وتين بقلم ياسمين الهجرسي
كبير عليا
والعيله اللي هم أهلي ظهروا واكيد محتاجين يعوضوني واعوضهم عن فراقهم العمر دا كل ومنتظرين مني اطير من الفرح اكيد كان نفسي اعمل دا بس انا ضايع ومش عارف اعمل ايه
المفروض اني اكون
معاكم انتم الاتنين مع العيله اللي فضلها كبير عليا والعيله المفروض تكون هي صاحبت الفضل دا
بس مش قادر اختار بينكم انا المۏت اهون عليا من الاختيار بينكم .
انا عارف اني حرمتكم مني بس عشان خاطر ربنا متزعلوش عايز شويه وقت هي فتره مؤقته وهنتلم مع بعض وانا عارف انكم قد المسوولية اللي سبتهلكم كل واحد فيكم هياخد باله من امهاتي وابهاتي لحد ما ارجع
وانتم يا شباب الشاذلي يونس....ويعقوب انتم عيني ووداني في كل مكان واكيد انتم فهمنيى كويس وهعرف انكم فهمتنوني لما تعملوا اللي انا عايزه .
وبشكرك يا جدي محمد السيوفي اللي كنت اتمني اني اوطي ابوس رجلك علي كل اللي عرفته انك عملته مع امي بس انت اكتر واحد هتسامحني.
كان يسمعه جده وهو يحدث نفسه ليه حفيدي الغالي تحرمني منك من قبل ما أشبع منك انتظرتك عمري كله وفي الآخر سبتني ومشيت من غير ما اخدك في حضڼي ليه يا اغلا من ابوك تعمل فياكده .
واخدك حق اخواتي وحفاظك علي كرامتهم والاهم من دا كله انك صونتى كرامه امي بعد رفض جلال باشا السيوفي ليها
كانت تسمعه وقلبها ينقطع علي فراقه وتحدث نفسها شكر ايه يا خايب اللي بتتكلم عليه دانا عشان خاطر ابوك اعمل اي حاجه وكل حاجه دانتم الغالين ولاد الغالين.
ونور عيوني صبا وصفا وان شاء الله نجتمع علي خير.... انا سافرت بره البلد لحد معرف انا هعمل ايه وانا اتنازلت عن كل ما املك في عائله الشاذلي او في عائله السيوفي ومعاكم توكيل بحريه التصرف في كل شئ يخصني يعني من الاخر اتنازلت عن نفسي ليكم بالاسمين ولحد ما استجمع نفسي واسترد روحي هرجع ليكم
زياد يونس ويعقوب الجميع مسؤلين منكم قدامي وتين اخواتي صبا وصفا مسؤليتك لحد ما ارجع انتي بالنسبالهم مكاني وخلي بالك من نفسك وانتظريني من وقت لتاني هكلمك.
امي ابرار حبيبتي الغاليه خلي بالك من نبض قلبي امي كريمه في امانتك لحد ما ارجع وسامحوني انتم الاتنين خيبت املكم فيا بس ان شاء الله الامور كلها هترجع وهتبقي احسن من
بابا احمد معالي المستشار مش عايز حضرتك تزعل مني انت عارف ان احنا اصحاب قبل ما نكون اب وابنه وعارف انك انت اكثر واحد هتكون زعلان مني..
بس اللي عارفه برده ان هفضل صاحبك وابنك وكاتم أسرارك .
فرت دمعه من عيونه هو يشعر أن تربيته خابت في ابنه هو كان سنده وابنه وصديقه ولاكن خابت تربيته .
والدى جلال السيوفي أنا مش عارف سبب قسوتك على امي واخواتي يمكن كل اللي حصل في حياتك كان صعب عليك او انك ما قدرتش تستحمل الظروف اللي مفكر انها انقرضت عليك بس اللي حابب اقوله لحضرتك ان شاء الله لما ارجع مش هسمح لحضرتك تهين امي ثاني او ينزل دمعه من عيونها بسببك.
اونكل قاسم وطنط شغف انا عارف انكم هتخلوا بالكم منهم وبالذات طنط شغف مش هاوصيك على صبا و ورد انا عرفت ان هم اشتغلوا عندك في المستشفى ارجوكي خلي بالك منهم اهلي هم روحي يا انكل قاسم انا بعدت وعارف أن في ضهرى رجاله.
وفرت دموعه وصمت لثواني وهتف
استودعكم الله الذي لا تضع ودائعه
هبطت رساله راكان على مسامعهم كالصاعقه مزقتهم الى اشلاء ونشرت مشاعرهم وعواطفهم بين طيات المجهول
استقام جلال وقطع هذا الصمت بكلماته المسمومه وهتف ما كنتش متوقع منه اكثر من كده فاشل زى أمه أفلامه كلها هابطه اتبسط يا حاج انت والحجه وكريمه انا اتنازلت لكم كمان عن الابن ومن النهارده مليش أهل ولا ولاد ولا اصدقاء ولا حتي انت يا
قاسم يا اللي كنت بعتبرك اخويا ونظر لهم بسخريه وغادر المكان .
كان الجميع تائه في حديث راكان كانت رساله عباره عن خناجر مسمومه تمزق قلوبهم ولا يعرف احد ما أصابه هل يفرح لأنه اطمئن على راكان ام يحزن لفراقه.
بعد خروج جلال هتفت فهيمه بصوت عالي والڠضب يسيطر على ملامحها اقتربت من والدتها ووالدها وتحدثت _
ليه عايزين تظلموا جلال علشان دي واشارت الى كريمة بسخريه وبناتها امال لو كانت
