اغلال الروح بقلم شيماء الجندي

و واصل يقول متجنبا النظر إليها 
و احنا راجعين عملنا حاډثة اتوفى فيها جدو و ماما ! و دي كانت ذكرى ليها معايا و خرجنا انا ويوسف بكسور خفيفة و بدأت معاملة روزاليا تبقا أسوأ ومعانا انا وأخويا تحديدا و لأن جدو اللي كان مسيطر جدا و متحكم في أسلوبها اتوفى و كمان والدتي اللي كانت بتبعدها عننا مبقتش موجودة رجعت تتعامل أسوأ من الأول و كنت بخاف منها أنا ويوسف جدا صغيرين بقا ! وقتها و زي أي طفل فقد أمه مهما بابا جاب لعب ليا كنت بحن لحاجتها كلها ونقلت كل لعبي أوضة مكتبتها اللي كنا بنقضي أغلب وقتنا فيها معاها وفي يوم اتخانقنا مع سيلا لأنها كسرت لعبة ليا منهم و دخلت والدتها وقتها و ضربتنا وقتها قولتلها اني بكرهها جدا جابت شاكوش كبير كدا من أوضة المخزن و نزلت على اللعب بمنتهي الشراسة ومن خۏفي روحت لأبعد ركن و بقيت بعيط و أصرخ لحد ما والدة سليم جات تجري عليا عقبال ما هديت في حضنها اتبقى المنظر اللي أنت شايفاه دا و يوسف كان ماسك من قصص الكرتون و بيتفرج على الصور قبل ما كل دا يحصل لمحت القصة و ركن القصص بدأت تقطع فيهم و تزعق و تتخانق معايا وأنا مش فاهم عايزة إيه و خوفنا نقول لعمي عاصم لأنه كان متعلق بسيلا جدا و كل دا اتنقل أوضة المخزن في القصر وهو متكسر ومعاه طفولتي و ذكريات أمي و كتبها اللي كانت بتوقعها في الأرض بهستريا ولما كبرت بقا كونت الأوضة دي وكرهي لروزاليا بقا بيكبر معايا و لما عرفت إنها في احتمال صغير تشارك في ورث معانا حلفت إنها مش هتطول أي حاجه مننا خصوصا إنها رمتنا كلنا

في عز الأزمة ومشيت !
رفع يده يمسح دموعه لكنها كانت قد جلست أمامه مباشرة على طرف المكتب و رفعت يديها تزيل القطرات عن وجنتيها و تقول بصوت متحشرج محاولة العبث معه وتجنب إحراجة 
عاجبك كدا أهو عيطتني تاني هو دا اللي مش هتضغط عليا !
ابتسم لها و استقام واقفا يسألها بحزن 
عرفتي ليه بقا أنا جبتك هنا ! لو كنت وحشة مكنش هيفرق معاك حرف واحد من اللي قولته !
رفعت حاجبها الأيسر بدهشة و قالت پألم 
مش يمكن بمثل عليك دلوقت !
هز رأسه بالسلب وهو يجذبها من يدها ويتجه معها إلى الأعلى مرة أخرى يقول 
على فكرة أنت فاشلة في التمثيل جدا وسهل يتضحك عليك مش يمكن أنا ألفت القصة دي دلوقت إيه اللي خلاك واثقة فيا 
عقدت حاجبيها و هي تراقبه وهو يغلق المكان كما كان و قالت بعبث 
كل اللفة دي عشان تثبت إني واثقة فيك و في كلامك أنا مش قلقانة منك ياآسر أصلا !
وجدته ينتظر حديثها لذلك تنهدت و أكملت بصدق 
أنا معنديش شجاعة زيك أحكي حكايتي كدا ! و معنديش استعداد تعطف عليا بنظراتك على الأقل دلوقت اوعدك لما نخلص كل حاجة بينا وقتها هحكيلك ومش هتشوفني تاني بعدها !
عقد حاجبيه و ردد بدهشة 
لما نخلص !
هزت رأسها بالإيجاب و قالت حين وجدت التوقيت يناسب حديثها 
أيوا مش دا اتفاق بينا ! هو أنا ممكن أسألك سؤال 
أجابها يهز رأسه بإنهاك 
أكيد !
ازدردت رمقها و سألته مباشرة 
هو عمك اتجوز أميرة إزاي 
عقد حاجبيه وقال بدهشة 
لأ أنا مكنتش موجود وقتها كنت مسافر و محدش فينا كان بيتدخل في حياة عمي عاصم خصوصا بعد موضوع سيلا !
