احببت صعيدى

يارقيه الحب اجمل من اننا نقلد غيرنا تقليد اعمي الحب مش بالشكل ولا المظاهر دي انا الي عمله يونس مأثرش فيا الي اثر فيا معاملته ودفاعه وخوفه عليا وعلي بناتي وعليكم 
خديجة عندك حق ربنا يسعدكم يارب
الحاجه سعاد تتحدث مع فاطمة هاتفيا.... 
الحاجه سعاد مش قولتلكم رقية دي بومة
فاطمه ياما وهي مالها
الحاجه سعاد اصلها اقدام وقدمها نحس الحمد لله جوازتها اتاجلت رباني...
فاطمة وليه تتأجل ماكلنا عافين ان علي كان مطلع عين زينب وكانت هتطلق منه...
الحاجة سعاد عوايدناكده وابوكي اكيد مهيرضاش
فاطمة مش وقته الكلام ده المهم زينب عامله ايه
الحاجه سعاد بالعافية فطرت معانا
فاطمة والعيال
الحاجه سعاد هيعملوا ايه اهم متيتمين عايش ومېت
فاطمة ربنا يصبرهم انا هغيب يومين واجيلها تاني
الحاجه سعاد تنوري يابتي يالا سلمي علي جوزك والعيال
فاطمة الله يسلمك
الحاجه سعاد مع السلامه
فاطمة الله يسلمك مع السلامه
احمد ايه الاخبار يافاطمه
فاطمة الحمد لله كويسين ربنا يصبرهم
احمدانا سمعت في العزا يعني الناس بتقول انه يعني حصل كلام كده
فاطمة ال كان والي اتقال خلاص خلص يااحمد دا مېت متجوزش عليه غير الرحمة
وصلت لرقية رسالة جعلتها مبتسمة وبالطبع كانت من يونس يود رؤيتها لامر ضروري
يونس بالحديقة بعد انا نام الجميع

انا عارف انك خاېفه حد يشوفنا ويقول مالهم دول
رقية طب قول بقا عايز ايه احسن شكلنا مش حلو والوقت متأخر
يونس بس ايه الجمال ده انتي علطول كده
رقية بخجل علطول ايه تقصد ايه!
يونس بأي لون وبأي وضع بتكوني جميله حتي فحزنك وتعبك بتكوني جميلة انتي بجدجميلة ياروكتي
رقية روكتك
يونس ايوة ولا في اعتراض..
رقية سكوووووت
يونس انا مش هغصبك زي ما اتفقنا بس عايزك تعرفي اني بحبك وانك وحشتيني وعايز اقولك انك يوم ما ربنا يريد ويكون كتب كتابنا هحضرلك مفأجاة انا واثق انها هتعجبك 
رقية بكسوف مفأجاة ايه قول لسه هستني
يونس وتبقي مفأجاة ازاي
رقية خاڤت ان يستيقظ احدا طب انا همشي بقا
يونس استني واخرج من جيبه عبوة بها سلسله من الفضه بها قلب
رقية ايه ده
يونس ده قلبي ادتهولك وامنتك عليه خليه معاكي مش عايزك تلبسيها غير لما بجد تكوني حساني وانامش مستعجل
رقية ردت باابتسامه وشكرته شكرا يايونس 
بجد شكرا
منعم يجلس وحيدا حزينا في الظلام بعدما رفضت خديجة ان تعود معه اليوم ايضا ولكنه لن ييأس وغدا سينجح بااقناعها بشكل لن تتوقعه ابداااااا...
شيماء مع زوجها يتسامران عارف يامنير لما رحنا نعزوا انا وامك خديجه كلمتنا من تحت الضرس بس الي لفت نظري ان هي لحد دلوقتي مرجعتش البيت ياتري ليه ها
منير وانا ايش عرفني يافالحه يمكن مش عايزة تسيب اختها
شيماء لا لا ده حتي منعم نده عليها عشان يقولها تروح معانا قالتله لا ومشت نده عليها مردتش
منير ما كفاياكي تفكير في الناس بقا وتيجي جمبي
شيماء ياشيخ روح انا بكره هخلي امك تعرف الي فيها
منير بقا كده ماشي وفي نفسه يقول يبقا ليا حق بقا في الي عملته علطول مش مهتمه غير بالناس عيشة تطهق
الفصل السابع عشر
الحياة تعطينا الكثير من المفأجات ولكن ما اجمل ان تفأجئنا الحياة بقلب محب يكن لنا الدنيا وما فيها.....
