دمعه من سمراء بقلم ايات الرحمن

مترتبه جدا وملابسي مغسوله ومكويه وف يوم كنت راجع من الشغل وبكلم صديق ليا بيقول علي موعد زفافه وطلب مني لازم أحضر
انا وزوجتي عشان تتعرف علي زوجته ويكونوا اصدقاء كان قدامه اسبوعين وانا مستحيل اروح وهي معايا مش عارف اعمل اي ولا افكر هو شارط ان لو ما اخدتهاش معايا ما اروحش
فكرت ان في اليوم دا اقول ليه ان هي تعبت فجأه وان هحضر لوقت بسيط وارجع عشان اكون معاها مر اسبوع وانا كل يوم اضر...بها وبردوا ارجع والاقيها مخلصه كل حاجه في البيت

وكل مااقول ليها اعملي حاجة مااسمعش منها غير كلمة حاضر ونعم بس في بداية الاسبوع التاني كنت راجع من الشغل وقابلت مجموعه من اصدقائي وكل واحد معاه زوجته وطبعا السهره دي كنا مخطتين ليها اصلا
ولما سألوني عنها قولت هي تعبانه شويه زوجاتهم صمموا ان لازم السهره الجايه تكون موجودة معايا عشان يتعرفوا عليها 
الفرق بينها وبينهم كبير جدا هما يعتبر ملكات جمال واولاد ناس فعلا اما هي ولا حاجه جنبهم دي كانت جارتنا زمان ونقلوا من البلد ولما اهلها اتوفوا
اخدها عمها وزوجته كانت قا...سيه جدا عليها وهي كانت علي تواصل مع والدتي ولما قساوة زوجة عمها ذادت عليها والدتي قررت تخطبها ليا
افتكرت زمان لما كانت تيجي عندنا واقفل الباب في وشها ولما ارجع والاقيها في بيتنا اقول ليها كلام ېجرحها وتمشي بالاسبوع مااعرفش عنها حاجه
نفخت بضيق دا كان كله واحنا صغيرين طب ودلوقتي هتحملها ازاي وهي بقيت زوجتي
يومين مروا وسايبها في الشقه لوحدها وبعد اليومين رجعت بس مش لوحدي كان معايا زوجتي الثانيه اللي اول ما شافتها وقفت وما قدرتش تتحرك من مكانها
الفصل الثالث 
كنت عايز احطمها بأي طريقه عمري ما شوفت حد عاقل ومطيع للدرجه دي مالقيتش غير ان اتزوج غيرها اكيد بعد زواجي عليها مستحيل تفضل معايا
وبالفعل روحت واتزوجت صديقه معايا في المستشفى هي دكتوره وطبعا اقل حاجه تتقال علي كمية الجمال اللي فيها دي ان دي تكون ملكة جمال العالم
اخدتها بعد ما غبت عن نرمين يومين واول ما نرمين شافتها وقفت مكانها ما قدرتش تتحرك ومستنيه اعرفها مين دي
احب اعرفك دي نسمه زوجتي اتزوجتها عليكي وزي ما انتي عارفه بقي الجمال كل حاجه وانتي مش من مودي يعني وبصراحه اتكسف اخرجك معايا او اعرف حد عليكي من صحابي
اما نسمه فهي نسمه فعلا وحطيت ايدي علي كتفها وقولت اقدر اتشرف بيها قدام اي حد يلا يا بيبي واخدتها ومشينا من قدامها كانت واقفه مصدومه مش مستوعبه اللي حصل دا كله
كانت پتبكي وكاتمه صوت بكاؤها في الوقت دا انا قولت لنسمه ما تعملش اي حاجه في البيت هي بس تؤمر وتعتبر نرمين هنا خدامه وطبعا هي ما صدقت وبقيت تعامل نرمين بأسوء المعامله
ودي كانت حاجه بتفرحني لحد ما مر سنه وانا رافض اطلق نرمين حاسس بتشفي فيها عايز اجي عليها اكتر تعذ..يبها كان بالنسبه ليا المصدر الوحيد لسعادتي الغريبه ان برغم كل دا لما كانت تكلم اهلي تفهمهم ان هي اسعد
خلق الله معايا وفي يوم كنت بكلم اهلي ووالدتي قالت ان نفسها تفرح وتشوف اولادي وطبعا هما كانوا عارفين بزواجي من نسمه
لان قولت وقتها ان نرمين هي اللي قررت ان اتزوج من غيرها بعد الحاحات منها عليا اقتنعوا بعد ما سمعوا الكلام دا منها
المهم والدتي زرعت في رأسي فكرة ان اكون اب كلام والدتي وحكاياتها عن الاطفال شجعتني اوي فضلت طول اليوم افكر لما هكون اب هعمل اي هلعب معاهم ومش هخليهم يحتاجوا حاجه
وافكر رجعت البيت وانا فرحان جدا واول ما دخلت لقيت نرمين 
يووووه انتي عارفه ان اول ما بشوفك بحس ان عايز اتقئ ابعدي عن وشي ودفعتها بعيد
دخلت اوضتي كانت نسمه بتتكلم مع والدتها ولما دخلت قفلت ورحبت بيا كعادتها بطريقه ټخطف القلب
اتكلمت معاها شويه وبعدين فتحت معاها الموضوع لقيتها وقفت مره واحده وقالت انا مش مستعده دلوقتي الاطفال بتحتاج وقت ومجهود وانا لسه يا دوب بعمل لنفسي كيان
يعني اي
يعني يا رامز انا مش مستعده ولو مستعجل اوي عندك نرمين برا هاتجيب ليك اللي انت عايزه