عقدت حاجبيها هى الأخرى و سألته باستنكار 
أنت ليه مقولتلوش على موضوع ۏفاة بنته و هو من نفسه كان يلغي كل دا بدل اللفة دي كلها !
تنهد و أجاب برفض 
أنت شايفة عامل معاك إيه من ساعة ما جيتي دا تقريبا مش بيفارقك تخيلي كدا واحد هيتجنن على بنته وبيدور عليها كل السنين دي أقوله لا دي ماټت !!
بللت شفتيها و سألته بترقب طيب و نورهان 
عقد حاجبيه و أردف بدهشة مالها نورهان !
أجابته متسائلة بتوتر طفيف لم يدركه يعني علاقتكم بيها زي سيلا كدا وخصوصا إن مامتها مش ألطف حاجه يعني !
تنهد و هز كتفيه بلامبالاة واضحة و أجاب أكيد مش بناخد طفلة صغيرة بذنب أمها الفكرة كلها إن سيلا نفسها كانت شيطانة و ربايتها غلط و يمكن جدتي أخدت بالها من دا في نورهان و هي زي ما شوفتي مسالمة و بريئة !
رفعت خصلاتها خلف أذنها و قالت بهدوء 
طيب و لو مكنتش مسالمة وكانت زي سيلا ممكن تحاول تبعدها عن عيلتك 
رفع حاجبه بدهشة و أجاب باستنكار 
ابعدها عن عيلتي ! هو إيه حكاية نورهان معاك !
قررت إنهاء الحديث حين شعرت أنها سوف تثير الشكوك داخله و قالت ببسمة صغيرة مفيش حكاية أنا بس حابه أعرف هتعمل إيه لو أميرة زي روزاليا كدا 
ضيق عينيه و أجابها بجفاء و صراحة 
هنفيها من على وش الأرض لكن برضه نورهان شايلة اسم عيلة الجندي و مش ممكن نحاول نضرها !
اتسعت عينيها و سألته پخوف يعني هي لو مش من عيلة الجندي هتضرها
عقد حاجبيه ينظر إليها بدهشة و هي تحدق به منتظرة اجابه شافية ليسألها مباشرة فيه إيه ياسديم أنت تعرفي حاجة عن أميرة و نورهان !
هزت رأسها بالسلب ثم زفرت بإنهاك وقالت وهي تضع يدها فوق رأسها المټألم 
أنا مصدعة أوي ومحتاجة ارتاح شوية !
استدارت من أمامه و تحركت إلى الخارج لكنه أوقفها بسؤاله الذي خرج منه بتردد ملحوظ 
هتخرجي بليل مع سليم ويوسف !!
وقفت محلها و استدارت تهز كتفيها بعدم معرفة ثم أوضحت قائلة 
مش عارفة لسه أنا مش حابة الفكرة بس نور امبارح سمعت يوسف بيقولي تاني و أصرت تنزل النهاردة !
ابتسم لها و ابتهج داخله أن الرغبة آتية من الصغيرة و ليس هي ! و زادت بسمته حين قالت وهي تقف عند باب الغرفة 
على فكرة مامتك كانت جميلة أوي و اعتبرني مشوفتش حاجه النهاردة !
حل المساء على المنزل و وافقت سديم على الذهاب إلى العشاء بعد طلب الجدة و عاصم منها وقد أصرت نورهان على الذهاب معهم رغم رفض والدتها في البداية لكنها وافقت حين تحدثت الطفلة أمام الجميع عن رغبتها و ذهبت تجلس بجانب اختها و تخبئ وجهها بجسدها پخوف مما دفع سديم إلى احتضانها و عقد آسر حاجبيه يقول بجدية 
وفيها إيه يعني لما تيجي معانا !
جلس سليم بجانب سديم و مد يده إلى وجه الصغيرة يداعبها برفق و يقول بحنو غافلا عن نظرات آسر الذي حدق به و بحركة جسده كأنه يحتفظ بصورة تذكارية 
طيب و زعلانة ليه يانور لو عايزة تيجي هناخدك طبعا !
بدأت تبتسم و رفعت رأسها و لازالت تتشبث بخصر سديم و قالت متسائلة بجد ياديمي 
وكأنها لا تثق سوى بها هى عل يقين مدهش أنها لن تخذلها أبدا ! مما دفع سديم إلى الابتسام و رفعت يدها تضعها فوق وجنتها و تقول بهدوء 
بجد ياقلب ديمي !
