عيله الدهبي بقلم ريم خالد
الأكياس مطلبتش مساعده .
مديت أيدي أخد الأكياس بس رجع خطوه لورا وهو بيقولي ..
_ والله ما يحصل عيب متصغريناش بقا
رديت بهدوء_ ياعم تشكر هات الأكياس !
بصلي بتسلية ورفع حاجب وهو بيرميهم علي الارض قدامي وهو بيقولي
_ خدي ..
اڼصدمت من طريقته والحاجات اللي بدأت تقع من الكيس كنت بحاول الحق اي حاجه من اللي بيجروا وهو واقف بيضحك بجنب لمېت الحاجه اللي وقعت وأنا ببصله بكرهه ومشيت من قدامه وأنا جسمي بيتنفض من العصبية خبط في حد وأنا ماشيه جامد ..
كان راجل كبير بس مش اوي أبتسم وهو بيقولي ..
_ الغزال
بصيتله بأستغراب وهزيت رأسي بنفي وأنا بقوله .
_ لأ !
ضحك وهو بيشاور علي مطعمنا وبيقولي ..
_ مش أنتي اللي مأجره المطعم دا !
هزيت رأسي بهدوء وأنا ببصله بابتسامه ضحك بشقاوه وهو بيقولي ..
_ يبقي أنتي الغزال !
ضحكت وأنا مش مجمعة أوي ورديت عليه ..
ضحك جامد وهو بيهز رأسه وقالي ..
_ تمام يا ريم أنا عبد الرحمن جد عمر الدهبي..
بصيتله پصدمة لثواني وأبتسمت وأنا بقوله ..
_ أه اهلا بحضرتك ..
هز رأسه وهو
بيرحب بيا وشاور بعينيه علي المطعم وهو بيقولي بذوق .
_ ريحة المذاق البيتي مالي الشارع ومجوع الناس وأحنا في صيام ميصحش كدا !
_ المذاق البيتي لازم يأخد وضعهه في أي مكان ..
ضحك وهو بيقولي وعينيه بتلمع بحنية ..
_ دا أنتي شقيه فعلا زي ما أتقالي ..
ضحكنا انا وهو وفي وسط كلامنا ظهر عمر من ورا جدو وهو بيقوله ..
_ شايف أنك أتعرفت على الأنسه يا عبدو !
قالها وهو بيقف جنبه حاوط جدو عبد الرحمن كتفه رغم طول عمر وهو بيقوله بابتسامة
رديت عليه بكسوف_ دا شرف ليا والله ..
رد عمر عليا المره دي وهو بيقولي _ كان نفسه يقابل اللي كسرت القرار لأول مره وقابلك وباين عليه مشجع الموضوع.
رفع جدو عبد الرحمن أكتافه بتسلية وهو بيقوله ..
_ بصراحه مشجعه جدا بعد ريحة
