تفتكري هتعجبه

.. هروح انام علشان لسه جايه من الشغل و تعبانه تصبحي علي خير 
قفلت معاها و انا حاسه كان قلبي اتكسر دموعي بتنزل اڼهيار بالنسبه لي انا غيرت كل تفاصيل حياتي علشانه من شكلي ل تصرفاتي ل اهتماماتي كنت بحاول اكون مثاليه علشانه و في الاخر يختار واحده غيري 
اخدت اجازه من الشغل اسبوع و قفلت تلفوني و انطفيت ماما مش مكنتش فاهمه مالي حكتلها قالتلي 
_ لازم تبقي واثقه ان ربنا كاتبلك الخير .. قدرك مكتوب سواء معاه او مع غيره .. ارضي بقضاء ربنا سواء انتي حباه او لا .. ثقي في الله يا غزل .. في مقوله للشيخ الشعراوي 
القلق لا يغير شئ و لكن الثقه بالله تغير كل شئ .. ربنا ينولك اللي في بالك يا حبيبتي 
حسيت كلامها ده اشاره ليا فوقني .. مش هكدب اقول اني تعافيت و بقيت كويسه لكن قولت مش هوقف حياتي 
رجعت شغل كنت بحاول اغلب الوقت اتجاهله تعاملي معاه في اضيق الحدود
في يوم رجعت من الشغل لقيت نهي قاعده مع ماما مستنياني دخلنا اوضتي 
انتي هتفضلي كده كتير 
_ كده اللي هو ازاي يعني 
كده اللي هو بقيتي ساكته علي طول انطفيتي 
_ عايزاني اعمل ايه يعني يا نهي
عايزاكي ترجعي زي الاول .. غزل انا بقيت احس انك فعلا كنتي مصحباني علشان اخويا 
_ اوعي تفكري كده يا نهي .. ربنا يعلم انا بحبك ازاي انتي أقرب حد ليا حتي من قبل ما اح.. أعرف نوح 
طيب تيجي احكيلك .. خطيبت نوح مش حاباها خالص .. مناخيرها في السما كده و مغروره بطريقه .. و كمان ماما مش حبا.....
_ نهي مش عايزه اعرف .. ممكن نتكلم في اي حاجه تانيه لو سمحتي 
طيب بقولك حاجه ممكن تساعدك و تطلعك من الاكتئاب ده
_ مش عايزه اروح لدكتور نفساني 
مكنتش هقول كده علي فكره .. في دروس في مسجد قريب من هنا حاجات مختلفه .. تجويد و سيره و عقيده حاجات كتير .. اهو تشغيلي نفسك في حاجه مع الشغل و كمان هتفيديك .. ها ايه رأيك 
_ ممكن 
عرفت منها المواعيد لقيتها مناسبه مع مواعيد شغلي ف روحت اول مره مكنش زحمه اوي كان في واحده بتتكلم و الباقي عاملين حواليها دايره لقيت مكان فاضي قعدت فيه ركزت في اللي كانت بتقوله كانت بتحكي موقف بين سيدنا محمد و السيده عائشه ام المؤمنين 
بعد مخلصت حسيت بطاقه اجابيه غريبه حواليا جيت امشي خبطت في واحده ڠصب عندي و كانت شكلها كبير في السن 
_ انا اسفه لحضرتك
ڠصب عني 
لا يا حبيبتي ولا يهمك .. انتي اسمك ايه انا اول مره اشوفك
_ انا غزل
اسمك حلو اوي 
_ ربنا يخليكي يا طنط 
لا الله يخليكي .. انا مبحبش طنط دي 
ضحكت و قولت 
_