بينما كانت داخل عالم آخر و هي تراقب معاملة العائلة تجاه الطفلة و دلالها المحبب على قلوب الجميع كيف يمكن أن يتحطم كل هذا في ليلة واحدة !! و بكلمة واحدة منها !!!
لم تتابع باقي الحديث بل ظلت تحتضن الصغيرة التي ابتهجت بموافقة والدتها و استقامت تجذب ذراعها وتقول بحماس 
يلاا ياديمي !
أفاقت من شرودها و استقامت واقفة تسير معها وقد عينيها تعلقت ب أميرة التي تراقب تشبث صغيرتها بتلك الفتاة المحتالة پخوف واضح و ملحوظ مما دفع يوسف إلى القول 
مټخافيش كدا ياأميرة احنا ولاد عمها مش هنخطفها يعني دا غير إن أختها سديم معانا !
كيف تخبره الآن أنها تخشى فقط من سديم تلك اللعېنة السارقة التي استحوذت على صغيرتها الوحيدة و أصبحت تشكل خطړ بالغ الشدة عليها بينما روزاليا _الكندية والدة سيلا _ شددت عليها ألا تحاول التحدث مع تلك الفتاة إلى أن تتصرف هي !!!
آثرت الصمت هذه المرة أيضا وهزت رأسها ببسمة صغيرة و بدأ الجميع يغادر المكان استعدادا لسهرة شبابية هادئة بعيدا عن أجواء المنزل التي كادت تدفعه إلى الرتابة والملل !
داخل المطعم الراقي ..
جلس الجميع و بدأت الصغيرة تتأمل الأجواء الهادئة حولها ببسمة مشرقة أدهشت يوسف الذي سألها 
أنت مبسوطة يانور 
هزت رأسها بالإيجاب وقالت ببهجة واضحة 
ايوا أنا بحب ابقا معاكم !
ضحك سليم الذي كان يجاور سديم و قال بلطف 
و إحنا بڼموت فيك ! قوليلي إيه
ال dress الفستان الجميل دا 
ابتسمت له الصغيرة بوداعة وخجل ثم قالت وهي تتأمل اختها بنظرات مليئة بالمحبة و ديمي جميلة !
رفعت سديم يدها تهندم خصلات الصغيرة ومالت تضع قبلة صغيرة فوق وجنتها مبتسمة لها بلطف بينما ارتكزت عيني آسر فوق ابن عمه الذي رد بعفوية 
انتوا الاتنين أجمل من بعض الحقيقة !
كلماته العفوية أغضبته للغاية و خاصة حين أكد شقيقه يوسف على حديثه وقال 
أنا مكنتش اتوقع تنسجموا مع بعض أوي كدا بس سديم حقيقي تتحب عن زمان خالص يعني !
رفعت حاجبها الأيسر و اجابته بدهشة ودا مدح ولا ذم دا بقاا !
ضحك يوسف و اعتدل بجلسته قائلا پخوف مصطنع 
مدح ياباشاا مدح جدا كمان !!!
لم يتسمع إلى رد سليم الضاحك حيث استقام واقفا و مد يده إليها حين بدأت الفرقة بالعزف و كأنه يخشى الرفض و يخشى أن يكرر ابن العم فعلته السابقة و يراقصها مرة أخرى أمام أنظار الجميع لذلك قال بهدوء وعينيه تجوب ملامحها الساكنة 
تسمحي 
نظر كلا من سليم و يوسف إلى بعضهما بدهشة بينما ابتسمت له بهدوء و وضعت يدها للمرة الثانية في هذا اليوم داخل و برغبتها !
اتجهت معه إلى ساحة الرقص و 
متوقعتش حركة زي دي منك الحقيقة !
ابتسم لها و رفع حاجبه الأيسر واستنكر يهمس لها 
ليه هو أنا مشلۏل ولا إيه ما أنا بعرف اتعامل بدراعي التاني عادي جدا وقريب أوي هرجع تمام زي الأول .
اجابته بهدوء و هي ترفع كتفيها بلامبالاة و تتجه بعينيها تجاه الطاولة التي يجلس فوقها رفاقهم 
خلاص وزعلت كدا ليه اقصد إني متوقعتش التصرف دا منك يعني من يوسف أو .. اممم أو من .. سليم مثلا !!
ليه بقاا أنا معملش كدا إيه الفكرة الغريبة اللي وخداها عني دي !
