنا وانت مش بتحب الاماكن دي 
_والله حكم القوي بقي 
_الله مش تعرفنا 
_حسنا.. بنت عمي 
وهنا حسنا كملت علي تعريفها ليهم ومراته وبنقضي شهر العسل 
_مبروك ياشاكر لازم نحتفل بالمناسبه دي 
وهنا كمل صاحبه كلامه لحسنا 
_عملتيها ازي دي واقنعتيه يتجوز 
_والله مش انا النصيب بقي 
وكمل صاحب شاكر 
_تعرفي مدام حسنا جوزك كان مدوخ بنات الدفعه عشان يكلمهم بس 
_والله ليه ياعني 
وهنا شاكر حس ان صاحبه هيعك 
_خلاص بقي ياخالد ان الله حليم ستار
_ماشي ياسيدي هسكت بس علي شرط تقضوا معانا بكره اليوم كله
_شاكر ماشي ياسيدي
قضوا شاكر وحسنا وقت مكنوش بيتكلموا لغايه ما حسنا عاوزه اطلع
_شاكر وانا عاوز انام
وطلعوا اوضتهم وناموا ومكنش بينهم كلام
في اليوم التالي كان صاحب شاكر اللي عزمه كان عامله حفله بمناسبه جوازه ودعي كل شله الجامعه واللي جم الساحل عشان يحتفلوا بصاحبهم 
والكل جه وكان من بين شله الدفعه بنت كانت بتحب شاكر وهو كان اظاهر مرتبط بيها ومكملوش 
والكل كان في انتظار العرسان اللي اول ماوصلوا الكل صفقولهم وشاكر وحسنا كانوا مبسوطين لانهم اول مره يعملوا حاجه جدهم مش مخططها
_مبروك يادكتور ونورت الساحل
_هنا شاكر وبتوتر الله يبارك فيكي 
وحسنا كانت مراقبه البنت دي بالذات لانها تصرفاتها مش طبيعيه 
وهنا وجهت مي كلامها لحسنا
_مبروك ياعروسه عرفتي تكلبيشيه
_ميرسي الحب بقي هنعمل اي 
وهنا خسنا قربت من شاكر ومسكت في ايده
وهنا الكل قعد معاهم يفتكروا ايام الجامعه والمذاكره ومي وحسنا كانوا بيبصوا لبعض ولاكانهم اعداء
والكل قام يرقص ويغني وحسنا كانت مبسوطه بالاجواء ماعدا مي دي وهنا مي قربت من شاكر 
_ممكن كلمه ياشاكر عن اذنك ياعروسه هخدوه منك شوي
_اتفضلي خدي راحتك 
ومن غير تفكير قامت حسنا ترقص معاه 
هنا شاكر كان مع مي بس عيونه علي حسنا وحس احساس لما قامت رقصت مع الشاب
وفحاءه ولما جات اغنيه رومانسيه وبدا الشاب يرخم
علي حسنا 
شاكر كان شايف المنظر مستحملش ساب مي وجري علي حسنا 
_يلا هانم كل شويه اجيبك من رقصه شكل 
الشاب كان شارب ووجه كلامه لشاكر 
_انت عبيط ولا اي بتشدها كده ليه وهنا شاكر خد بوكس في عينه بس العين السليمه ووقع شاكر والكل اتلم 
حسنا.... شااااكر 
شاكر... النضاره ضاعت ياحسنا 
نكمل الحلقه الجايه
بارت
جيم اوڤر
_اهدي بس ياشاكر 
_لاااا اهدي ازي انتي مش شايفه وشي بقي عامل ازي بسبب حضرتك 
_سببي انا انت نسيت ولا اي انت اللي ودتني المكان والناس دول 
_ والله وانا اللي قولتلك اقومي تتزفتي ترقصي 
_والله انا قومت لما حضرتك سبتني ورحت تتكلم مع البنت المتسهوكه بتاعتك
_بتاعتي متتكلمي عدل ست حسنا وبعدين ايه معني متسهوكه دي
