دا المدير بتاعك يابنتي

بيتشاف الشخص اللي بيستسلم للحياة هيختفي ومش هيتشاف!
للأسف القوي هو اللي بيبان ويظهر اللي بيعرف يتحكم في مشاعره الحياة بتدينا كلنا ضغوطات بس الفكرة في اللي بيقدر يتحكم في الضغوطات ويتعامل معاها ويطلع منها أفضل نسخة أو عالأقل ياخد منها أكبر إستفادة وفيه اللي بيستسلم للحياة ويخليها تودي وتجيب فيه وهيفضل مش متشاف وحزين طول عمره!
قعدت مع نور وحسيت إن محتاجة أتكلم معاها.
_نور أنا عارفة إنك ضعيفة دلوقتي يمكن حاسة إنك هشة نفسيا وإن مستقبلك هيتحدد من درجات بس عاوزة أقولك حاجة إختيار ربنا لينا دايما هو الأفضل مش كلام تنمية ذاتية بقولهولك زى أى حد بيقوله لطلبة الثانوية العامة بس صدقيني الإنسان بعدين لما بيكتشف حكمة ربنا في إختياره لطريقه بيكون مش مستوعب قد إيه ربنا كرمه أنا لو رجع بيا الزمن هختار أدخل تاني نفس مجالي ربنا كان بيهيأني لكل حاجة بأحسن طريقة ممكن تكون ليا.

بس أنا نفسي أفرح أهلي بيا.
_وهو فرحة أهلك هتتمثل في طب وهندسة أهلك بيفرحوا بيكي لما تكوني نفسيتك كويسة وتكوني مبسوطة ومرتاحة تقدري تفرحيهم وإنتي مش دكتورة ناس كتيرة ناجحة من مجالات كتير ناس كتير الثانوية كانت بدايتهم بلاش تسمحي لأفكارك إنها تستحوذ عليكي كل واحد له طريق ومستقبل خاص بيه وبحياته ممكن تكوني أصلا مش هتنفعي تكوني دكتورة شخصيتك مش كده وممكن شخصيتك متنفعش تبقى مهندسة ممكن تكوني حاجات كتيرة ناجحة وأعتقد السوشيال دلوقتي بقت توفر فرص كتيرة مش محتاجة أقولك.
كان باين عليها إنها شايفاه مجرد كلام نظري علشان كده قررت أعيد الجمل تاني عليها
الفشل يؤلم وقد يقضي عليك لكنه يعلمك أعظم درسا لتحقق منه أعظم انتصارا ما دمت تؤمن أن حدوثه عرضي وليس دائما.
إذا أردت أن تستشعر أنك تقف بصف نفسك فأحب ذاتك وكن صديقها وعامل نفسك كقيمة عالية ولا تزج بنفسك إلا في التجارب السوية.
أما الإقتباس اللي باقي ده كان ليا أنا علشان مقللش من زعلهم وأكون واثقة إنهم لهم حق يحسوا مشاعر الحزن وكل حاجة بتحصل حواليهم.
_شكله كده البوابة الرابعة فتحت يا بت يا روان.
فضلنا نتمشى لحد الباب وفعلا لقيناه مفتوح بس المرة دي مكنش فيه حد علشان يدلنا إستغربنا بس خرجنا لقينا كل الجروبات مفتوحة على بعض!
ده إزاى ولسه معداش غير نص الرحلة!
لبسونا كلنا غمامة على عنينا وخدونا ومشيوا بينا لمكان تاني واللي فهمته إن مش نور اللي معايا دلوقتي أمال مين! كان ممنوع الكلام نهار أبوكو أبيض إنتو جايبني هنا ټموتوني ولا إيه!
عاوزين تحرموني من الكلام كمان يا صغيرة عالهم يا رورو..
_إنتو شخصين الكلام ممنوع في الرحلة دي تماما كل واحد هيدخل من باب وهتتقابلوا في آخر البوابة لو حبيتوا تتواصلوا مع بعض هترموا ورق لبعض من تحت الباب لكن الكلام ممنوع تماما.
