اسميته بحر بقلم نيره احمد

اسكريبت 
إن أبغض الحلال عند الله الطلاق 
بعد ما المأذون قال الجملة دي لقيت عينه بتدور عليا في كل شخص ف ال حواليه مهزوم و دقنه طويلة مع انه كان بيكره كدا هزيل و ضعيف بصيتله للمرة الاخيرة و ودعت معاه كل ال فات قفلت باب اوضتي و قعدت ع سريري باصة للارض و قلبي كله هزيمة .
قربت و حضنتني مش دا ال يستاهل الزعل ولا الحزن عليه .

بعياط انا معملتش حاجه في حقه يا ماما ليه عاصم يعمل معايا كدا انا راهنت عليه الكل قال لا بس قولت لا انتم شايفينه غلط و عاندتكم كلكم و اتجوزته و رجعني مهزومة مش قادرة ارفع راسي بينكم او احط عيني في عين حد ليه اقدمله حب يرجعه خېانه ليه يا ماما ليه !
بعدت عني شوية و مسحت دموعي و حطت وشي بين كفوفها انتي تمشي و ترفعي راسك هو ال خسر مش انتي انتي مش اقل من حد كلنا بنغلط احنا اصلا جايين عشان نغلط و نصلح ! بكرا حبك دا يتعوض خير كل ال قدمتيه ربنا مش بينساه طعم العوض نساي و انتي لسه مجربتيش الطعم دا في حياتك الحزن ال انتي فيه دا ضريبة لعوض و خير كتير بعد كدا ..خدي وقتك في حزنك بس حياتك متقفش عليه .
الحياة بتسود قدامك اول ما بتقفل باب اوضتك بعد فقدان او بعد او خذلان شخص بتحبه بتحس ان حتي النفس ال بتتنفسه صعب عليك تحمله 
بعد اسبوعين
رايحة فين يا موج في الوقت المتأخر دا !
كنت بتكلم و انا بربط رباط الكوتشي بسرعة في مريض عمل حاډثة و طلبوني عشان العملية خطېرة .
طب استني اخوكي يوصلك الوقت متأخر اوي يا بنتي 
يا ماما متقلقيش انا بعتولي عربية واقفة تحت البيت يلا سلام 
حتي و انتي تعبانة مبتقدريش تقولي لا لتعب حد يا موج عوضها خير يارب
بعد ساعتين 
ها يا دكتور طمنيني !
متقلقيش يا مدام العملية كانت صعبة شوية بس انا عملت كل ال عليا لإنقاذه و الحمد لله الحالة مستقرة دلوقتي .
والدته قربت ربنا يريح قلبك و يطبطب ع روحك زي ما رجعتي فيا الروح يا بنتي
الدعوة ال حدا ما ريحت قلبي جايز لاني سمعتها بقلبي و حسيتها نزلت اشرب قهوة في الكافتريا عشان اقدر اركز لاني مش هينفع امشي من المستشفي غير بكرا الصبح لحد ما اطمن علي المړيض اخدت القهوة و طلعت اتمشي في الجنينة مع الهوا المشي اخدني و رحت لورا المستشفي لقيت صوت حاجات بتتكسر و صوت حد بيزعق قربت شوية و لقيته شخص واقف بيخبط و يرمي في الكراسي و الطرابيزات
اي يا استاذ ال انت بتعمله دا ! انت مفكر نفسك في الشارع !
لف و بصلي پغضب و عصبية ابعدي عني و امشي من هنا عشان هأذيكي انتي كمان
لا دا انت شكلك مچنون بقا انا هشوف ازاي الامن يدخل الاشك..
اخد موبايلي و رماه بعيد و قرب پغضب و مسك دراعي بقوة
بعصبية وصوت عالي انتم كلكم خاينين انتي فاهمه كلكم خاينين و كدابين.
كنت ببعد عنه پألم من مسكته لدراعي
بصلي پغضب و سابني و رجع يكسر تاني في الحاجات ال وراه
انا عملتلها اي عشان تسيبني كدا ! ازاي تسيب ابنها و هو لسه مكملش الاربع سنين عشان تحب واحد تاني و تتجوزه و تهرب
معاه ! ازاي هونت عليها كدا متسألش عني طول السنين دي !