شيماء مختلفه

لحقتش تتعلق بيه ...بس بالنسبه لها اعتبرته صديق المطعم بقى اثنين وسها حامل بولد . ونادين اتخطبت لزميلها فى الجامعه . وامين سعادته بالدفئ والاسره بيتضاعف وبيحب امينه وبناتها اكتر من الاول....ومبسوط جدا من وجوده وسطهم . وزي ما بيقول حياته اتملت تانى بعد الفراغ ......
اما عند قاسم فعمل العمليه وحاله ما تغيرش كثير غير انه بقى واعي لكن ولا بيتحرك ولا بينطق وبقى قاعد على كرسي متحرك اما عن سوزان فالدنيا كلها متكربسه فوق راسها حازم لسه ما اتحكمش عليه والمصېبه غالبا لابساه لابساه سوزي

طبعا قلبها ۏجعها على ابنها وخصوصا ان قاسم كمان مورطه والمحامي قال لسوزي الحل الوحيد عشان يخلص من قضيه شيرين انها تتنازل قبل ما يتحكم عليه وبعد كده نقدر نثبت ان قاسم السبب في توريطه بس ده هيحتاج مننا شويه وقت

سوزي قررت تروح لشيرين وتتكلم معاها وفعلا راحت لها المطعم في الفرع الجديد وهي داخله قبلت سها اللي كانت واقفه بتشرف على العاملات في المطعم لمحتها سها من بعيد وقفت واستقبلتها...
سوزي بأحراج مساء الخير يا دكتوره سها يا ترى فاكراني...
سها طبعا اهلا يا سوزي هانم نورتي المطعم ...
سوزى انا رحت لكم الفرع الاول قالوا لي ان شيرين هنا النهارده
سها اه حقيقي شيرين موجوده هنا
سوزى بصت لبطن سها وقالت بابتسامه مبروك البيبي ولو انها متأخره.
سها متشكره قوي اتفضلي اقعدي. شيرين دقائق وهتكون معاكي... تحبي حضرتك تشربي ايه..
سوزي لاء متشكره مش عايزه اتعبك معايا ...
سها لاء مافيش تعب ولا حاجه . حضرتك ضيفتنا . ولازم نضايفك .
سوزى طالما انتى مصممه يبقا ممكن اخد قهوه مزبوط ... 
سها حالا . هنده لشيرين تيجي لحضرتك . ومشيت سها بلغت شيرين اللى اتفاجئت بوجودها وخرجتلها فورا ..
شيرين اهلا وسهلا يا سوزى هانم . سوزى قامت وقفت لأستقبال شيرين اتفضلي ارتاحي .. جات البنت قدمت القهوه ومشيت
شيرين بجمود خير يا سوزي هانم يا ترى ايه سر تشريفك لينا النهارده
سوزى بأحراج وحزن شيرين من فضلك ممكن تنسي اي حاجه حصلت قبل كده مني ..انا
هنا بصفتي ام.. ام لأتنين رجاله ممكن جدا اكون اخطأت تربيتهم كل واحد فيهم غلط معاكي غلطه كبيره قوي بس قاسم وضعه انت تعرفيه كويس يغني عن
اي كلام قاسم اخذ جزاؤه من ايذائك لانه ابدا ما لوش عذر في اللي عمله معاكي لكن حازم يا شيرين... شيرين هنا بصتلها بتركيز . وتابعت سوزى . حازم كان بيحبك حازم بلغ عن اخوه عشان ينتقم منه بسبب اللي كان هيعملوا فيكى. ولادي خسروا بعض وانا دلوقتي بخسرهم الاتنين.. وبدئت تبكى بۏجع شيرين حازم لو اتحكم عليه هيقضي عمره كله في السچن وانا محتاجاه جانبي مش هقدر على مسؤوليه قاسم لوحدي....
شيرين بس على حد علمي ان حازم مش هيتحاكم بسبب قضيتي لوحدى هو كمان متورط مع اخوه
سوزى بنفي لا كدب ما حصلش حازم ما لوش دعوه بشغل قاسم اطلاقا قاسم كان بيأمن نفسه وكان بيتلاعب من وراه وهو اللي ورط حازم بس المحامي قال هناخد وقت على ما نثبت صحه كلامنا وده
هيخليه يقدر يأجل المحاكمه في القضايا بتاعه
قاسم لكن القضيه بتاعتك لو اتحكم فيها مش هنقدر نعمل حاجهوقالت بترجي شيرين في جلسه الاسبوع الجاي بترجاكى بكل معاني الانسانيه تراجعي نفسك افتكري لحازم اي حاجه كويسه تشفع له عندك ...شيرين من فضلك اعفي عن حازم .بما
.
انك تقدرى .... حازم بقا واحد تانى ياشيرين . مش فارق معاه اللى هو فيه .كل اللى فارق معاه انه ضيعك من ايديه . ويمكن ده يكون اكبر عقاپ هو بيتعاقبه ...عمره كله هيندم وعمره كله هيتعاقب ببعدك عنه ... ياااه فى كلام كتيييررر اوى يتقال .لكن عارفه انه خلاص مالوش لزوم ...اتمني تشفقي على قلبي . وترحميه .ارجوكى ياشيرين ابوووس ايديك متوجعيش قلبي على
حازم ... وقامت مشيت وهي بتبكى . وسابت شيرين لعڈابها . افتكرت ترجيها وتوسلها لقاسم وحازم اللى كانوا بيتفننوا فى تعذيبها وأرهابها .وبدئت تقول لنفسها قاسم واخد جزائه . طب وحازم ............ يتبع 
بقلم شيماء عبد الحكم عثمان .
شيرين افتكرت ترجيها وتوسلها لقاسم وحازم اللى كانوا بيتفننوا بتعذيبها .قاسم وخد جزائه .طب وحازم ........ 
حازم اللى كان في بينهم حاجات كتيير . وذكريات اكتر . اه حازم شخص سيئ . لكن مش بسوء قاسم ..ومتنكرش انها كانت مضايقه انها رفعت القضيه . وكان ضميرها بيأنبها . بس دلوقتي عندها فرصه تعفي وتسامحه وتتنازل قبل ما الوقت يفوت فضلت تفكر طول الليل وما نامتش ابدا وتاني يوم كانت اخذت قرارها راحت لسليمان عمران وقالتله ان هي هتتنازل حاول كثير معاها يقنعها ان هي كده بتجيب حقها من حازم لكن رفضت وبشده وقالت له كفايه كده مش هنسى ان كان في بيننا ذكريات وكنا