اميره القصر بقلم اسماعيل موسى
وقال ادم بنبره ساخره متكبره شايفه العلامه إلى قرب سطح القصر؟
قلتله شايفاها
ادم قال ماشي هنشوف مين فينا يقدر يوصل العلامه دى
إلى مش هيلمسها هيكون خسران
وبصلي بنظره دونيه وهو واثق من الانتصار انا هبداء
وتحول ادم لذئب ضخم قوى مروع، ركض من بعيد وقفز فلمس العلامه
ونزل على الأرض وتحول لهيئته البشريه وضحك، يلا دورك دارين
رجعت للخلف عشر خطوات وركضت بكل سرعتى وكانت جوايا قوه كبيره وقفزت
طرت فى الهواء ولمست العلامه بأطراف اصابعى بالعافيه
ونزلت على الأرض عملت هزه قويه
ادم اندهش جدا، انتى ازاى عملتى كده؟ دا شيء خيالى
قلتله دا أقل حاجه عندى
راح ادم يضحك ويقهقه، بس انتى وصلتى العلامه بالعافيه
احنا هنحدد ارتفاع اكبر
وعرفت انى هخسر المره هذه المره لكن مكنش ممكن أتراجع عن كلامى
وحددنا ارتفاع اكبر وتحول ادم مره أخرى وقفز بقوه وهو ېصرخ ولمس العلامه لكن بصعوبه حدا
حتى وهو نازل وقع على الأرض وفقد توازنه وكان بيلهث من التعب
وبصلى بنظره كلها شهوه وهو عارف انى هخسر وقال دورك دارين
غمضت عنيه لحظه وافتكرت التميمه، طلعتها وانا مديه ادم ضهرى
علقتها فى عنقى
وحسيت انى أقوى انسانه فى العالم، أقوى كائن أقوى من أى شيء
ورجعت خطوات للخلف، ركضت ثم قفزت
الفصل الثامن عشر من هنا
____ حلقت فى الهواء وكنت ارفرف بيدى كأننى أمتلك جناحين
ورأيت ___ أعناق الأشجار فى الغابه، رأيت سطح القصر
شعرت اننى طائر نال حريته أخيرآ
ونزلت على الأرض زى المحاربين الاسطورين إلى بنشوفهم فى التلفاز
ادم __ فتح فمه بدهشه، كان وجهه مشدوه
انتى ازاى عملت كده يادارين؟ انا مش مصدق عنيه
قلتله معرفش، لكن دا يعلمك انك متسخرش منى تانى، انا وصلت العلامه وعديتها دلوقتى الدور عليك؟
ادم قال لا خلاص انا تعبت مش هقفز تانى، كان شكله متغير وواضح عليه انه ڠضبان
قلتله ادم فيه ايه؟
ادم قال، انا عايز اعرف انتى عملتى كده ازاى؟ انتى قفزتى لارتفاع أكبر منى
ولأول مره اشوف نظرة الغيره فى عيون ادم وكان عمال يكرر فى سره ازاى؟ ازاى
انتى أقوى منى؟
مرديتش كنت متخيله الموقف ابسط من كده بكتير مجرد لعبه
لكن ادم استمر فى كلامه، انتى مخليه عنى حاجه كبيره يا دارين
لازم تقوليلى سر قوتك
قلتله ولاتزعل نفسك يا آدم، حقيقى انا معرفش السر لكن هقلك إلى اعرفه
باكو قفز وسطينا لما سمع الكلام وكشر فى وش ادم ودى كانت حركه غريبه كمان لان باكو بيحب ادم
باكو قرب منى وقفز فى حضنى وراح يلعق وشى بحنان
ادم قال يلا دارين احكى
قلتله انا حسيت بالقوه دى من وقت ما الشاب ادانى التميمه كل ما اعلقها فى عنقى بحس بالقوه
ومره تالته سألنى ادم شاب مين؟
الشاب إلى التقيته فى الغابه يا آدم، وحسيت انى بقدر اقفز بسهوله بعد الحاډثه بتاعت الغابه لما البنت قضمت رقبتى
ادم فكر شويه فى صمت بعد كده قال، التميمه دى خطړ عليكى انتى لازم تدينى التميمه دى
قلت لكن الشاب حذرنى انى اتخلى عن التميمه وقالى احتفظ بيها دايما
وزعق ادم انتى كل شويه تجيبى سيرة الشاب ده؟ كفايه بقا
حسيت ان ادم زعلان اوى وغيران عليه ودا امر خلانى سعيده وكنت عايزه اصالحه
قلتله ادم متزعلش انا هديك التميمه افرد وشك بقا؟
وشك وحش جدا وانت مكشر
وضحك ادم وهو بيبص عليه ومد ايدى ناحيتى، نزعت التميمه وحطيتها بين ايديها
ادم بص فى التميمه وفحصها، بعد كده علقھا فى رقبته فوق التميمه بتاعته
بهزار بقوله ادم متدينى التميمه بتاعتك طالما اخدت بتاعتى وزعق ادم مره تانيه
انتى غبيه دراين؟ هتعملى ايه بالتميمه انتى؟ مش معنى انك دافعتى عن القصر يومين تلاته تعتبرى نفسك محاربه او مقاتله
انا الى بحميكى هنا لازم تعرفى كده وسكت متكلمتش انا كنت بهزر ومكنش قصدى ازعل ادم
دلوقتى البنت إلى قضمت عنقك حصل ايه بعدها؟
قلتله مصت دمى وكنت ھموت لكن الۏحش انقذنى ولعق عنقى وحسيت بتحسن
ادم قال اه، والۏحش قتل البنت دى؟
قلتله لا هربت فى الغابه
ادم قال ممم، شكلها مصاصة دماء ودخل المكتبه دور فى ارفف الكتب عن كتاب قديم ضخم
جابه وحطه على الترابيزه وقعد يفتش فيه لحد ما جات صورة مصاص دماء بيقضم انسان وقعد يقراء شويه
وكان بيهز راسه كل دقيقه
بعد نص ساعه كان غير هدومه وخارج من القصر والتميمه بتاعتى فى عنقه، بسأله رايح فين ادم؟
قال مشوار صغير كده وهرجع، متخرجيش من القصر واغلقى الأبواب
وسابنى ادم وحيده وزعلانه وخرج اختفى فى الغابه
ينفع كده يا باكو؟ شفت ادم عمل ايه؟ وكشر باكو فى وشى بأمتعاض كان زعلان منى وكأنه بيقول تستحقى انتى الى عملتى فى نفسك كده
اسماعيل موسى