ابتسمت له ثم رفعت حاجبها تقول بدهشة فكرة ايه إنك معقد مبتحبش البنات ولا إن المعاملة دي ليا أنا بالذات عشان مش بتحب تشوفني لكن سليم ويوسف بيعاملوني عادي 
اغضبه حديثها للغاية خاصة حين قارنت بين معاملته ومعاملة سليم لها و بالرغم من التنازلات التي يقدمها لأجلها لازالت

ترى سليم أفضل منه !!!! تحدث بنبرة حادة قليلا و قال ساخرا 
خدي بالك إن سليم ويوسف بيتعاملوا مع بنت عمهم !
كلماته واضحة للغاية و كأنه يتعمد تذكيرها في كل لحظة أنها المحتالة و أن تلك المعاملة لأجل سيلا و ليست سديم حدق بعينيها بتوتر خاصة حين اختفى هذا البريق اللطيف و العابث من مقلتيها و عادت إلى نبرتها الراكدة معه تقول پألم داخلي 
عندك حق ! بس ياريت تاخد بالك إن أنت اللي بتتعامل معايا أنا مفرضتش نفسي عليك !
خرجت من أحضانه و قالت بهدوء أنا صدعت هروح اقعد بقا ! 
تنهد بحزن حين شعر أنه تسرع للغاية بحديثه لكنه ساخط على كل ما يدور حوله و لا يعلم هل ما يحدث هو الصواب أم أنه يضل الطريق و يتجه خلفها داخل دربها الملبد بالضباب الناعم !!!!
سار بجانبها لكنه توقف عاقدا حاجبيه حين أقبل عليهما هذا الشاب الوسيم و قال ببهجة واضحة 
عامله إيه ياسديم !!!!
كان الجميع أمام الطاولة ووقف كلا من سليم و يوسف ينتظران مبادلة سديم إياه و ازداد غضبه حين نادته بلطف تقول كريم !!!
أين سمع هذا الاسم !!! خرجت من أحضانه
أخيرا و بدأت تقدمه إلى الشباب ثم قالت وهي تشير إليه ودا آسر اللي أنت انقذته !!!
تذكره الآن هذا هو كريم الطبيب الذي تحدثت إليه ليلة مرضه و من الواضح أن علاقتهما ليست علاقة صداقة كما أخبرته 
حيث كانت تتابع الحديث مع سليم و يوسف و أيضا الصغيرة نورهان التي اهتمت بتواجدها بشكل خاص و كأنها تخشى أن تمل الجلسة أو تبقى وحيدة و لن ينكر أنه لاحظ تصرفها التلقائي مع الطفلة و أعجبه للغاية اهتمامها الخاص بالصغيرة والذي دفع نورهان إلى التعلق بها هو يعلم جيدا أن الطفل يميل إلى الأمان والرفق و هذا ما جعله يؤمن أنها ليست سيئة كما تظهر له !!!!!!
كانت الجلسة هادئة و لطيفة ابتعدت سديم عن الجميع و اتجهت إلى المرحاض تتحدث إلى شقيقتها نيرة تطمئن على أخبارها و تتأكد أنها بخير و أنها بجانبها إن أرادت في أي وقت سوف تهرول إليها و حين عادت إليهم كان كريم يقول بتوتر طفيف 
آه أنا اعرف سديم من سنين فعلا !
جلست تحاول استنباط الحديث و خاصة حين قال آسر بسخرية واضحة 
مش فاهم برضه تعرفها منين !
نظر كريم إليها خاصة أنه لا يميل إلى الكذب و المراوغة ومن الواضح أن هذا الآسر يتحدث هكذا عمدا ضيقت سديم عينيها بدهشة من أسئلته الغير مرغوب بها و كأنه يحاول الإيقاع ب كريم ماذا يفعل !!! ولكن أنقذ سليم الموقف وقال 
طيب أنا مش عارف بقا هديتي هتعجبك ولا لأ بس أنا مقدرتش اسمع كلامك ومجبهاش !
عقدت حاجبيها و اعتدلت تنظر إليه برفض واضح بينما أكمل حديثه موجها السؤال إلى الصغيرة 
شوفي يانور احكمي أنت و كلنا هنوافق على حكمك أنا ويوسف جايبين هدايا لسديم نطلعها ولا لأ!
هزت الطفلة رأسها بالإيجاب و ابتسمت تعض على شفتيها بخجل طفيف وتنظر إلى سديم بوداعة جعلتها تهز رأسها بيأس و تبتسم لها ثم وقف سليم و أخرج العقد من صندوقه يقول بلطف مشيرا إلى عنقها 
تسمحيلي 
تنهدت و قالت بهدوء 
اتفضل!
