هبه عزام

كانت الساعه داخله علي اربعه الفجر دخلت المطبخ عملت فنجان القهوه قفلت الانوار بتاعت الاوضه وعلي نور الابجوره علي المكتب بداءت افتح المذكرات واعرف اي جواها ...
سميت الله معايا ايها القاري اول صفحه في المذكرات ملحوظه الفقره التاليه بصوت هبه عزام
ليه كل الناس فاكريني آله او حيوانه مليش حقوق ليه دايما مش حاسين ان انا بني ادم من لحم ودم وعندي احساس وليه دايما نظرت المجتمع للمطلقات وحشه وشايفين ان المطلقه اصبحت سلعه رخيصه لكن هقول ايه منها لله مني صحبتي اللي كنت فاكراها اخت ليا هي السبب في كل حاجه هي االي دخلتني المكان اللي يدخله اصبح عداد ايامه في الدنيا معدوده دخلت في عالم تاني عالم مايعرفش الرحمه

ولا يعرفو ربنا ودا كلام بجد العالم دا شياطين ولكن في صوره بني ادمين ايوه بني ادمين عايشه معانا لكن بدرجات اقل درجه ممكن تكون اتعملت معاهم وسلمت عليهم وفي الدرجه تانيه معروفين لكن متقدرش تقرب منهم وفي الدرجه العليا دي اخر درجه عن
هم هما المتحكمين في كل حاجه في الكوكب سواء
..بس هعمل اي كان ڠصب عني منها لله مني منها لله منه منها لله منه ...
دي كانت اول صفحه من المذكره بتاعتها وبعد ما قريت الكلام دا علشان اطلع بمعلومه تفيدني مطلعتش لكن االي لفت انتباهي وشدني هي جمله المتكرره في اول صفحه هي اسم مني وعماله تدعي عليها ..لحظه كده يعني مني في التحقيق مقلتش كل حاجه تعرفها عن هبه الموضوع كده بداء يكبر مني دي كده مش واحد بيخلص طار منها دا هبه كده بتتكلم عن ناس انا اه مش عارفهم لكن من كلامها اللي كله الغاز باين انها منظومه كبيره بدون تفكير قفلت البيت وركبت عربيتي علي بيت مني عدل الساعه وصلت 5 الفجر والنهار بداءت يطلع اول ما وصلت العماره اللي عايشه فيها مني طلعت شقتها اللي عرفتها من البواب خبط كذا خبطه لحد ما سمعت صوتها من وراء الباب 
مين مين برا.
_لكني مردتيتش .وقررت السوال تاني 
_افتحي انا خيري عمران معاون المباحث
في يا باشا هو مش القضيه خلصت واتقفلت وانا قولت كل اللي عندي 
زقتها من كتفها ودخلت الشقه وانا ببوص يمين وشمال حوليا واتجهت ناحيه الكنبه وقعدت بعدها جات هي وقعدت جمبي 
خير ياخيري بيه في اي
تاني .
اسمعي يبت انتي انا عايز اعرف منك كل حاجه تخصك بهبه ولا هخدك هعلقك عندي في القسم لحد مايبنلك صاحب دا اذا بان يعني .
يباشا انا كل اللي عندي قولته!
لقيت نفسي ماسكها من شعرها وبصوت عالي وزعيق وبقولها 
_خبر اي يامرا في اي شغل العوالم دا مش عليا انا انتي هتنطقي ولا هخلي عشتك سوده .
هنتطق ؤباشا هقول كل اللي انت عايزه بس سيبني .
_ايوه كده اتعدلي .
انا روحت شقه هبه عزام وهناك لقيت مذكرات كانت كتبها ولما بداءت اقراء فيها لقيت اسمك في اول صفحه وعماله تقول انتي السبب في كل اللي حصلها في اخر 10 شهور في حايتها انا عايز اعرف بقي انتي كنتي السبب ازاي وايه علاقه الملام دا بالناس اللي قالت عليهم في المذكرات ومين الناس دي .
ناس يمكن قصدها علي صلاح الابنودي 
_مين صلاح الابنودي
طلما انت وصلت للمذكرات يبقي انت كده الموضوع في دماغك وشغلك انا هحكيلك يباشا بس والنبي متجيب سيرتي ولا الكلام دا في تحقيق ولامحضر نفسي انا عايزه اعيش ..
بص يباشا..
دا راجل كبير في البلد