كنت بسمع الكلام وأنا جوايا ريأكشن واحد يالهووووواى يخربيتكووو ياللي منكم لله إنتو ويوسف أخويا طب معايا بنت ولا واد عرفوني أى حاجة طيب!
قررت ارمي ورقة وأسأله يطلع بت ولا واد ولا تكونش نور وعاملة نفسها حد تالت..
_بنت ولا ولد
رميت الورقة والرد إتأخر يخربيت التقل أكيد ده ولد علشان الرخامة دي متطلعش غير من الرجالة وبعد نص ساعة جالي الرد.
هيفرق معاكي في إيه
_لو بنت هنقعد نرغي بدل الحبسة اللي أنا فيها دي.
إعتبريني بنت.
_يعني إيه إعتبريني بنت!
إسمك روان مش كده
_عرفتي إسمي إزاى وأنا مش عارفة إسمك ومينفعش نعرف بعض.
لما نخرج من هنا هعرفك.
_مبحبش الألغاز على فكرة.
قليلي يا روان جاية هنا ليه
معرفش ليه في اللحظة دي حسيت إن عاوزة أحكي قصة حياتي لقد أرهقني الكتمان يدوب بحكي قصة حياتي لكل اللي بقابلهم بس لقيتني بطلع ورقة كبيرة شوية المرة دي وبدأت أحكي الحكاية كلها.
_وبسكده.
ماشاء الله حكتيلي قصة حياة العيلة بالسرعة دي!
_أصل أنا كتومة أوي خلي بالك.
طيب رافضة عمر ليه ما يمكن يطلع بيحبك وشبهك!
_عمر شبهي لا ياستي مستحيل تحصل.
ليه مستحيل تحصل
_بصي لو حتى عمر ده أحسن حد في الكون أنا محدش يجبرني على حاجة.
يعني إنتي رافضة علشان الأسلوب مش علشان اخوكي زى ما كتبتي في الورق!
_عمر أخويا ما أنكرش ده بس ڠصب عني أوقات بحسه واد جنتل كده وكيوت بس أفتكر طريقة عمتو وإنها بتقررلي أقول لو آخر واحد مش هتجوزه.
وتظلمي عمر وتاخديه ب ذنب حد غيره ليه!
_بتدافعي عنه ليه هو كان إبن خالتك
شرسة أوي إنتي يا رورو خلي بالك.
_بقولك إيه ما بلاش سيرة عمر وعمتو العقربة دي خلينا نشوف سيرة تانية.
إحكيلي بقى عندك صحاب
_وليه بس السيرة اللي توجع القلب دي.
إيه جاب ۏجع القلب هنا الصحاب هما اللي بيهونوا الدنيا.
_بس أنا متوفقتش في إختيار أصحابي.
من الأول يا سلوى أرجوكي.
_لو مكنتيش تحلفي.
وطبعا علشان أنا أنثى إنطوائية ومش بحكي قصة حياتي لأى حد حكيت كل حاجة من أول ما كنت زيجوت تقريبا قضينا الليلة كلها نتكلم.
_بس أنا معرفتش حاجة عنك.
إرتاحتيلي في الكلام
_جداااااااا ياريتك تبقي صاحبتي إنتي ونور.
نور كده كده هتبقى صاحبتك بس أنا القرار ليكي.
_أكيد موافقة نبقى أصحاب.
مش هينفع نكون أصحاب!
_ليه
بصراحة يا روان أنا مش بنت!
وهنا كإن حد دلق جردل ماية متلجة على راسي يعني إييه! أنا حكيت قصة حياتي كل ده لشاب!
بطلت أرد على أى رسايل يبعتها قلبي وجعني أوي.
ضميت نفسي وقعدت أعيط ومشفتش أى رسايل تانية أنا حقيقي مخڼوقة أووي وإزاى يوسف أخويا صاحب الشهامة والرجولة ركب قرون وساب شاب كده يتعرف على أخته!
كان بقالي يومين منمتش غير النص ساعة اللي نمتها في البوابة التالتة نمت ومحستش بنفسي غير تاني يوم وهما بيفتحولي كان فيه نور شديد بس صحيت قلبي وجعني لما إفتكرت اللي حصل وحسيت بالذنب الشديد بس أنا مكنتش أعرف!
