حبيبي المجهول

وعن متطلبات الراجل واعتقد ان ليلي من النوعيه دي اول ما هتكونوا لوحدكم هتلاقي قدامك انسانه مړعوبه منك وهتتصورك قدامها وحش هتغتصبها فاهم في رجاله فعلا بتكمل الصوره وبيعتبر ان له وظيفه لازم يقضيها ولازم يثبت رجولته وفي رجاله بتفهم وتتفهم خوف البنت وبتتعامل معاه بحكمه وبيكسبوا مراتاتهم العمر كله 
ادهم وانت بتصنفني من اي نوع 
حسين انت في المجمل من النوع العاقل واللي مش محتاج يثبت رجولته لحد ومابتهتمش بعادات وتقاليد وبتحب ليلي 
ادهم طيب ده شيئ كويس 
حسين بس من ناحيه تانيه انت متربي بره وليك علاقات كتيره قبل كده وبالتالي متوقع من مراتك انها المفروض تبقي اراجوز علشان تتغلب علي كل اللي انت عرفتهم قبل كده وده مش موجود في مراتك فخاېف انك تتصدم 

ادهم شوف يا عم حسين انا مقدر خۏفك وقلقك عليا وانت عارف كويس اني بعتبرك زي ابويا ومتشكر جدا لنصايحك دي بس ماتخافش عليا انا عارف ليلي كويس 
وعارف هيا متوقعه مني ايه وماتخافش انا مش متوقع منها اي حاجه 
ليلي يوم خطوبتنا باستني في خدي فانا عارف هيا مدي خبرتها ايه وما تقلقش عليا انا عارف انها كتاب ابيض ولسه هيتكتب عليه ونوعا ما الموضوع ده عاجبني ان انا اكتب اللي انا عايزه منها بالطريقه اللي انا عايزها 
وبعدين مع اختلاف الثقافات ديما الراجل بيحب اللي يتجوزها تكون ابيض وهو يعلمها فماتخافش عليا ممكن بقي ايدك توديني عندها
حسين دقيقتين وهنبقي هناك ومبروك لاحلي عريس في الدنيا 
ادهم اول ما شاف ليلي اتلجم ومعرفش ينطق او يتحرك او يتكلم لحد ما ابوه زقه وقاله يروحلها
ادهم انتي عامله كده ليه 
ليلي پخوف مش عجباك وحشه انا قلتلهم شكلي غريب محدش
قاطعها ادهم انت اجمل واحده شفتها في حياتي 
ليلي ابتسمت واتكسفت 
ادهم لفيت تقريبا العالم شرق وغرب بس عمري ما شفت اجمل منك 
ليلي بجد شايفني جميله 
ادهم انتي بجد بتسالي مش شايفاني متنح ازاي مش باين عليا 
ليلي ضحكت وبصت للارض وهو باسها في راسها ومد ايده ليها والمره دي شبكت ايديها في ايده 
ادهم هتسيبيها تاني 
ليلي عمري 
ابتسموا الاتنين

لبعض ويدوب بصوا لقدام وهيتحركوا علي خطڤ صوره ليهم بسرعه 
ادهم طيب قول انك هتصور 
على لا كنت عايز الابتسامه الصافيه مش مصطنعه 
قرب لابنه وبصله ودمعه في عينه 
ادهم اوعي تقلبها دراما 
علي ابنه جامد 
على مبروك يا اجمل حاجه حصلت في حياتي انت اللي صبرتني في الدنيا دي وعطيتني امل وسبب اعيش علشانه 
والنهارده اسعد يوم في عمري كله انك انت وحبيبتك اتجمعتوا اخيرا 
اوعي يا ادهم تفرط فيها او تسيبها تضيع منك فاهم يا حبيبي 
ادهم فاهم يا اجمل اب في الدنيا دي كلها 
وبعدين قرب لودنه وهمسله كان لازم حد فين يطول حبيبته ولا ايه
ضحكوا الاتنين 
علي طيب الحمدلله انه انت بص لليلي مبروك يا اجمل عروسه في الدنيا 
خلي بالك من ادهم وافضلي حبيه ديما 
ليلي الله يبارك فيكي يا عمي وادهم جوه قلبي
ريهام سلمت عليهم وباركتلهم 
طول الفرح بيرقصوا مع بعض
ادهم طلع علي الاستيج وبدا يحكي 
ادهم كله يسيب اللي في ايده ويركز معايا 
قالها زي احمد حلمي في اغنيته فكتير ضحكوا 
لا مش هقلد احمد حلمي 
المهم انا عايز اقول حاجه بسيطه لليلي 
ليلي انتي اجمل حاجه حصلت في حياتي 
اول يوم شفتك فيه عرفت انك هتغيري حياتي كلها وفعلا شقلبتي كياني كله 
واللي كان قريب مننا هيعرف انها بهدلتني كتير جدا وان حبها كان صعب قوي 
طبعا اكتر واحد شاهد هو عمي حسين 
انا مديونلك يا عمي حسين بالنهارده 
متشكر قوي علي وقفتك معايا وعلي وقفتك ضدي لما كنت بطلع عن الطريق الصح 
في ناس كتيره وقفوا جنبنا لحد ما وصلنا للنهارده وفي برضه وقفوا ضدنا وبرضه بشكرهم لان كل مشكله سببوهالنا كانوا بدون قصد بيقوا علاقتنا ببعض 
كل مشكله قابلتنا خرجنا منها انا وليلي اقوي من الاول وحبنا اقوي 
ليلي انا بحبك وعايزه علي طول جنبي وفي وما تبعديش عني ابدا 
ويالا كله يقوم ويهيص النهارده عايز الكل فرحان 
كله يهيص 
الكل فعلا هاج وهيص والموسيقى اشتغلت وادهم غني اغنيه جرالي ايه لعمرو دياب 
وكان بيتنطط طول الاغنيه
ليلي غنت لادهم اغنيه بطمنك لشرين
وهو غني اغنيه برتاح لرامي صبري 
ورقصوا هما الاتنين علي الاغنيه دي 
وهما بيرقصوا مع بعض ادهم حاول بس هيا بعدت 
ادهم ايه ده