طلبني في بيت الطاعه
ودخلت المطبخ وانا حاسه ان الولية دي جايه وجايبالي عريس
فتحية
شوفي بقا ياحبيبتي انا بعتني ليكي الاسطي جمال وقالي اجيب عريس كويس لناهد بنتك انا بصراحة لما شوفتها دلوقتي قولت مفيش غيره زينة شباب المنطقة عاصم ابن عفاف الخياطة بصراحة واد محترم ومؤدب ويستاهل بنتك
حسنية
طيب يافتحية انا اسمع ياختي ان عفاف دي متنقدرش دي وليه سو والناس كلها پتكره تتعامل معاها ازاى بس هودي بنتي عندها
والنبي انتي واخدة فكرة وحشة اوي عنها ياحسنية دي عفاف دي غلبانة خالص ده الناس هما اللي بيقولو عنها كده
حسنية
امممم طيب خلاص انا هاخد رأي البت واشوف مايتها ايه برضو وابقي اخلي سي جمال
يرد عليكي في الحوار
فتحيه
ماشي ياحبيبتي بس تردي عليا بسرعة ماشي عشان انا عايزة اخد الحلاوة علطول علطول كده
الام
والله يابت ياناهد انتي طول عمرك مرزقة وبنت حلال مصفي طبعا اومال ايه مش بنتي حبيبتى انتي عارفه خالتك فتحية كانت عندنا ليه جيبالك حته عريس انما ايه لوقطة
ناهد
ااه انا قولت برضو دخلت الوليه دي عندنا هنا وراها حاجة وده يطلع مين بقا العريس ده ان شاء الله
عاصم ابن عفاف الخياطة واد حليوه واي واحدة في الحتة تتمناه
ناهد
ومتلقيش الا ده ياما ده الناس بتقول عليهم انهم ناس قادرة
حسنية
واحنا مالنا يابت بالناس مايقولو اللي يقولوه ملناش دعوة بحد خلينا في حالنا الناس مش بتسيب حد في حاله وانتي بقا واقفي ياناهد خليني افرح بيكي
ناهد
تفرحي بيا ولا عايزة تخلصي مني عشان تتجوزي الاسطي المعجباني بتاعك
انتي بتتريقي عليا ياناهد اخس عليكي وعملت نفسها بټعيط وقالت اااعااااا ااه يلي ملكيش بخت مع بنتك ياحسنية ااه يلي ملكيش حد في الدنيا ياخد بخاطرك ياحسنية
ساعتها صعبت عليا واخدتها في حضڼي وقولت لها
خلاص ياما هعملك اللي انتي عايزاه ابقي خلي فتحيه ترد عليهم اني موافقه
حسنية بفرحة
لولولولولوي ايوه كده فرحتي قلبي
كل حاجة وعفاف قالت
عفاف
مبروك ياعروسة ابني خلاص كلها شهرين وتيجي تنوري بيتنا
حنان بخبث
ااه اومال ايه وهتبقي مرات الغالى عاصم ده مفيش منه اوعي تفكري تزعلية
ناهد بكسوف
عفاف
ااه ماحنا عارفين ياناهد يلا بقا نمشي ياعاصم لحسن الروماتيزم شد عليا يابني ومش قادرة اقعد اكتر من كده
حسنية
سلامتك ياعفاف الف سلامه عليكي ياختي
عفاف
الله يسلمك ياحسنية بكرة مرات ابني تيجي البيت عندنا وتريحني وتعملي كل حاجة مش كده برضو ياناهد
ناهد
ايه اااه ااه طبعا ياخالتي عفاف ده انا عنيا ليكي
عفاف
ايوه كده وانا طول مانتي بتسمعي الكلام هنشيلك فوق راسنا من فوق
يلا احنا بقا
فوتناكم بعافية ياحسنية
ومشيو من عندنا بعد ماتفقنا على الفرح وكل حاجه وقولت لأمي
شوفتي ياما الولية دي عايزاني اشتغلها خدامة
حسنية
يابت هي قالت كده برضو هي بس تقصد انك هتيعشي معاهم في بيت واحد يبقا تخلي بالك منها هي وابنها
ناهد
ربنا يسترها انا مش مرتاحة
حسنية
لا ياحبيبتي خليكي متفائله كده وبلاش التشاؤم ده
وعدت الايام وجه يوم الفرح ودخلنا شقتنا انا وعاصم واللي هي فوق حماتي بالظبط وحماتي ندهت على عاصم وقالت له
الحما
تعالي ياعاصم عايزاك في كلمتين
ونزل عاصم مع أمه واقعد وسط اخته وامه قالت له
اسمع ياواد ياعاصم البت دي شكلها مش سهلة ااه انت لازم تدبح لها القطة من النهاردة انت فاهم ولا لا
عاصم
حاضر ياما ده انا هطلع عنيها