جمعت خصلاتها ورفعتها إلى الأعلى كاشفة عن نحرها الناعم البض و استقر سليم خلفها مباشرة يضعه لها و قد غفل عن نظرات آسر التي كادت تحرقهما من فرط غضبه و كأنها وافقت على هذا العقد تأديبا له على حديثه الأهوج معها حيث رفعت عينيها أخيرا و نظرت إليه بشموخ و لم تكن الوحيدة التي لاحظت نظراته بل كريم أيضا لاحظه و آثر الصمت ثم انتظر تقديم هدية يوسف و التي أدهشت الجميع و اضحكتهم آن واحد حيث أحضر خلخالين لها وللصغيرة التي ابتهجت به بشدة و أصرت أن تضعه لها سديم التي لبت رغبتها بينما وقف كريم و قال بهدوء 
طيب ياجماعة مبسوط إني اتعرفت عليكم و حمدلله على سلامتك يا آسر !
انسحب من المجلس ولم ينتظر الرد ولكن استقامت سديم مسرعة و أسرعت خلفه تقول بحزن بعدما أمسكت ذراعه و أوقفته 
كريم أنا حقيقي آسفة مكنتش أعرف أن آسر
ممكن يعمل كدا بس يوسف أصر يشكر الدكتور اللي أنقذ أخوه !!
عقد حاجبيه و قال بخفوت و هو ينظر تجاه الطاولة ثم إليها 
سديم أنت متأكدة أن دا شغل !!! مش حاسة إنك مندمجة مع العيلة دي و انساحبك هيدمرهم !! الناس بتهاديك بألماظ ياسديم تخيلي لو عرفوا حقيقتك بالمستوى دا و بدمارهم وقتها ممكن يعملوا فيك إيه أنا أكتر واحد عارفك و عارف وصلتي للحالة دي إزاي بس أنت بالمنظر دا بتدمري نفسك !
تنهدت وقالت محاولة الدفاع عن حالها 
ويعملوا فيا ليه ابنهم هو اللي جابني دا غير إني والله مااقصد كل دا كل الحوادث دي حصلت صدفة و أنا معرفتش اسيبهم وامشي كنت عايزني اعمل إيه بس ياكريم اسيبهم بيموتوا وامشي ! دا غير إني كنت همشي واسيب كل دا بس البنت الصغيرة دي ذنبها إيه تبقا سديم جديدة 
أنهت حديثها بأعين لامعة بالدموع مټألمة و رفع كريم يديه يربت فوق ذراعيها و يقول بهدوء 
أنا عارف ياسديم وحضرت القصة من أولها كمان مش محتاج توصفيلي بتعملي كدا ليه بس خليني أبشرك ان الكابتن اللي جاي علينا دلوقت ونظراته هتحرقني مش واخد الموضوع زيك كدا و شايفك بشكل تاني !
أنهى حديثه بهدوء و نبرة محذرة 
خدي بالك من نفسك ياسديم نيرة و مامتك محتاجينك زي البنت الصغيرة دي بالظبط ! هكلمك بعدين سلام !
انصرف بخطوات سريعة بينما وقف هو أمامها يقول بنبرة آمرة يلا عشان نمشي !
عقدت حاجبيها حين تركها و غادر ثم نظرت إلى الجهة الأخرى ووجدت الصغيرة تركض إليها و بيدها حقيبتها تعطيها إياها و تمسك يدها و وجدت يوسف يقبل عليها قائلا بتهكم 
واضح أن آسر و كريم حبوا بعض أوي !
تنهدت تردف بحزن و جدية 
أنا حقيقي ندمت إني جبت كريم مكنش فيه داعي يايوسف !
أجابها بهدوء و قد ظن أن كريم أيضا تضرر من معاملة أخيه الفظة بجد ياسديم معرفش آسر عمل كدا ليه ومتوقعتش كدا أبدا أول مرة يبقا قليل ذوق كدا !
لكزه سليم بخفة وقال بحرج 
طيب نكلمه ياسديم نعتذرله 
هزت رأسها بالسلب وأجابت بيأس لأ لأ مفيش داعي هو مش متضايق من آسر ! يلا نروح بقا نور بدأت تنام !
نظر يوسف إلى الطفلة التي تثائبت و أعلنت عن بداية خمولها و أمسكت يد سديم تسند إليها وجنتها و تبتسم لها بلطف ابتسم لها و قال بمداعبة 
نوري عايزة تناام خلاص !!! يلا بينا نروح حالا أهو !
