قيامه ذكري بقلم عادل عبدالله

الحمد لله علي كل شئ .
بعد يومين وبعد تحسن حالتها خرجت رباب من المستشفي وذهبت مع ايمان وايناس .
زياد بمجرد ان علم بمرض رباب ذهب لزيارتها بالمستشفي عدة مرات .
ايناس كل ما بتشوف زياد كانت تحاول جذبه اليها عن طريق الضحك والقفشات والهزار !!! 
ايمان اشتكت لأمها 
ايمان يا ماما ارجوكي خلي ايناس لما زياد يكون موجود تبعد عنه .

رباب قصدك اي 
ايمان قصدي انها كل ما ييجي تقعد تتكلم وتضحك وتهزر معاه بطريقة بتضايقني جدا وبحس انها بتعمل كده قاصدة تضايقني او معرفش في نيتها اي !!
رباب مفيش حاجة في نيتها ابدا لكن انتي عارفة اختك ايناس بتحب تضحك وتهزر علطول .
ايمان والله يا ماما لو بطلت تعمل كده هقوله علي موضوع الفيديوهات بتاعتها اللي علي النت .
رباب انتي اټجننتي يا رباب !! وهي دي حاجة تتقال !! 
ايمان ايوه علشان تتكسف علي ډمها ومش ببقي لها وش تكلمه تاني .
رباب لا اوعي تعملي كده .
ايمان حاضر بس تقوليلها لما يكون موجود مش تتكلم معاه ابدا .
رباب حاضر قوليلي هو ازاي زياد ميعرفش الموضوع ده مش عمك ابراهيم ومراته عرفوا !!
ايمان ايوه عارفين لكن مرات عمي قالت انها عارفة اخلاقي كويس ومتأكدة مني وقالت ملوش لزوم زياد يعرف حاجة زي كده انا مليش ذنب فبها .
رباب والله مرات عمك دي رغم اني مش بحبها بس طلعت ست كويسة .
وفي يوم الجمعة التالي ذهب زياد لزيارة خطيبته ايمان .
وبمجرد دخول زياد دخلت ايناس كعادتها تسلم عليه .
رباب نادت عليها بسرعة وطلبت منها انها مش تخرج وتقعد معاه نهائيا .
دخلت ايناس في غرفتها يكاد الغيظ يصبها بالجنون !!! 
زياد في اليوم ده كان واضح عليه السعادة والفرح بشكل اكبر من الطبيعي !!!
ايمان سألته واضح النهاردة انك مبسوط اوي اكتر من اي يوم تاني .
زياد بصراحة عندي خبر حلو اوي هيفرحك اوي .
ايمان دايما يارب خير 
زياد انا كنت مخبي عليكي حاجة لكن ده وقت اني اقولهالك .
ايمان خير يا زياد 
زياد الاسبوع ده كنت بناقش رسالة الماجستير والحمد لله نجحت .
ايمان بجد 
زياد ايوه الحمد لله .
ايمان الحمد لله الف مبروك يا زياد عقبال الدكتوراه .
زياد يارب .
ايمان لكن انت مش قولتلي انك بتحضر ماجستير 
زياد بصراحة كنت مخبي عليكي لسببين .
ايمان اي هما 
زياد الاول اني كنت خاېف اني افشل ويكون شكلي وحش قدامك .
ايمان معقول يا زياد ده المفروض انا وانت واحد واللي يفرحك يفرحني واللي يزعلك يزعلني 
زياد اكيد طبعا يا حبيبتي .
ايمان والسبب التاني 
زياد كنت عاملهالك مفاجأة وعايز اشوف فرحتها في عينيكي .
ايمان الحمد لله يا حبيبي ويارب عقبال الدكتوراه .
زياد في مفاجأة تانية كمان .
ايمان خير يارب فرحني كمان .
زياد انا اخدت منحة سفر لانجلترا علشان احضر الدكتوراه هناك .
ايمان بتقول اي !!!!!!!!!
الحلقة ٢٥ الأخيرة 
زياد في مفاجأة تانية كمان .
ايمان خير يارب فرحني كمان .
زياد انا اخدت منحة سفر لانجلترا علشان احضر الدكتوراه هناك .
ايمان بتقول اي !!!!!!!!! 
زياد مالك انتي مش مصدقة ولا اي 
ايمان لأ ابدا اصل انا اتفاجئت .
زياد بس شكل المفاجأة مش عجبتك .
ايمان لا ابدا المفاجأة بس مش اكتر .
زياد انا فرحان اوي يا ايمان علفكرة انتي قدم الخير عليا .
