اميره القصر بقلم اسماعيل موسى
باكو قضم كم قميص دارين، جذبها، فهمت دارين ان باكو عايزها تمشى وراه
وفعلا طاوعته ومشيت وراه، باكو طلع السلم نحو سطح القصر ودارين وراه
انت بتتعبنى ليه يا باكو؟
قفز باكو فوق افريز السطح وبص ناحية السياج وقعد يموء ويموء
دارين كمان بصت لقيت شخص قاعد جنب السياج متكى عليه بضهره
وعمال يقزقز لب وتسالى
كان صعب تعرفه من ضهره لكنها تقريبا توقعت انه نفس الشاب إلى قابلها فى الغابه ومنحها التميمه
دارين وشها احمر، افتكرت وعدها، القبله والحضن
شعر راسه طويل وناعم وشكله أنيق جدا رغم انه مش مهتم
دارين فضلت دقيقه تبص عليه من غير ما تتكلم، بعد كده قالت
التف اردا ناحيتها ورمقها بعيونه الزرقاء الجميله، اعتقد مفيش قانون يمنع انى اقعد فى اى مكان احبه؟
لكن مش لازم تقعد هنا؟ الغابه واسعه، شوف مكان تانى
براحتى يا أميرة القصر، ثم دا ترحيبك بالضيوف؟ انا افتكرت هتقولى اتفضل اشرب شاى؟
دارين بتحب الاسم ده اميرة القصر، ابتسمت دارين وقالت بكل طيبه هشوف رأى باكو
باكو هو الى هيقرر
ها ياباكو ايه رأيك؟
باكو قفز من على الافريز وركض بكل سرعه لداخل القصر
شفت بقا، باكو رافض انك تدخل القصر، انا اسفه
اردا وقف فى مكانه وقال متستعجليس دارين
وشافته دارين كله، معطفه الأزرق الطويل وقميصه الأحمر الامع
كان أنيق جدا وجميل وهادى
كان سارحه فى مظهره لحد ما فجأه شافت باكو بيركض وبيخرج من السياج وبيقفز فى حضڼ اردا
زعق اردا، يلا افتحى باب القصر بسرعه
وسمعت دارين اردا، وفكرت فى سرها هو بيتأمر كده ليه؟
لكن نبرته عجبتها، طريقته استفزتها وفضولها قلها عايز اعرفه اكتر
وقالت دارين حاضر
نزلت دارين بسرعه للرواق وقفت قدام المرآيه وبسرعه عدلت مظهرها
قبل ما تفتح باب السياج وتسمح لاردا انه يدخل
وشافت نفسها وهى ماشيه جنبه مبهوره بيه
وحست نفسها مستعده تنفذ اى حاجه يقول عليها
وقال اردا هنقعد هنا فى الحديقه، ممكن قهوه؟
بسرعه قالت دارين حاضر، لحظه بس اجيب الكراسى
وبسرعه جابت منضده ومقعدين وحطتهم قصاد البحيره فى المكان إلى بتحبه
بص عليها اردا بعيونه العميقه الواسعه، فين القهوه؟
لاحظت دارين انها كانت واقفه سارحه بتبص على اردا
جسمها اتنفض وقالت ثوانى وتكون جاهزه
اردا قعد على المقعد وباكو فى حضنه، اردا ملي على شعر باكو
وقرب من ودنه وهمس ها فيه يا باكو؟ ايه الى حصل هنا؟
دارين حزينه ليه؟
وراح باكو يموء ويموء ويموء واردا يستمع له
خرجت دارين بسرعه شايله صنيه نحاسيه فوقها فنجانين قهوه
حطتهم على المنضده وقعدت
