انا سهر 35 سنه متجوزه من 13 سنه بقلم اسراء محمد

جوز صاحبتك هيشوفلك
سهر مش عايز يشيل ذنب خړاب البيت اللي هو اصلا مخروب
زيدان معلش يا حبيبتي بس هو عنده حق
سهر عارفه يا بابا
زيدان خلاص متشليش هم انا هشوفلك محامي واكلمه واقولك
سهر هتعبك معايا يا بابا
زيدان بس يا عبيطه ده واجبك عندي
سهر ربنا ميحرمنيش منك يا قلبي
زيدان ولا يحرمني منك يا حبيبتي
سهر قولي يا بابا ماما عامله اي
زيدان مش عايزه تكلمني من ساعة ما عرفت اللي انتي عملتيه
سهر وده مش حقي يعني
زيدان معلش هي خاېفه عليكي برضو
سهر المفروض تخاف عليا منه
زيدان هي خاېفه عليكي منه وخاېفه لتتبهدلي بالبنات بعد ما تطلقي
سهر ربنا اكيد مش هيرضالي البهدله
زيدان اكيد يا حبيبت بابا
سهر طب انا مضطره اقفل عشان عندي شغل
زيدان ماشي يا حبيبتي خلي بالك من نفسك
سهر حاضر يا قلبي سلام
زيدان سلام
وقفلت وراحت تكمل شغلها
وعدا اسبوع من غير احداث
سهر وهي في شغلها
كلمت باباها
زيدان الو مين
سهر انا سهر
زيدان اومال رقم مين ده
سهر رقم المطعم عشان نسيت موبايلي
زيدان طيب انتي والبنات عاملين اي
سهر الحمدلله
زيدان اؤمري كنتي عايزه اي
سهر بكلمك عشان اقولك اياد مش في البيت النهارده تعالي اقعد واتغدا معانا
زيدان ماشي يا حبيبتي هجيلك انتي هتكوني في البيت امتا
سهر
الساعه 6
زيدان 6 ونص بالكتير ان شاء الله هكون عندك
سهر خلاص هستناك يا حبيبي
زيدان ماشي يا حبيبتي
سهر سلام
زيدان سلام
وبعد ما خلصت
راحت البيت بسرعه عشان تحضر الاكل
واول ما خلصت الجرس رن
راحت تفتح
زيدان حبيبت بابا
سهر وقالت وحشتني اوي يا بابا
زيدان وانتي اكتر
ودخل وسلم علي البنات
سهر اي اللي انت جايبه ده كله يا حبيبي
زيدان دي شويه حاجات للبيت وحلويات للبنات
سهر ربنا يخليك ليا
زيدان ويخليكي ليا يا حبيبتي
ودخلت جهزت الاكل
واكلوا وعملت فنجانين قهوه
وقعدوا يتكلموا
زيدان بقولك
سهر قول يا قلبي
زيدان انا شوفت محامي
سهر بجد طب كلمته ولا اي
زيدان اه كلمته واخدت منه ميعاد وهنروحله كمان يومين
سهر طب كويس بس يارب اياد ميكونش في البيت
زيدان لي
سهر عشان ميحسش بحاجه
زيدان امممم مفيش مشكله حتي لو موجود هروح انا واتكلم مع المحامي واشرحله وانتي ابقي تيجي مره تانيه
سهر خلاص تمام
وقعدوا يتكلموا كتير وهي كانت فرحانه بوجود زيدان معاها
وبعد يومين
زيدان راح لوحده يقابل المحامي
وحكاله الموضوع كله وقاله انهم عايزين يرفعوا قضيه طلاق للضرر
علاء المحامي طب ممكن تخليها تعملي توكيل وانا هرفع القضيه بس اهم حاجه الجيران يشهدوا معاها عشان القاضي يقبل الدعوه
زيدان متقلقش الجيران بيحبوا الحق واكيد هيشهدوا بالحق
علاء تمام اول ما المدام تعمل التوكيل هرفع الدعوه علي طول
زيدان طب واتعابك
علاء 10000 جنيه هاخد نصهم الاول والنص الثاني بعد القضيه
زيدان تمام هجيبلك الفلوس مع التوكيل ان شاء الله
علاء ان شاء الله
وبعد فتره
اياد كان قاعد
الباب خبط
قام فتح
الراجل ده منزل استاذ اياد اسماعيل
اياد اه حضرتك مين
الراجل محضر محكمه
اياد محضر محكمه عايزني في اي
المحضر مدام سهر رافعه علي حضرتك قضيه طلاق للضرر
اياد نعم
يتبع.