و بالفعل عاد الجميع إلى المنزل سالمين و حين وصل الشباب إلى المنزل حمل سليم الصغيرة النائمة إلى الأعلى بينما طلب عاصم التحدث إليهم حيث كان ينتظر عودتهم داخل الحديقة و هدر بصوت واضح فور رؤيتهم 
سديم !! استني عاوزك أنت و آسر !

الفصل الثاني عشر رفيق 
جلست سديم بجانب عاصم داخل غؤفة المكتب الخاصةبمنزل آسر الذي جلس فوق المقعد المجاور إلى أريكة جلوسهم وعينيه ترتكز فوقها هي تحديدا حيث كان يتضح على ملامحها الحيرة والتوتر وأردفت بدهشة بعد أن استمعت إلى مطلب عاصم و هي تنظر إليه بعد أن ألقت نظرة خاطفة على هذا المراقب الصامت _
طيب و ليه عايزني أمسك مكانك أنا شايفة إني لسه تحت التدريب ومقدرش أخد دورك في الإدارة 
تنهد عاصم مبتسما يربت فوق ظهرها و يردف بلطف _
حبييتي أنا هبقا معاك لحد ما تتعلمي كل حاجة يعني مش همشي على طول 
نظرت إلى آسر الذي نقل جلسته من المقعد إلى طرف مكتبه يعبث بهاتفه بهدوء و يراقب حديثهم دون تدخل منه إلى أن قال عاصم بجدية _
إيه رأيك يا آسر مش أنت اللي بتدربها 
عقدت حاجبيها حين تشدق بلامبالاة ينظر إلى ملامحها المنتظرة إنقاذه خاصة أن حديثه موثوق لدى عمه _
والله أنا رأيي مش مهم أبدا هي أدري بنفسها وبقدرتها 
أدركت أنه لن يعصمها من هذا المأزق زفرت أنفاسها بهدوء ثم وقفت تقول لإنهاء الحديث _ لأ أنا مش حابة القصة دي ولا هقدر عليها حاليا و ياريت بلاش تحول أي حاجه ليا بشكل رسمي أنا حقيقي مش هاخد مسؤلية زي دي دلوقت 
وقف عاصم بدوره وهو يتنهد قائلا بحزن _
تمام يابنتي زي ما تحبي 
شعرت بالشفقة تجاهه خاصة حين تذكرت أمر الطفلة الصغيرة و نظرا إلى وصف آسر كانت زيجته الأولى سيئة أيضا هو وحيد للغاية و هي لا تريد أن يتسلل له هذا الشعور لذلك ربتت فوق كتفه و قالت وهي تتجه إلى الخارج معه _
طيب أنا في كل الأحوال بتدرب وأول ماابقى مستعدة هكون معاك متقلقش 
ابتسم لها واحتضنها بمحبة خالصة يربت فوق ظهرها قائلا _
أنا مش قلقان غير عليك حاسس إنك مرهقة من الصبح أو تعبانة لو في حاجه ياحبيبتي قوليلي وأنا هتصرف ولو آسر ضاغط عليك في التدريب قوليلي ماتتكسفيش 
وكأن أحدهم ېطعنها الآن بخنجر مسمۏم هذا الرجل يكاد يغرقها بالمحبة و الرفق و يتفانى بتذكيرها بابيها الراحل وهي هنا لأجل خداعه كيف يقابل شعور أنه أفنى سنين عمره في سراب و أن فتاياته المدللات ما هن إلا خدعة من نسج زوجته و ابن أخيه 
أفاقت من شرودها وابتسمت له تردف _ أنا تمام منمتش حلو و نورهان أصرت على النزول فمحبتش ازعلها بس كدا 
كور وجهها و ابتسم يقول بمحبة و بهجة _
نور اتعلقت بيك جدا طالعة في بيت كله رجالة بقا و فرحت أوي بيك بس بعد كدا لو مرهقة متجيش على نفسك قوليلي وأنا هتصرف تمام 
هزت رأسها بالإيجاب واحتضنته مرة أخرى ثم بدأ يسير معها باتجاه المنزل الكبير لكن أوقفهم صوته المعتدل يقول _
سديم في شوية ورق محتاجين يتظبطوا عشان بكرة لو تقدري نرتبهم و ترتاحي بكرة ياريت 
كادت ترفض لأنها على يقين أن الأمر لا يتعلق بالعمل لكن قال عاصم مؤيدا له _
أيوا ياحبيبتي روحي وخدي بكرة أجازة و نقضي اليوم سوا مع بعض .
