حكايه دكتور عز
مش عارفه تنام نقوم ونصحى ونقعد معاها ونسليها كمان
ميرا بفرحه بجد يا مراد
مراد هو انا مقصر اوي كدا!!!
ميرا لا بس اهتمامك لعيالك كله وتيجي بليل تنام على طول
مراد باس ايديها بأسف مقصدش كدا والله بس من يوم مشكله ادم وانا بقيت احس بالذنب من ناحيته وبحاول العب معاهم كلهم وبوزع اهتمامي عليهم علشان ميحسوش بتفرقه
مراد انا اسف يا قلب مراد
في سيارة مراد
سارة مبطلتش عياط وهو ملتزم الصمت وسايق العربيه بهدوء
سارة مراد انا
مراد قاطعها بحدة اسكتي دلوقتي يا سارة ولينا بيت نتكلم فيه
سارة سكتت وعرفت ان الليله دي مش هاتعدي على خير
في منزل زين وخصوصا اوضه عز
احنا اسفين يا دكتور بس محتاجين نوصل بسرعه لدكتورة كارما
عز في ايه!
في اهل طفل كانت كشفت عليه الصبح وعاوزينها هي بالاسم ورافضين اي دكتور تاني يكشف عليه
عز طب عندك رقم تليفونها في السي في اتصل عليها
اتصلنا كتير مبتردش
عز طب اقفل انت وانا هاتصرف
في بيت زين الچارحي
عز قام وغير هدومه اتفاجئ بزين وليليان قاعدين
عز ايه دا ايه اللي مصحيكو متأخر كدا!
زين مفيش طنط سارة ومراد كانوا هنا
عز في حاجة ولا ايه!
زين منعرفش جم ومشيو المهم انت رايح فين!
عز رايح المستشفى
ليليان في الوقت دا يا عز
زين روح وخد الحراسة معاك يا عز
عز حاضر
عز جه يمشي وقف مرة واحدة بابا انت كنت قولتلي ان ابو كارما انت عارفه
زين اه في حاجة !
عز عاوزينها في المستشفى ضروري ومش عارفين يوصلوا ليها انا اخدت عنوانها من السي في بس محرج اروح على بيتهم واصحيهم في الوقت دا
شاهين الو
زين اعذرني اني اتصلت عليك في وقت زي دا
شاهين لا طبعا اتصل في اي وقت
زين متشكر بس عز ابني دلوقتي بلغني انهم في المستشفى محتاجين كاارما ضروري واتصلوا كتير ومردتش عليهم
شاهين ايوا تلاقي تليفونها صامت هي فيها العيب دا تليفونها طول اليوم صامت هاصحيها واجيبها واجاي
شاهين شكرا لذوقك يا زين باشا انا هاخدها وارجعها تاني
عز قوله انا هاخدها لان احتمال تبات في المستشفى مش عارفين حالة المړيض ايه علشان ميجيش على الفاضي
زين خلاص يا شاهين عز هايجي ياخدها هو كمان رايح المستشفى وبعدين متخفش دا ابني وتربيتي
شاهين بتنهيدة اوك هاخليها تجهز
زين قفل معاه وبلغ عز انه يروح ياخدها بعد ما مشي ليليان قربت منه وسالته بخفوت هي مين كارما دي يا زين
زين دكتورة في المستشفى
ليليان حلوة!
زين اخاڤ اقولك قمر انتي تتقمصي
ليليان اتجاهلت مشاكسته علشان توصل لمردها طب مؤدبة كدا
زين بنت شاهين وهو راجل محترم والبنت محجبة وشبه ليان في توترها كدا مبتعرفش تتصرف بټعيط على طول
ليليان طب وعز بيعاملها ازاي
زين بمكر مش عارف بيعاملها عادي دكتور ودكتورة
ليليان بضيق هو انت الواحد ميعرفش ياخد منك كلمتين
زين احنا مالنا بالناس خلينا
بقى في حالنا هانقضي عيد حبنا فين!
ليليان اخاڤ اقولك نأجله شوية علشان نطمن على مراد وسارة تزعل مني اصل يا زين جت ومشيت من غير ما اعرف مالها
زين باصلها بضيق واتكلم بسخرية لا وقولي اللي جواكي كمان تتطمني على عز ابنك مع الدكتورة كارما
ليليان ايه دا ايه اللي