ايمان الحمد لله يارب دايما .
زياد يارب .
ايمان وانت ناويت تعمل اي 
زياد مش فاهم قصدك اي 
ايمان يعني هتسافر امتي وهتقعد اد ايه وهترجع امتي 
زياد المفروض اني هسافر في خلال شهرين وهقعد هناك لحد ما اخلص الدكتوراة وارجع .
ايمان هتخلصها في اد ايه 
زياد في المتوسط ممكن حوالي ٣ سنين تقريبا .
سكتت ايمان وقعدت تفكر ومش بتتكلم .
اندهش زياد من صمت ايمان فسألها مالك يا ايمان انت شكلك زعلتي !!! 
ايمان لا ابدا مفيش حاجة .
زياد لأ ده باين عليكي اوي انك اتضايقتي .
ايمان لا يا زياد بالعكس انا فرحانة اوي علشانك بس بفكر شوية .
زياد بتفكيري في اي 
ايمان بفكر انك لما تسافر هتكون مشغول في رسالة الدكتوراه واكيد هتبتدي ترتب اولوياتك وده معناه انك هتأجل فكرة الجواز لفترة طويلة .
زياد انا فعلا بدأت اعيد ترتيب اولوياتي وعلشان كده جاي اقولك علشان تعملي حسابك هتسافري معايا .
ايمان بتعجب شديد اسافر معاك فين 
زياد هتسافري معايا انجلترا .
ايمان بابتسامة هسافر معاك ازاي وهعمل اي 
زياد اول اولوية دلوقتي لازم نتجوز بسرعة علشان تسافري معايا .
ايمان بابتسامة هسافر معاك اعمل اي هناك 
زياد هتكملي دراستك هناك معايا .
ايمان ازاي وهنعيش هناك ازاي هناك وهنصرف منين 
زياد هناك هنشتغل انا وانتي وان شاء الله هنكمل دراستنا لحد ما نوصل للي احنا عاوزينه ونحقق طموحاتنا كلها .
ايمان بفرحة قوية انت بتتكلم جد يا زياد انا حاسة ان انا بحلم !!! 
زياد لا يا حبيبتي مش بتحلمي دي حقيقة ان شاء الله .
ايمان وهنتجوز ازاي في شهرين 
زياد خليها علي الله احنا المهم نكتب الكتاب لكن مش هنختاج نشتري عفش لأننا هنسافر .
ايمان وهنصرف منين هناك في الاول بقلمي عادل عبد الله 
زياد متشغليش بالك بالحاجات دي انا معايا فلوس .
رباب لما عرفت بطلب زياد انه يتجوز ايمان علشان يسافروا انجلترا رفضت في البداية لكن ايمان قالتلها بترفضي ليه يا ماما دي حياتي وانا شايفة اني لو اتجوزت زياد وسافرنا هنكمل دراستنا ونحقق كل احلامنا .
رباب لا يا ايمي يا حبيبتي مش هقدر علي غيابك بالشكل ده .
ايمان يا ماما التت دلوقتي قرب كل حاجة وممكن نتكلم كل يوم فيديو ونطمن علي بعض .
رباب طيب ما تخليكي هنا وتكملي دراستك علي النت وزياد كمان يكمل دراسته علي النت 
ايمان يا ماما دي فرصة نادرة مش بتيجي لأي حد مش معقول نضيعها وبعدين بصراحة كده انا اتظلمت كتير بسبب ايناس وبسببك انتي كمان .
رباب بسببي انا كمان يا ايمان !!
ايمان ايوه يا ماما .
رباب ليه 
ايمان انتي عارفة كويس بلاش نفتح في الموضوع ده تاني .
رباب قصدك علشان جوازي من عمك علاء وخطوبتك من سيف 
ايمان خلاص يا ماما ده موضوع وانتهي خلاص .
رباب عندك حق يا ايمان انتي فعلا اتظلمتي كتير بسببي وبسبب اختك ايناس اتجوزي وسافري يا حبيبتي وعيشي حياتك وان شاء الله ربنا هيعوضك بكل خير .
بمجرد ما شفيت رباب وقدرت تنزل من البيت علاء اخدها وراحوا البنك واتبرعوا بكل الفلوس الحړام للمستشفيات والجمعيات الخيرية .
علاء خرج من البنك مع رباب وقالها انا دلوقتي خلاص حسيت ان ضميري ارتاح من الذنب اللي كنت شايله علي اكتافي .
وبعد حوالي شهرين زياد وايمان اتجوزوا وسافروا انجلترا علشان يبدأوا من جديد .
انتهت .
تحياتي 
عادل عبد الله