زفرت أنفاسها بإجهاد و نظرت إليه وهو يقبل جبهتها ثم يرحل تاركا إياها معه بينما لم ينتظر الآخر ثانية واحدة بل جذبها من معصم يدها إلى الداخل و أغلق باب منزله بهدوء تام 
عقدت ذراعيها أسفل صدرها و وقفت تنظر إليه پغضب واضح ولكنه تجاهل نظراتها و خطى تجاهها يجذبها من ذراعها ويقول بشراسة _
مين دااا أنت كل شوية تطلعيلي بمصېبة جديدة يعني إيه تجيبي الزفت دا منغير ماتقوليلي 
اتسعت عينيها من طريقة حديثه عن رفيق عمرها و حاولت الفكاك من يده و هي تردف بنبرة متحدية وقد اشتعلت نظراتها أثناء تحديقها بعينيه _
لولا الزفت ده كنت هتروح فيها اسمه كريم و لما تتكلم عنه ياتتكلم بأدب ياتسكت أحسن دا بدل ماتعتذر على معاملتك ليه 
عقد حاجبيه واستشاط ڠضبا من طريقتها المتحدية و دفاعها المثير لحنقه عن رجل يرافقها و هو مطالب الآن باحترام رغبتها بصحبة رجل آخر صاح پغضب و قد تركها و طرق فوق الحائط بجانبها بقوة اخافتها من تهوره معها _
هو مين دا اللي يعتذر أناااا أنا اللي قعدت اضحك طول الليل مع واحد لازق فيا و سيبت الناس اللي طالع معاهممم جيبالي صاااحبك ياسديم أنت اټجننتي ولا يمكن أنا اللي غريب و قبلت هدية زي دي من واحد معرفوش 
أشار إلى العقد الذي يزين نحرها بينما عقدت هي حاجبيها تقول بدهشة واستنكار وقد ظهر الامتعاض على ملامحها بوضوح تام _
وأنت مالك أنت اتكلم مع مين و اقبل هدية مين 
ثم واصلت بملل حين وجدت حالها تتصرف بغرابة و تتجاذب أطراف الحديث معه بل و تفكر الآن بتقلباته المزاجية معها ارعبها هذا الوضع و قررت تجنبه و الفرار منه براثنه قائلة بحدة _
أنا واقفة اتناقش معاك ليه أصلا أنت مش هتغير فكرة إني ڼصابة مأجرها بالفلوس من دماغك مهما حصل بينا مش كدا 
صاح پغضب شديد _
لأ مش كدااا و تصرفي معاه طبيعي النهاردة المرة الجاية سيبني اموتتت و متخليش واحد زي دااا يبقا ليه جمايل عندي و متخرجيش من الموضوع أنا بتكلم عن تصرفاتك الغريية من وقت ماخلصنا الرقصة 
اتسعت عينيها وصاحت به بدهشة _
أنا مش قادرة افهم كريم عملك إيه غير كل خير ليه بتتكلم عنه كدا 
كان صدره يرتفع ويهبط بقوة و كأنه داخل سباق من فرط كظم غيظه و انفجاره الآن بها وكأنها تتعمد أن تقوده إلى درب الجنون بدفاعها عن رجل آخر صړخ بها بصدق _
معرفششش تمام كداااا معرفش مش طايقه ليه ومش قادر اشوف فيه غير أنه عيل ملزق ساب قعدة الرجالة و ماسك في البنت اللي قاعدة يتوشوش معاهااا كأن بينهم أسرار 
صاحت به غاضبة حين شعرت أنه يبالغ و يحاول فرض سيطرته على تصرفاتها _
مااحنا فعلا بينا أسرار وبعدين هو ميعرفش غيري طبيعي يكلمني أنا فين مشكلتك مش شايف إنك عايز تتحكم في اللي حواليك وبس منغير أي مبرر مقنع 
اشتعلت عينيه پغضب يكاد يحرقها ووقود نيران غضبه هو جدالها ودفاعها عن هذا الرفيق و قد شعر أن مبالغته الغير مبررة سوف تتحول إلى کاړثة إن لم يسيطر على حاله في التو والحال و بالفعل هدر بإنفعال _
مشكلتي إنك بتتصرفي من دماغك و معرفتنيش أنه جاي كان لازم تقوليلي ودا مش تحكم المفروض إني أعرف هعقد مع مين و أظن دا من باب الذوقيات مش من حقك تفرضي عليا واحد بالشكل دا 
ضيقت عينيها لحظات ثم تنهدت بضيق و قالت بإنهاك _
