بيت العوانس

بالأولاد دلوقتي وايه يضمن لينا انك مش تاخديهم يومين وترجعيهم تاني ما ينوبهم غير العڈاب والحزن
نظرت إليها سعاد متأملة بعيون غريبة غير مطمئنة وهتفت
لاء مش تقلقي الاولاد مستحيل يرجعوا تاني ....وهيعشوا معايا أحسن عيشة فلوس وجاه ومنصب وكل اللي بيحلموا بيه واكتر
نظر إليها ياسين بعدم فهم وتعجب وهتف تلقائيا 
يعني اية معني كلامك ...وضحي لو سمحتي
تحركت سعاد للداخل بغطرسة جعلت ياسين يتعجب لحال الدنيا فقد جاءتهم بحال والآن تغير الحال تماما...
تكلمت سعاد وهي تنظر لياسمين الجميلة التي تسلب لب أي شخص راشد بوجهها البريء وهتفت 
تزوجت بعد طلاقي من والدك وڠصب عني طبعا تركت أولادى ...لكن حاليا الظروف اتغيرت وزوجى موافق ان الاولاد يعيشوا معانا ومش بس كدا ...كمان هيكتبلهم كل ثروته لأنه عقيم يعني اولادى أولاده طبعا
نظرت إليها سمر بشك ومريم بذهول وغيظ من الاولاد وياسين بحزن شديد غير مدرك إلا فكرة أن يأخذ منه أحد أولاده...
تساءلت سمر بهدوء 
امممم .....طيب تمام يعني هو هيكتب للاولاد ثروته علشان عقيم ...بس دا ممكن يخلي قرايبه يؤذوا الاولاد بأي طريقة

وغير المحاكم والپهدلة
نظرت سعاد لها بنظرات عميقة ذات تأثير قوي على النفس وهتفت
لاء مش هيقدروا....لأنه بسيوني جوزي قرر يتبني الاولاد رسميا ويكتبهم بأسمه....ودا طبعا يخليهم يورثوا أمواله عن حق
نظرت إليها سمر بذهول وتساءلت بتعجب
التبني حرام شرعا ....واظن الإجراءات هنا مش هينة ولا سهلة وممكن تكون مستحيلة كمان ....كلامك صراحة مخيف ومش مريح ....في حاجة غلط في الموضوع
رفعت حاجبها الجميل وأبتسمت ساخرة 
كل حاجة وليها حل ....عادى السفر لدولة أجنبية والفلوس ممكن يعملوا اي شئ في الدنيا 
جلست فاتن أمام والدها تهز قدميها پعنف وتوتر وقلق لينظر نحوها حمدى مبتسما مستمتعا بحالها وهتف في خبث غريب جديد عليه
ايه يا فاتن يا حبيبتي اخترتي مين من الاتنين الحلوين هناء ولا شرين.....يوووه يا بنتي لخبطتيني اقصد سيد ولا عبد الهادى 
نظرت نحوه فاتن بغيظ حقيقي وهتفت حانقة
بابا حبيبي ....اعتقني لوجه الله....غلطانة وحرمت وتبت الي الله ....قلبك كبير يا ابو فاتن ....سماح ربنا يكرمك ويخلي لك أمل وتضحك كل يوم وتقول لاء لاء يا حمدى
نظر إليها حمدى متعجبا ثم لم يلبث أن 
تحسرت فاتن علي حالها وصمتت تفكر للحظات قليلة ثم هتفت بمكر 
خلاص يا بابا أنا موافقة انك انت اللي تختار ليا 
...انا وكلتك في الاختيار اصلا أنا محتارة والاتنين شبه بعض ....وصمتت للحظة ولمعت عيناها بذكاء وتوهجت بشرتها وهتفت بمرح ساخر
ولا اقولك يا حبيبي خلاص اخترت عبد الهادي هو هادى كدا وكيوت وأكيد لازم تقعد معاه تتفق عالفرح ....وهكون سعيدة اوى بنتيجة لقاء الجبابرة دا 
ووضعت يدها علي كتف ابيها هاتفة
كلنا لها يا حمدى يا ابني اتفضل بقي عالخناقة....اقصد عالجوازة والله يكون في عونك مقدما يا والدى
قهقه حمدى بصخب وسعادة وهتف بمكر
عالاقل أنا مقابله او اتنين وهتخلص وانتي يا مسكينة اللي هتعيشي معاه العمر كله ....ما علينا يا مكارة ....الموضوع هينتهي ....بس اوعديني تكوني اقوي من كدا يا فاتن وتاخدى بالك من نفسك....اللي يحبك يا بنتي الباب مفتوح ويهمني الستر وعمرى ما اهتميت بمال ولا نسب وانتي أدرى يا حبيبتي .....يستركم ربنا طول عمركم...ويفرحنى بيكم انتي ورضا يا بنتي
تأثرت فاتن وهتفت صاړخة وهي تحتضن والدها سعيدة بانتهاء هذه الازمة.....وتمتمت في ضعف 
ربنا يحفظك يا بابا ....عمري عمري ما اغلط الغلطة دى تاني ....كفاية اتعلمت الأدب علي أيد سيد وسيد المعلمين عبد الهادى المخيف......
الفصل السادس عشر
فتحت رجاء الباب ونظرات عينيها تمتلأ بالڠضب المنذر بالويل والثبور وعظائم الأمور. ..ابعد محمود نظراته مباشرة عن امه في محاولة منه للهرب من التقريع والتعنيف علي

فعلته ....في حين ألقت سحر بنفسها في حضڼ رجاء وهي تقبلها بكل حماس هاتفة
وحشتيني اوي اوي يا طنط ...حقيقي ابنك رهيب ...عملي مفاجأة بشهر عسل جنان ....لكن انا مرتضش أبعد عنكم اكتر من اسبوع يا حماتي الغالية
ازداد توهج عينا رجاء وهتفت وهي تضغط على أسنانها 
بقي كدا ...محمود اللي عمل المفاجأة واخدك تسافري لبنان لشهر العسل ....صحيح الكلام دا يا محمود 
كفاية يا ست سحر ....هتضحكي عليا بشوية الحنية دول....ابني عمره ما فكر ولا هيفكر يسافر من غير ما يقولي ...ازاي قدرتي تجنني الواد ويبعد عني ...ردى طب رد انت يا ابن بطني اللي اتعبت وربيت راجل وفي الآخر يمشي ورا كلام مراته من اول ليلة جواز
حاول محمود أن يحسن من موقفه فهتف 
يا ماما يا غالية محصلش حاجة لدا كله...هو اسبوع بس اتفسحنا وانبسطنا و......
صړخت رجاء مرة اخري ليخرس تماما ويرتعش خوفا وغيظا من حاله ويسمع والدته تهتف
اسمع كلامى لازم يتنفذ....مراتك تسيبها فوق تنام لوحدها لحد ما تتربي....طلاق مش هنطلقها لكن هتخليها زى البيت الوقف كدا وكمان هجوزك عليها علشان تعرف هي وأبوها أن الله حق 
اتسعت عينا محمود وسقط جالسا علي كرسي بجواره وهو يردد بذهول 
اتجوز تاني !!!! انتي بتقولي ايه يا ماما اسيب مراتي