بدلت حياتي بقلم علا عبدالوهاب

كان آدم يجلس مع شيرين فى شرفة منزلها
ايه رأيك فيها بقى يا ماما 
تجنن بصراحة مكنتش متخيلة انها حلوة كده
هو انا وقعت من شوية
فأبتسمت شيرين
متربية اوووى واسلوبها حلو وشكلها جميل حقيقى زى العسل
مفيش اعسل منك يا عسل
ثم قالت والداته بخبث
اسوء حاجة فيها
فأجاب آدم مسرعا
دبش فى الكلام صح 
لا إنها حبتك انت
فنظر لها آدم بشدة
اهدى يا شيرين بدل ما اوقع بينك وبين الحج وبعدين المفروض انك انتى امى دافعى عنى يا ولية و اقفى فى صفى
ولية !!! انا معرفتش اربى
فإبتسم آدم ثم
احبك انا يا شيرى
اكرهك انا يا آدم
كانت سما فى غرفتها تشاهد التلفاز فدخل عليها والداها
قعدة بتعملى ايه 
بتفرج ع برنامج دينى
فأبتسم عادل
انتى وافقتى ع الواد آدم من غير ما تدينى خبر !!
احمر وجه سما
بتقول ايه يا بابا انا مواف
متكدبيش ده الواد بېخاف منك انتى عاملة ليه ړعب استحالة يجيب امه وابوه الا لو انتى وافقتى
دى موافقة مؤقتة المهم موافقتك انت
يا بكاشة
فنظرت سما للأسفل فشعر عادل بسعادة لأبنته ٠٠
كان آسر يجلس مع نيللى فى احدى الكافيهات زفرت نيللى بضيق ثم قالت
انت بقى تقولى ناوى ع ايه انا مش فاهمة
اصبرى بس عليهم سبيهم يتخطبوا
انت بتقول ايه !!!
ايوة لأنك اللى متعرفهوش أدم كان مراهنى ع انه يكسب قلب سما ومعايا تسجيلات بصوته بيقول فيها انه بيعمل كل ده عشان الرهان
لمعت عينان نيللى ثم قالت
بجد 
طبعااا بس الصبر حلووو
لو كده اصبر بس قدر قالها ان ده كان زمان
اللى زى سما مش هتسامح سواء من زمان ولا ﻷ وبعدين هنجرب منفعش فى بدايل ماناىمش بعد ده كله هسبهاله
تماااام
دخل إياد غرفة والداته ابتسم حين رأها تجلس وتقرأ فى احدى الكتب
ممكن اخد من وقتك شوية يا يسرية هانم
ابتسمت له يسرية
تعالى يا حبيبى
فأبتسم إياد وجلس بجوارها على الأريكة
ماما انا قررت اتجوز
فأبتسمت يسرية
بجد بجد يا إياد 
ايوة طبعا
قررت تتجوز مين نورا صح 
اعوذ بالله ليه كده يا أمى بس لا مش نورا
فرفعت يسرية حاجبها
امال مين !
ابتلع إياد ريقه
نهال
فنظرت له يسرية وهى لا تصدق
بتقول ايه انت !!!!!
الحلقة الخامسة والعشرون
فأبتلع إياد ريقه
ايه يا ماما !! ايه مشكلتك مع نهال
انت عارف انها بنت سميرة
وانتى بتكرهى طنط سميرة ليه 
خانت عمك
اللى اعرفه يا ماما انها مكنتش بتحب عمى اصلا واتجوزت اللى بتحبه بعد ما اطلقت من عمى ايه انتى مشكلتك معاها يعنى متهيئلى لو كنتى مكانها كنت هتعملى نفس الشئ
تنهدت يسرية
مكنتش هعمل كده
تقدرى تعيشى مع واحد مبيتحبهوش
يوووه بقى يا إياد عموما ده مش موضوعنا جواز من البنت دى لا يمكن وبعدين مالها نورا جميلة وشيك وبنت نااس رافضها ليه
قلبى قلبى مع نهال يا امى ومش هسمحلك يا ماما تأذيها فى مشاعرها اكتر من كده
اكييد هى لفت عليك وبعدين هى مش مخطوبة
هى و أمجد انفصلوا وهى لا لفت عليا ولا حاجة انا بحبها من قبل ما تتخطب ل أمجد
شعرت يسرية پغضب شديد ثم قالت
كمان سابت خطيبها !!! عاملة زى امها بكرة ترميك عشان
واحد تالت
يووووه بقى يا ماما عموما انا جاى ابلغك
يعنى ايه حتى لو رفضت !
تحدث إياد بهدوء
ماما فكرى مع نفسك كده شوية نهال معملتش فيكى حاجة وحشة عشان تكرهيها
ثم وقف إياد وخرج من غرفة والداته وظلت يسرية تنظر تجاهه بغيظ ٠٠
فى المساء اتصلت نهال ب إياد حين رأى رقم هاتفها أبتسم ثم أجاب على الهاتف
نهال صحيتى !
اهااا مش عارفة هنام تانى ازاى واصحى ازاى للشغل بكرة
ريحى اصلا اليومين دول مفيش شغل
انت بتهزر مقدرش
لا انا بكلم بجد ملهاش لازمة ريحى اليومين دول انتى شكلك تعبانة ومرهقة
فكرت نهال قليلا ثم قالت
يومين بس ٠٠ ماشى 
فأبتسم إياد
اوك يا ستى يومين بس ٠٠ بس ريحى فيهم بجد
تمام
جعانة اجبلك اكل
لا مش جعانة خاالص من ساعة ما كلت معاكوا انت و سمر
نهال انا واكل مرتين بعد ما احنا ما كلنا ازاى مش جعانة
حقيقى مش جعانة
تمام يا ستى
فتثائب إياد فقالت نهال
شكلك عاوز تنام 
اه اصل صاحى من بدرى
امممم ماشى نام
عاوز اشوفك الصبح قبل ما اروح الشغل إن شاء الله ابقى انزلى افطرى معايا
حاضر
فأبتسمت ثم اغلقت معه الهاتف
كان آدم يجلس فى غرفته وجد اتصال من آسر فأجاب على الهاتف
ايوة يا آسر
ايه يا آدم من ساعة اخر مرة مكلمتنيش
اتضايقت منك حقيقى
خلاص متزعلش انا

كنت فاكر هتتبسط لما اجيب صحابنا
انا قولتلك انى هخطب سما
انا افتكرت هتخطبها وتتجوزها بس انت زى مانت
لا يا آسر انا اتغيرت فعلا
خلاص مش هتصل تانى الا لو خروجة عادية
تمام
انتوا بقى حدتوا ميعاد الخطوبة
ابتسم آدم
بكرة إن شاء الله هروح لأبوها وهنحدد كل حاجة إن شاء الله
فأبتسم آسر بخبث
مبرووووك
عقبالك
لا انا خلينى كده احسن فى الوقت الحالى
مسيرك تحب
إن شاء الله
بينما أتصلت سمر ب نهال وكانت نهال تجلس فى الشرفة وأجابت على الأتصال
ازيك يا سمورة
انتى عاملة ايه ناو احسن 
الحمد لله
طب الحمد لله انتى رايحة الشغل بكرة ولا هتريحى 
لا هريح يومين كده
طب كوويس
تعالى نقضى اليوم سوا
بصى تعالى نخرج الصبح فى النادى لأنى بعد