مضت الأيام سريعه رتيبة رغم كل الحزن ولكنها مضت نعم اربعون يوما مضوا منذ ۏفاة علي تغير بهم الحال كثيرا فزينب اصبحت متقبلة فكرة رحيله وكذلك اولادها الذين اعتادوا علي عدم وجوده من قبل ان يتوفي ويونس ورقية قد قررا ډفن سر علي بقيامه بخطفه ابنته معه فيكفي ما قد يلاقيه عند الله من حساب او عقاپ ولكن كان هناك من يفكر بزينب يري ان القدر قد اعطاه فرصة للحياة مرة اخري پوفاة زوجها نعم انه سعد والذي قرر البوح بما في قلبه لصديق دربه كان يخشي ردة فعله ولكنه قد اخذ قراره ولا رجعة فيه وقد قرر الحديث في اليوم الذي قرر فيه الحاج فاروق القيام بكتب كتاب يونس ورقية....
سعد مبروووك يايونس
يونس الله يبارك فيك ياصاحبي عقبالك
سعد ايوة عقبالي يارب
يونس ايه ده اول مرة يعني اقولك عقبالك والاقيك فرحان كده وبتدعي كمان في حد في بالك ولا ايه.
سعد بصراحه ايوة في بس...
يونس ايوة كده قول قول بس ايه بقا.
سعد بس اصل هي ارملة
يونس وماله لو زينة وكويسه وانت رايدها بالحلال فاايه الي يمنع
سعد بجد يايونس يعني تفتكر اهلها يرضوا بيا
يونس يرضوا بيك ايه ده دول يشيلوك فوق راسهم ياخي دا كفاية اخلاقك وسيرتك الطيبه انت واهلك
سعد وقد ارتاح قليلا وتجرأ لقول ما في
قلبه يعني توافق تجوزني اختك يايونس
يونس وقد شعر بالصدمه اختي انا انت تقصد زينب ياسعد
سعد ايوة يايونس بعد اذنك انا عارف ان الكلام سابق لأوانه بس انا عايز اعرف رأيك تقبل تجوزني اختك
يونس مش مهم انا المهم هي
سعد يعني انت موافق يايونس
يونس ايوة طبعا موافق ليه لا زينب لسه صغيرة واتظلمت كتير في حياتها وتعبت ولما بجيلها الخير الي متأكد انه هيعوضها هقول لا بس الموضوع ده بدري عليه ياسعد
سعد الله يكرم اصلك انت كده طمنتني انا عارف انه لسه بدري بس انا عايزك تفاتحها عايز اعرف رأيها 
يونس حاضر ان شاء الله هفاتحها وارد عليك قريب
سعد تعيش ليا ياعريس
يونس المهم المشوار الي طلبته منك تنفذه زي ما اتفقنا ومتتأخرش
سعد عيب عليك دا انا مصحصح عالآخر
يونس هههههههههه طيب ربنا يستر
في غرفة رقية والتي كانت في اشد حالات التوتر..... وبرفقتها خديجة
خديجه ايه القمر ده ياروكا
رقية اسكتي قمر ايه بس انا مړعوبه مش عارفه ازاي اليوم ده هيعدي
خديجه هيعدي يختي متقلقيش
رقية الا قوليلي انتي اختفيتي انتي وجوزك ورحتو فين ليكي ١٥ يوم مش بتيجي من ساعة ما جه واتكلم معاكي ورجعتي معاه ها
خديجة ابدا ياستي بعد ما ساب الشغل الي فيه مقصوفة الرقبه وغير ارقامه قالي نسافر سافرنا في الخباثه الغردقه بس يالهوي عالجمال لازم تروحي انتي ويونس
رقية الله يسهلك ياعم يعني خلاص اتراضيتو
خديجة انا عارفه انه بيحبني واعتبرتها غلطه غفرتهاله بس منستهاش لأننا سهل نغفر انما اننا ننسي فدا مستحيل المهم متجبيش سيرة سفرنا لحد انا قولتلهم اننا كنا مشغولين في ظروف سلفتي وتعب ام منعم وخلاص
رقية هو

صحيح جوز سلفتك اتجوز عليها
خديجه ايوة والله اتجوز واحده من بلد قريبه مننا اهلها علي قد حالهم فقبلوا يجوزهالوا من غير ما حد يدري مننا بس اتاريه عمل فرح وعاش حياته
رقية يالهوي وهي عرفت ازاي
خديجة احكيلك ياستي بصي هي قالت لحماتي اني بعمل اسحار وكده عشان منعم يبقي تحت طوعي وتاني يوم ما رجعنا كنت بعمل شاي ليا ولمنعم ولحماتي قلت خلاص هنسي كل حاجه وكل الزعل وابدا معاه هو وامه من جديد الا دي لقيتها جاتلي في المطبخ شافتني بعمل شاي وبحط عليه قرنفل ليا كنت حطاه فجيبي عشان حماتي مش بيبقي عندها وانا بحبه بقرنفل زي ما انتي عارفه طلعت قالت لحماتي اني كنت بحط حاجه من جيبي جه منعم يشرب قامت راميه الكوبيات في الارض وفضلت تصرخ وتقولي بتحطيله ايه سالتها تقصدي ايه ما انا مفهمتش راحت قالتلي شيماء شافتك بتحطي حاجه من جيبك قلتلها ده قرنفل ومنعم اتنرفز قالها قرنفل ياما مالك وقالتلي اني كدابه اقسم بالله ما حسيت بنفسي وانا پصرخ فيهم واقول كفايه بقا حسبي الله ونعم الوكيل فيكم جه منير علي صوتنا ولما حكناله ضړب مراته بالقلم وقالها بتتهمي الناس طب انا هقولك حاجه تشغلك عن الناس شوية انا اتجوزت عليكي بس ياستي سكتنا كلنامن الصدمه واهه من سعتها هي في شقتها وهو عند العروسه ربنا يستر ما بينهم والله اللهم لا شماته
رقية ياه بس صعبه قوووي عليها اكيد ان جوزها يطلع متجوز عليها مش حاجه سهله ولا بسيطه ابدا
خديجة بصي يارقية هي كانت بتعايرني من تحت لتحت بحوار العيال والخلفه وكانت نفسها جوزي يتجوز عليا فسبحان الله جوزها اتجوز عليها رغم انه مش ناقصه حاجه وعنده ولاد بس ملقيش معاها راحته كانت دايما مشغوله بالناس ومش بتسأل فيه.