تمام ياآسر المرة الجاية هبقا ابلغك ينفع أروح أنام بقاا 
تعلقت عينيه بالعقد الذي يلتف حول رقبتها و مشهد سليم و هو يكاد يلتصق بها و يضعه فوق عنقها يتكرر أمام عينيه دون توقف و لكن كيف يتحدث عن العقد مرة أخرى وكأنه يحقد على فعلة ابن العم الراقية و المبالغ بها من وجهة نظره لكن هو على يقين الآن أن بريق عينيها الذي تسبب بإطفائه أناره ابن عمه بتصرفه اللطيف البسيط 
طال صمته و لم تحاول الانتظار و إدراك السبب بل أفلتت جسدها و تحركت بجانبه تسير إلى الخارج فأمسك ذراعها وقال بنظرات تائهة _
أنا مكنش قصدي اللي قولته أنا حقيقي نظرتي ليك مبقتش زي الأول بس مفيش حاجه حواليا مساعداني أوصل دا ليك 
تعمدت تجنب النظر إليه حين لانت نبرته بتلك الطريقة وكادت تلامس الجزء المضيئ بقلبها ما كان منها سوى الرد الجاف و الفرار و إلا سقطت بين براثن هذا الرجل خاصة أنها شبه تميل إلى رؤية حالها كاملة الأوصاف بعينيه وذلك من محظورات قاموس الاحتيال الخاص بها _
محدش بيعمل حاجه مش قاصدها وأنا مش متضايقة من كلامك أنت وصفتني ودا مش غلط أنا ڼصابة و اللي زيك بيأجرني تصبح على خير 
تركته و خرجت مسرعة و داخلها يلعن هذا الاختناق الذي يكاد ېقتل روحها و كأنها مکبلة بالأغلال وكلما حاولت الفرار تجذبها القيود وتخبرها أنها لن تتحرر إلى الأبد وكأن لهذا الرجل تأثير خاص به أو يحدث لها كل هذا من فرط ألمها و تشتتها بتلك الفترة 
أما هو وقف بمحله يتابع انصرافها بضيق واضح ورفع يده يسير بها فوق خصلاته و هو يزفر أنفاسه الغاضبة و دهشته تزداد داخله من تصرفاته الغير مدروسة معها و بالرغم من أنها كان يمكنها انتهاز الفرصة و نهب عمه منذ قليل رفضت بل أنه استطاع رؤية الانزعاج داخل عينيها حالة من التخبط تسيطر عليه و على أفكاره يزعجه تواجد هذا الرجل معها و لا يجد مبرر مقنع لأفعاله يقدمه لها أو لحاله 
أغلق باب المنزل و اتجه إلى الأريكة يجلس فوقها ويهمس لحاله ساخرا _
بعد ما كنت بتعمد افكرها بحقيقتها بقيت بحاول انسيها 
دفع رأسه إلى الخلف و أغمض عينيه بإجهاد و لازالت صورتها تتجسد في مخيلته وهي تستمع باهتمام إلى حديث هذا الكريم اللئيم لها رفيق بل و كادت تحرقه بنظراتها لأجل معاملته مع كريمها السيئ لأول مرة يبغض أحدهم دون محاولة التعامل معه وكلماتها تتكرر داخل عقله مااحنا فعلا بينا أسرار ترى ماهي أسرارهم يعلم عنها مالم يعلمه أحد أما هو قد أدرك أن لديها شقيقه منذ ساعات فقط وأطلعها على سره الأعظم دون مجهود منها بل برغبته الكاملة وكأنها ساحرة 
اعتدل يضع يده فوق جبهته مټألما حين بدأ الصداع يداهمه و يكاد يفتك برأسه و داخله حيرة شديدة من تناقضه و اختلال توازن تفكيره منذ رؤيتها 
عقد حاجبيه حين استمع إلى صوت مناوشة خفيفة بالخارج و وقف يتجه إلى مصدر الصوت من جهة الزجاج المطل على الحديقة ورفع حاجبه حين وجدها تقف عاقدة ذراعيها أسفل صدرها أمام الحارس و من الواضح أن النقاش يحتد من طرفها أزاح الزجاج يتجه إلى الخارج و هو يراقب الحارس يركض تجاهه وكأنه أنقذه من ڠضبها الساحق يردف برفض واضح لفعلتها _
ياباشا حضرتك قولتلي مينفعش تخرج منغير ماتعرف أنا أول ماجيت اكلم حضرتك دا اللي حصل 
ثم