جراح لا تنسى بقلم اماني السيد

لازم نيجى على الاقل أحمد لازم يتعرف على اخته 
زهران بجد يا منتهى هتيجى تتغدى معانا انهارده
منتهى طبعا انا يهمنى نلم شملنا بس هنفضل على اتفقنا 
زهران تمام يا حبيبتي عن ازنكم 
قام زهران واتصل بهاله 
عرفات لأ طبعا بس انتى عارفه اهلى بقالى اد ايه عايز اوصلهم 
هاله اهم حاجه انك مبسوط وانك اتاكدت انهم اهلك
عرفات اه اتاكدت بقولك يا هاله انا هجبهم واجى كمان ساعتين تلاته كده عايزك تجهزى غدا يليق بيهم سمعانى ويكون من الأنواع الشعبية لان ماما وبابا بيحبوها بلاش السوتيهات دى 
هاله لا طبعا يا حبيبي انا هعملهم الحلو كله كفايه انهم اهلك 
عرفات فى موضوع تانى كده انا طلعت متجوز وعندى ابن كمان اسمه احمد 
هاله پصدمه انه طلع عنده ابن 
تمام تمام لما تيجي نتكلم واكيد انت مش هتظلمنى صح
عرفات لأ طبعا هعدل بينكم يا هاله 
هقفل معاكى بقى عشان ااكد عليهم 
قفل عرفات معاها وراح مره تانيه لاهله 
زهران انا كلمت هاله وقلتلها تجهز الغدا انهارده
قامت منتهى لمت الفطار من على السفره
تمام يا زهران هغسل الاطباق واجهز واجهز احمد 
اخدت منتهى احمد ولبسته لبس جميل قميص ابيض وبنطلون جينز وكوتش ابيض ولبست هى شيميز ابيض وبنطلون جينز وكوتش ابيض زى ابنها بالظبط وعملت كيكب رقيق مع لفه طرحه بيضا وكانت زى القمر هى وابنها واهل زهران جهزوا كلهم واخدهم وركبوا العربيه منتهى ركبت قدام وامه وابوه وابنه ورا ووصل زهران الفيلا بتاعته 
ام زهران بسم الله ما شاء الله بيتك ده يا حبيبي
زهران اه يا ماما وهيعجبكم اوى من جوه 
دخلوا كلهم وهاله كانت واقفه فى استقبالهم وسلمت على اهله واول ماعنيها جت على منتهى وقفت مصدومه ولقت منتهى بتبصلها وبتبتسملها بمكر 
ياترى هاله هتقدر تسيطر على نفسها 
ومنتهى هتسكتلها ولا ناويه على ايه 
التفاعل يا جماعه راح فين
رواية جراح لاتنسى البارت الحادى عشر بقلم أماني سيد حصريه وجديده 
دخلت منتهى وهى ماسكه ايد عرفات وهو شايل ابنه وهاله واقفه بصلها بغل وبتحاول على أد ما تقدر تدارى 
اهلا اهلا نورتونا وسلمت عليهم كلهم وراحت عند عرفات ومنتهى 
هاله ايه ده يا مدام منتهى انتى طلعتى مرات عرفات
منتهى زهران اسمه زهران يا هاله 
هاله بس كل الاوراق بتقول إن إسمه عرفات وليه زوجه واحده بس رسمية
منتهى ضحكت بسخرية أنا عارفة يا هاله يا حبيبتي انتى بتحبيه اد ايه واتاكدت لما جيتى الشركة وقولتيلى ان لو حد ظهر بيقول انه من أهل عرفات ابلغك عشان خاېفه لحسن الڼصابين يلوفوا عليه ويزوروا ورق
هاله وانتى ليه خبيتى عليا عارفه لو قولتيلى كنت هساعدك 
عرفات وانتى ليه يا هاله تقولى كلام زى ده لمنتهى شايفانى اهبل ولا فاقد أهلية
هاله بصت لمنتهى بغيظ 
لا يا حبيبي مقصدش انا بس
عرفات نتكلم بعدين آمال حبيبه فين
هاله حاضر ثانيه واحده وبعتت الداده تندهلها 
عرفات مقولتليش ليه الكلام اللي هاله قالتهولك ده قبل كده
منتهى بتمثيل المسكنه خفت تكون بتفكر زيها وتقول عنى نصابه 
عرفات عمرى طبعا ما أعمل كده تعالى يلا ندخل 
دخل زهران واهله غرفه الجلوس وقعد ابنه على رجله
ودخلت هاله ببنتها وراحت تديها لعرفات ظنا منها انه هينزل ابنه ويسيبه ويلعب مع بنته زى كل يوم وتقدر ټحرق ډم منتهى لكن اللي حصل العكس
زهران مسك ابنه على رجل وبنته على الرجل التانيه 
. تعالى يا حبيبه عارفه مين ده 
ده احمد زهران اخوكى الكبير تحبيه وتسمعى كلامه سامعه 
وانت يا احمد دى اختك الصغيره عايزك تحميها وتخاف عليها مش انت راجل زى بابا 
