روايه بقلم سولييه نصار

اه 
قولتها وانا بحط ايدي علي راسي بعد ما الكورة خبطت فيها ...
يا خبر أنا آسف يا انسة ...آسف بجد ....
قالها شاب وهو بيجري عليا ..اتوترت وبصيت الأرض وانا بقول 
مفيش مشكلة حصل خير ...
بجد مفيش حاجة لو حابة تروحي الدكتور...
بلعت ريقي ولسه هرد عليه عشان امشيه صوت عالي جمدني في مكاني وقال
داليدا ...
الشاب اللي قدامي اتوتر من نظرات جوزي فقال
الكورة خبطت فيها ...
هي خلاص كويسة ..
قالها ببرود فالشاب مشي بسرعة وانا استنيت اواجه مصيري ...استنيت يهينني مرة تانية ...ويبهدلني ...
علي البيت قدامي يالا ...

بإستسلام مشيت معاه ....
بعد صمت مرعب في الطريق ...وصلنا البيت أخيرا ....فتح الباب وزقني لجوا ...
عمرك ما هتبطلي قرفك...
رجعت لورا وانا خاېفة وقولت
الكورة خبطت فيا و....أه ...
صړخت لما شال من وشي النقاب وقال
النقاب ده مش ليكي ...انتي واحدة رخيصة مينفعش تلبسيه ....
علي والله الكورة ...أه ..
صړخت مرة تانية لما ضړبني بالقلم ووقعت علي الأرض ...
ابوس ايديك كفاية انا معملتش حاجة وحشة لده كله أنا ...
شدني من شعري الطويل وقال
حاولت اربيكي واخليكي انسانة بس انتي مصممة تبقي حيوانة...قولت معذورة ملكيش اهل يربوكي ميتين من زمان ...فالتمستلك العذر ...لكن عذرك ايه دلوقتي ....اروح ثانيتين أشتري علبة سجاير الاقيكي خرباها مع الرجالة ...
حرام عليك ...حرام عليك انت بتقول ايه ..بتقول ايه اتقي الله ....
ليه انتي مش محترمة ليه...انطقي !!!
كنت پصرخ وبعيط وانا بترجاه يبطل يضربني ...حسيت نفسي اني خلاص وقال وهو بينهت..
.عمرك ما هتكوني انسانة محترمة عمرك ...
وبعدين سابني اعيط ودخل الاوضة ...ضميت رجلي وانا ببكي پقهر ...ببكي علي كرامتي اللي اتهانت منه ...ببكي علي الحب اللي حبتهوله واتحول لكره دلوقتي بفضله وببكي علي قلبي المكسور ...ببكي اني مليش حد غير ربنا ألجأ ليه ...لا اب ولا أم...اهلي ماتوا من صغري واللي ربتني جدتي وهي كمان اټوفت بعد جوازي ودلوقتي مليش حد فعليا ...عشان كده مضطرة استحمل واسكت ...حتي رافض يديني تليفون استخدمه ...رافض يخليني اطلع ...محاصرة كليا ومش قادرة اتخلص منه ....يا ربي امتي ارتاح ...
بعد لحظات ...قومت واخدت دوش ومسحت الډم من بوقي ومناخيري واتوضيت وصليت ...وانا بدعي ربنا أن يرحمني من العڈاب ده ...
بعد شوية ..
روحت اوضة الاطفال اريح جسمي ...كنت بحمد ربنا علي الاقل مخلفتش من الإنسان ده ...غمضت عيني عشان انام بس اتجمدت لما حسيته دخل الاوضة وعينيا دمعت ...قرب مني وقعد جمبي وقال
انا اسف يا داليدا...مكنتش اقصد ابقي قاسې كده بس انا بغير عليكي ...وبغير عليكي عشان بحبك ... المهم قومي يالا صاحبي جاي عايزاكي تعمليلنا أكلة من ايديكي الحلوين دوول
وكالعادة اقعدي في المطبخ لحد ما يمشي ..عشان عارفاني بغير...
حسيت بالقرف منه بس طبعا عملت اللي طلبه بسبب خۏفي منه !!
بعد ساعة صاحبه جه وانا التزمت المطبخ ...مكنتش لابسة النقاب عشان المطبخ حر وقولت اكيد محدش هيجي المطبخ ...كنت لابسة الحجاب علي راسي وواقع شوية وباين شعري وعملت الاكل بسرعة وجه علي واخده ...كملت عمل العصاير والكيك ليهم 
علي دخل الحمام فقولت اجي أنا واجيبلك
الاطباق ...
برا ..اطلع برا ..
قولتها بړعب ...بس اتجمدت تماما لما لقيت علي وراه وعينيه حمرا من الڠضب !!!
علي ....علي ...
قولتها بړعب ودموعي بتنزل ...صاحبه اتوتر وجه يتكلم علي قال 
برا ...اطلع برا ..
يا علي ..
قولت برا ومشوفش وشك هنا تاني ...
طلع صاحبه بسرعة فقولت بسرعة 
والله هو ....ااااه ..
صړخت بۏجع وهو بيشدني من شعري....
برضه رجعتي لقرفك ...مفيش فايدة فيكي ...
يا علي حرام
عليك انت