خرجت ومنطقتش ولا حرف!
شفت يوسف أخويا قدامي بس كنت زعلانة منه أوي.
_هي دي الرجولة اللي أهلنا ربوك عليها
إنتي مش فاهمة حاجة.
_ولا عاوزة أفهم.
بس ده كان عمر وأنا كنت جانبه!
_عذر أقبح من ذنب عمر ده مش راجل غريب عني يا بشهمندس ولا أنا بيتهيقلي
ومشيت وسيبته وقعدت في مكان لوحدي بعيد عن الكل معرفش ليه حسيت بنغزة في قلبي لما عرفت إنه عمر حسيت إن مصډومة خصوصا إن كنت حبيت الشخصية اللي كلمتني وكنت ناوية أعتبرها صاحبتي مع إن لا شفتها ولا سمعت صوتها بس قلبي إتشدلها..
_رواااان روااااااااااان يخربيتك نفسي إتقطع على ما وصلتلك.
كانت نور ووشها كان مبتهج
_أنا جبت ٨٩٪ يا رواااان.
في اللحظة دي أنا نسيت كل حاجة مزعلاني وفرحتلها قلبي كان مبسوط أوي حضنتها جامد كنت عارفة إنه إحتمال متلحقش الكلية اللي هي عاوزاها بس كفاية نظرة الرضا اللي شفتها في عيونها.
أنا فخورة بيكي يا نور أوي الاختيار اللي ربنا هيكتبهولك هيكون هو الخير ليكي والأنسب لحياتك خليكي واثقة من كده كويس أوي.
_عاوزة أقولك أنا فكرت في كلامك أنا مش هدخل حاجة ليها علاقة بالطب تماما إنتي كان عندك حق ده مش هدفي أنا وعلشان كده لقيت إن طول عمري بحب اللغات وقررت أدخل ألسن.
مكنتش مستوعبة إنها
جابت المجموع اللي يخليها دكتورة وفي نفس الوقت قررت تدخل الحاجة اللي حاسة إنها محتاجاها مش لمجرد المجموع!
حقيقي مبسوطة بيكي وبتفكيرك وفخورة بيكي حد السماء.
قضيت اليوم كله مع نور وجه معاد رجوعنا قلبي كان واجعني أوي من أخويا مكنتش موافقة أكلمه تماما.
_يوسف ملوش ذنب يا روان.
إنت تسكت خالص ماهو مين يشهد للعروسة.
_هو أنا وحش أوي كده يا نور
عمر إنت فاهم كل حاجة كويس بلاش نلف وندور على بعض.
_وعلشان اللي حكيتهولي إمبارح أنا مصر إنتي رفضاني لمجرد العند ده لما عرفتيني على إن أنا بنت حبتيني.
عمر أرجوك سيبني في حالي.
_حالك هو حالي.
يا إبن الحلال فكك مني هو الجواز بالعافية.
_خلاص يعني أكيد مش موافقة
أه خلاص.
_حيث كده بقى أروح أتجوز نور شكلها بنت شيك وهعجبها مش بقيتوا أصحاب خلاص
نور مين يا روح طنط
_نور صاحبتك.
إتلم وخلي ليلتك تعدي.
_لا إله إلا الله مش قلتي مش عاوزاني أروح أشوف رزقي بقى.
رزقك في عينك بتاع بنات عينك زايغة.
ماما ويوسف وعمر ضحكوا.
_مستحيل يا يوسف عمر ده أخويا يا يوسف.
إنت تسكت خالص حسابك معايا مخلصش.
_ها قلتي إيه هتتجوزيني بما يرضي الله ولا أروح لنور بما لا يرضي الله
يوسف.
_نعم.
وديني على عمتو محتاجاها في كلمة.
_برضه يا نور!
هو مش البنت المفروض تزور حماتها برضه ولا إيه!
_إيييه!
ولطف الكريم يغمرنا مهما تعددت الخطط.