الحلقة التاسعة
الباب خبط
قام فتح
الراجل ده منزل استاذ اياد اسماعيل
اياد اه حضرتك مين
الراجل محضر محكمه
اياد محضر محكمه عايزني في اي
المحضر مدام سهر رافعه علي حضرتك قضيه طلاق للضرر
اياد نعم
المحضر اتفضل امضي هنا
اياد ازاي يعني ترفع قضيه طلاق
المحضر اسألها هي مش انا المهم عندي تمضي عشان انا ورايا شغل
وبالفعل اياد مضي بالاستلام
ودخل وهو مصډوم ومش فاهم اللي بيحصل ده حقيقي ولا بيحلم
قعد وبدأ يفتكر اول جوازهم وهما قد اي كانوا مبسوطين وفرحانين بحياتهم لحد ما خلفوا ديما وحياتهم بدأت تتقلب لنكد بسبب زن امه انها جابت بنت مش ولد
وفاق من شروده علي صوت قفل الباب
اياد بعصبيه بترفعي عليا قضيه طلاق يا سهر
سهر دي اقل حقوقي اني اتطلق منك
اياد وتطلقي لي مش انتي اخدتي الشقه وخلاص
سهر وانت عايزني اقعد معاك بعد ما كنت هتتجوز عليا وبعد المعامله القاسيه اللي كنت بتعملني بيها انت واهلك وده كله لي عشان حاجه مش بايدي
اياد واتغيرت عشانك
سهر بانفعال اتغيرت فين وانت مبقتش تصرف علي البيت اتغيرت فين وانت جايبلي صاحبك ومراته لحد هنا وعايزني اضايفهم وانت مش دافع جنيه اتغيرت فين وانت ماشي ورا كلام مامتك ومش بتفكر في اللي بتقوله ده صح ولا غلط بس اقولك علي حاجه انت فعلا اتغيرت بس اتغيرت للاسوء
وسابته ودخلت اوضتها
وهو قاعد مصډوم من اللي هي قالته وانه فعلا عندها حق
وشويه ودخل عندها
اياد سهر انا بحبك اديني فرصه ثانيه
سهر الفرص كلها خلصت يا اياد يوم ما فكرت تجيب خطيبتك لحد هنا عشان تطردني من بيتي
اياد مستاهلش منك فرصه عشان خاطر البنات
سهر انا عشان خاطر البنات هطلق منك واربيهم تربيه سويه من غير حقد ولا كره ولا اي حاجه من اللي انت فيها انت واهلك
اياد بس انا مش هطلقك
سهر براحتك المحكمه هتطلقني منك
اياد ابقي وريني هتطلقي ازاي
سهر سابته وخرجت عشان تأكل البنات
ومر فتره
والمحكمه فعلا حكمت بالطلاق
سهر وهي خارجه من المحكمه كانت مبتسمه
واياد وناديه هيموتوا من الغيظ
عند اياد وناديه بعد ما روحوا
ناديه بعصبيه شوفت الهانم عملت اي خسرتك كل حاجه عشان واحده متستاهلش
اياد طب اعمل اي يا ماما
ناديه بعصبيه اكتر خلاص يا حبيب ماما هي اللي هتعمل
اياد باستغراب هتعمل اي
ناديه اللي خلاها ترفع قضيه طلاق دلوقتي وبعد شويه هترفع قضيه نفقه وهتجرجرنا كل شويه علي المحاكم
اياد طب انتي شايفه اني اعمل اي
ناديه انت من بكره تشوفلنا مكان تاني ننقل فيه عشان متعرفش توصلنا انت فاهم
اياد انتي متأكده انها مش هتعرف توصلنا
ناديه اهو حل مؤقت لحد ما نشوف هي ناويه علي اي
اياد حاضر
عند سهر
كانت متماسكه لحد ما روحت
واڼهارت في العياط
مشيره انتي بټعيطي لي مش ده اللي انتي عايزاه
سهر انا بعيط علي سنين عمري اللي راحوا مع واحد زيه ملوش شخصيه ماشي ورا كلام امه حتي لما جت الفرصه قدامه وخلاص هضيع منه معملش حاجه عشان امه مقالتلوش رجعها انا بجد ندمانه اني حبيته واتجوزته
مشيره حقك تزعلي بس متخليش الزعل ياخد منك كتير عشان خاطر بناتك
سهر حاضر
تاني يوم
سهر قامت وبتحاول تتماسك عشان خاطر البنات
فطرت وفطرتهم
وراحت علي شغلها
عند اياد
صحي فطر
ناديه انزل ومترجعش غير لما تأجر شقه في اي مكان فاهم
اياد حاضر بس شقتنا دي هنعمل فيها اي
ناديه هنبعيها بس مش دلوقتي نمشي دلوقتي من هنا بأي طريقه
وبعدين نبقي نبيعها
اياد ماشي
ونزل فعلا
يدور علي شقه في كذا منطقه ومش لاقي حاجه مناسبه
عند سهر
سهر كانت سرحانه وفاقت علي
سمير صاحب المطعم مالك يا سهر
سهر بانتباه نعم
سمير مالك
سهر مفيش
سمير لا في حاجه انتي امبارح كنتي اجازه والنهارده سرحانه في اي
سهر شويه مشاكل بس هتعدي
سمير من غير ما اعرف حاجه بس فكري في بناتك وانسي اي حاجه ممكن تأثر عليكي او عليهم
سهر حاضر
وسابها ومشي وراح عند احمد في الصيدليه
احمد سمير باشا بنفسه عندنا عامل اي
سمير الحمدلله وانت عامل اي
احمد الحمدلله قولي بقي سر الزياره دي اي اوعي تكون عيان وجاي تاخد دوا من عندي وللاسف
سمير بعد الشړ عليا
احمد اومال جاي لي
سمير جاي اقعد معاك شويه فيها اي
احمد انجز وقول جاي لي
سمير انت مش مصدقني ولا اي
احمد اه
سمير يا خساره العيش والبسطرمه اللي بينا
احمد بضحك طب انجز
سمير الصراحه جاي عشان اسألك علي