احمد اه طبعا انا راجل وكبير كمان وابدا مش هخلى حد يزعلها 
احمد ابو زهران شاطر يا بطل تعالى بقى وها حبيبه عشان اسلم عليها ومسكها جدها وسلم عليها وباسها من راسها 
والدتت زهران شدتها من ايد جوزها 
هات كده لما احضنها واسلم عليها وحشتنى اوى 
احمد براحه عليها يا تيتا هتفطس فى ايدك 
والدت زهران بعد الشړ عليها لا طبعا مش
هيحصلها حاجه وحضنتها
احمد هاتيهت يا تيتا العب معاها شويه 
الجده لا سبها معايا شويه
احمد الجد اخدها من ايدها واداها لاحمد 
خد يا حبيبي يلا العبوا مع بعض 
هاله ندت على الداده وطلبت منها تاخدهم غرفه حبيبه يلعبوا بالالعاب 
ام زهران بقولك ايه بقى انا عايزه اعرف كل حاجه بالتفصيل وعرفتيه ازاى وكل الحاجات اللى انا معرفهاش 
بدأ زهران يحكى تانى اللى حصل معاه بس بشكل مختلف 
وطبعا هاله كملت اللى بينساه عشان تيبن قدام اهل زهران اد ايه كانت واقفه جمبه فى محنته 
منى اسم والده زهران 
منى يا عينى يابنى عشت كل ده لواحدك
هاله لا يا طنط كنت انا معاه من ساعت زهران مادخل المستشفى وانا من ساعتها لحد دلوقتي معاه 
منى ربنا يباركلك يا
بنتى هى دى الست الاصيله الجدعه 
احمد ربنا كرمك يابنى بالشتات الجدعه وفى غيابك منتهى كانت دايما تسأل علينا ولو حد فينا كان تعبان كانت تاخده للدكتور ولو امك تعبت تيجى تنضفلنا الشقه وتعملنا الاكل وبص لمراته صح كلامى ولا لأ ياام زهران
منى اه يا اخويا صح 
حلو اوى بيتك يا زهران 
زهران تعالى افرجكوا عليه على ما الغدا يتحط وبص لهاله . خليهم يحطوا الغدا لو سمحت يا هاله 
اخدهم زهران فرجهم كلهم على الفيلا والجنينه وعجبتهم اوى وكانوا مبهورين بيها 
منى الله حلوه اوى يابنى واحلى حاجه الجنينه دى الواحد يقعد يفطر فيها الصبح كده 
هى مراتك بتعرف تطبخ 
زهران لأ عندها مساعدين بيساعدوها 
منى اه طبعا وهى هتقدر على شغل البيت ده كله ازاى 
زهران انا نفسي تقعدوا معايا بصراحه
منى يا حبيبى انا هقعد معاك مش هسيبك ابدا 
زهران تنورى طبعا
احمد بس انا هقعد فى بيتنا يا منى 
منى يا سيدى نغير جو من نفسنا داحنا كاننا فى مصيف 
بس مصيف طول العمر 
احمد عايزه تقعدى براحتك بس انا هرجع بيتى 
هاله نظهت عليها وقالتلهم الغدا اتحط على السفر وقاعدوا كلهم يتغدوا 
زهران هاله خليهم يجهزوا غرفه عشان ماما هتقعد فيها 
هاله طيب باباك ومنتهى 
زهران منتهى عايزه تقعد فى بيتها وبابا مش عايز يسيب بيته عشان كده جهزى غرفه لماما وانا هقسم الايام بينك انتى ومنتهى ايامك هقعد معاكى هنا وايام منتهى هقعد معاها فى شقتها 
هاله طيب وليه يا حبيبي الشحطته دى مانقعد كلنا هنا البيت يساع الف 
زهران دى رغبه منتهى ولازم احترمها 
هاله وهى رغبه منتها انها تحرم اهلك من العز ده 
منى بصت لمنتهى بقرف لانها حاسه انها مسيطرة على ابنها ومش عايزة راحته 
منتهى هاله يا حبيبتي البيت ده انا وزهران شفنا فيه اجمل ايام حياتنا ومفتكرش ابدا انه وجوده في بيته مش هيبقى مريح ليه وعمى صعب يسيب جيرانه وصحابه اللى بينزل يقعد معاهم على القهوه وبيسهر معاهم ويجيى يعيش هنا حتى لو هنا الجنه نفسها 
ولولا الحاډث كان زمانا فضلنا فى بيتنا ومبسوطين بيه برضه 
زهران حس بتوتر الجو بينهم وحب يقفل على الكلام 
. انا برضه حابب اقعد هناك جو الالفه اللى بين الناس حلو عاجبنى اوى ويمكن يساعدنى انى اقدر افتكر بسهوله 
هاله براحتك يا حبيبي انا يهمنى راحتك وانك ماتتشتتش بين هنا وهناك 
منتهى زهران همشى انا بقى عشان ماتاخرش 
زهران لا استنى واتاخرى براحتك انتى مع جوزك