_ياعني مايصه وبتتدلع علي حضرتك
_يووووه انا قايم من وشك 
شاكرجه يقوم طبعا نضارته ضاعت في الزحمه ومعرفوش يلاقوها خبط في التربيزه اللي في اوضتهم 
_اااه رجلي....رجلي... والله حرام اللي بيحصلي دا.. احنا لازم ننزل القاهره بقي 
حسنا فضلت تضحك علي شاكر اللي بيمشي يتحسس في الاوضه لانه حرفيا نظره ضعيف وشغال يخبط في كل حاجه بسبب عصبيته
_اقومي شوفيلي النضاره التانيه هتلاقيها في الشنطه 
_الله انت معاك وحده تانيه 
_اه بس كنت ناسيها اقومي شوفيلي هي فين
_حسنا بحب وهيام انا ياشاكر 
_اااي... كده ياشاكر 
_الله.. مخدتش بالي هو انتي شيفاني بشوف وبعدين واحده بواحده ياست هانم ولا نسيتي عملتك 
_والله شوف نفسك انت بقي 
وهنا حسنا رمت النظاره لشاكر واللي بقي يتحسس السرير لغايه ملاقها ولبسها 
_ياااااه النضاره دي نعمه ونعمه النظر دي نعمه... خلي بالك من نظرك ياحسنا النظر مهم
_لااااياشيخ... تصدق عندك حق النظر نعمه وانا الصراحه معنديش نظر 
_ليه ياماما البسي نضاره عشان تشوفي كويس 
_اوووووف يامرارتي
وفجاءه موبيل شاكر رن واللي بص عليه لاقاه جدوشاكر
_استر يارب العجوز المتصابي بيرن 
_مين دا اللي بتقول عليه 
_جدك ياستي تلاقيه هبت معاه في فكره قال يطبقها علينا 
_متتكلمش عليه كده والا هقوله .. دا جدو دا قمر وحابوب وكل اصحابي بيموتوا عليه
_ليه ياختي .براد بيت.. ولا اي
_جدي احسن منه... وطلعت حسنا لسانها لشاكر كوبه
وهنا رد شاكر علي جده 
_صحيتكم يا كتاكيت 
_لا ياجدي صاحيين.. خير ياجدي 
_اي خير دي ولد... المفروض تقولي تؤمر يااجدي 
شاكر وهو بينفخ وماسك نفسه 
_تؤمر يااجدي 
_جهزوا نفسكم ولاد عمتكم علي وصووول اجهزوا وانزلوا 
_اي يااوقعه سوده انا متحكملكم لما اتحمل ولاد عمتي دوول
وهنا شاكرخلص المكالمه 
_ياربي ياعني انا عاوز انزل القاهره عشان اجهز حاجتي واغور من خلقكم .. الاقيكم مكملين عليا
حسنا بضحك وفرحانه في شاكر
_اهدي ياشاكر دول ولاد عمتك برضوا ولازم تحبهم
_انتي حره تستقبليهم تحبيهم انا مالي
_الله.. جايين يباركولنا 
_علي اي يباركولي علي الابكاس اللي بخدها كل شويه 
_اهدي ياشكوره وخليك كوووول 
_تصدقي انتي جبله
وفعلا شاكر جهز هو وحسنا ونزلوا تحت واللي لاقوا جدهم بيستقبل عمتهم واولادها وحسنا اول ماشافت عمتها 
_حمدالله على السلامة ياعمتو نورتي الساحل 
_بنور العروسه القمر حبيبه عمتو وقلبها
شاكر مكنش علي علاقه كويسه بعمتو بس حاول انه يكون لطيف معاها وبضحكه صفرا
_حمد لله على السلامه ياعمتي نورتي 
_بنورك ياابن اخويا والف مبروك علي الجواز 
_الله يبارك فيكي عقبال سليم 
وهنا سليم
_چاميييه مش هتجوز انا خالص