رقية ياه فعلا الراجل من دوول لو مرتاح مع مراته مش بيهمه اي نقص منها وحتي لو ربنا مرزقهوش بولاد بيكون مرتاح معاها ومستكفي بيها وهي كمان مستكفيه بيه
خديجة يالا بقا عقبال ما اشوفك مبسوطه ومرتاحه مع يونس ياغاليه
رقية ربنا يخليكي ليا
طرقت فاطمه الباب بزغروطه خفيفه نظرا لظروف ۏفاة علي كان نفسي ازغرط اعلي من كده لولولولي
رقية احتضنتها تشكري يافاطمة عقبال ولادك يارب
جاءت زينب وزغرطت ايضا فنظروا لها متفأجئين
زينب مالكم في ايه فرح اخويا الي عمره ما زعلني ورقية الغاليه الي لسانها زي الشهد وعمرها ما ضايقتني يبقي لازم نفرح اندهي العيال ياخديجه وۏلعي الاغاني وتعالوا نهيص الحي ابقي من المېت
رقية انا مش عارفه اقولك ايه دا انا كنت مكسوفه ان بابا حدد كتب الكتاب وخۏفت انك تضايقي.
زينب اضايق ايه بس انا الفرحه مش سيعاني ولولا الملامه لازغرط في البلكونه انتي متعرفيش يونس غالي علييا ازاي وانتي كمان
جاءت الحاجه سعاد ولم يشأ الوقت ليلين قلبها علي رقية
الحاجه سعاد جرا ايه اغاني وزغاريط الناس تقول علينا ايه
رقية وقد شعرت بالخجل اسفه منقصدش
فاطمة في ايه ياما ما خلاص الي ماټ ماټ
زينب ايوة هو احنا هنعيشوا عمرنا حزنانين عليه كفايانا هم ونكد هينكدني في حياته ومۏته
الحاجه سعاد انا مش علي الي ماټ دا كفايانا الناس الي بتجيلنا وتقولنا هاتوا الي علي المرحوم مسابش حد مستلفش منه انا علي الناس والخدم يقولوا ايه علينا
سمعهم الحاج فاروق فجاء نحوهم مسرعا 
جرا ايه ياحاجه خلي البنته تفرح بكفيانا حزن واحنا في الدوار محدش له حاجه عندنا والي زي علي كفاياه اربعين يوم حزن يالا الله يرحمه بقا افرحي يارقية يابتي الف مبرووك ليكي وليونس
رقية مبتسمه الله يبارك فيك يابابا وربنا يباركلنا فيك ويطولنا في عمرك
خرج الحاج فاروق من غرفته وقابله آدم علي الدرج 
الحاج فاروق عقبالك ياولدي.
آدم تعيش ياابوي فحياتك ان شاء الله بس ادعيلي بالنجاح نفسي ادخل طب يابا وافرحك بيا
الحاج فاروق ربنا ينجحك ياولدي انت تستاهل كل خير ويونس كلمني علي الفسحه الي نفسك فيها تجيب نتيجتك وتسافر مبسوط ان شاء الله.
آدم صح ياابوي يعني موافق
الحاج فاروق انا معنديش اغلي منك انت واخواتك ياولدي ربنا يفرحني بيكم
في منزل خديجة وفي شقة ام منير بالتحديد 
منير ياما قولتلك اني تعبت من النكد والهم الي معيشاني فيه دي سبب كل المشاكل الي حصلت بينك وبين خديجه
ام منير قوم تتجوز عليها ياولدي طب انصحها زعقلها خاصمها
منير ياما ياما قلت وياما نصحتها ارجع من شغلي بقها ده زي الراديو فلانه