منتهى هروح ازاى 
زهران انا هوصلكم طبعا 
طلعوا كلهم الجنينه وزهران قعد يلعب مع ولاده وهو مبسوط باللمه اللى حواليه وان عيلته كلها بقت معاه 
جرى الوقت بسرعه ووصل زهران والده ومنتهى وطلع قعد معاهم شويه 
فى الفيلا كانت هاله قاعده مع منى 
هاله كان فيها ايه يعنى لو منتهى جت تعيش هنا مش احسن من الشحطته دى اللى عرفات فيها
منى هو
كده طول عمره بيعملها حساب 
هاله فهمت ان حماتها مش بتحبها بسبب ان عرفات بيحبها وعرفت هتلعب عليها ازاى وتخليها تساعدها في انه يبعد خالص عن منتهى 
هاله واضح انا عايزه اقولك انه من ساعت ماجينا هنا ومنتهى اشتغلت فى الشركه وهو متغير جدا معايا مش عارفه ليه لو هو عايز يسبنى ويرجعلها معنديش مشكله اهم حاجه راحته طبعا 
منى كلام ايه ده لا طبعا بعد ماوقفتى جمبه وكان وشك وش السعد عليه تسيبيه بسهوله كده لأ طبعا
هاله والله يا طنط ربنا يعلم انا ازاى حبيتك واتمنى تبق. زى والدتى ونفسى تقعدى معايا على طول 
منى انا لبسى وحالى ومحتالى هناك انا قاعده هنا عشان اشبع من حبيبه حبيبه ستها العسلي ظى واتعرف عليكى 
هاله لأ احنا من بكره ننزل نشتريلك كل حاجه محتاجاها وتقعدى هنا وعمى طبعا مش هيقدر يقعد لواحده فهتلاقيه هو كمان جه وقعد معانا ها ايه رايك
منى اه تصدقي عندك حق هى دى الستات اللى بتحب اجوازتها وعايزه تلم شمل العيله 
اما زهران اخد اعدته فى بيت والده وروح تانى الفيلا عشان يجهز ليه لبس بيت وخروج عشان ينقلهم شقته عند منتهى 
دخل زهران غرفته وهاله دخلت وراه 
هاله بتعمل ايه
زهران بجهز شويه لبس انقلهم شقتى التانيه
هاله بقولك ايه 
زهران قولى
هاله كنت محتاجه فلوس عشان مامتك طلبت منى
نن ل بكره نجبلها لبس وحاجات بيت عشان قالت انها هتقعد معانا والفلوس اللى فى الفيزا معايا مش هتكفى 
زهران خلاص بكره هحولك ١٥٠ الف تحبلها كل اللى هى عايزاه اى حاجه تشاور عليها تجبيها فورا 
هاله طيب فى حاجة كده كنت محرجه اقولك عليها 
زهران قولى 
هاله ماما كلمتنى والمرتب اللى انت بتبعتهولها خلص ومحتاجة فلوس فلو ينفع تزودلها المرتب شويه وتديهولها بدرى الشهر ده واعتبرها فرحه رجوع اهلك ليك 
زهران ماشى يا هاله حاجه تانيه مع ان جوزها لسه مزوده الشهر اللى فات اكتر من كده هبقى بفرق بين الموظفين عندى وانا مش بحب كده 
هاله حاضر هبلغها 
تانى يوم الصبح صحيوا كلهم وفطروا مع بعض 
زهران بقولك يا هاله أنهارده هبات عند منتهى 
هاله وبعد الضهر كده هننزل انا ومامتك ونجيبلها شويه حاجات كده 
زهران طيب وحبيبه هتعملى معاها ايه 
هاله هاسبها مع الداده 
زهران لا جهزى لبس ليها هاخدها معايا عشان تكونوا على راحتكم 
فعلا هاله جهزت شنطه لبس لبنتها وخلت الداده تلبسها وتجهزها واخدها زهران وراح على بيت الحاره 
وخرجت هاله مع منى وقررت انها تقربها منها وتغريها باى شكل عشان تساعدها فى تنفي مخطتها
يتبع
رواية جراح لاتنسى البارت الثاني عشر بقلم أماني سيد حصريه وجديده 
وصل زهران ومعاه حبيبه لبيته القديم وطلع شقته ملقاش منتهى نزل عند شقه والده لقى منتهى بتفطر هى وابنه ووالده 
زهران_ السلام عليكم
الجميع وعليكم السلام
احمد _ ايه ده انت هاى بدرى اوى كده انا قلت هتيجى على اخر اليوم 
زهران_ لأ قلت اقضي اليوم معاكوا من اوله ونخرج كلنا نتغدى بره ونخرج الأولاد
احمد زهران_ راح جرى على باباه وحضنه بجد يا بابا هتخرجنا انهارده
زهران_ اه يا حبيبي كمل فطارك يلا عشان نخرج 
منتهى _
طيب اقعد افطر معانا ولا فطرت 
زهران_ فطرت بس هفطر