انا سهر 35 سنه متجوزه من 13 سنه بقلم اسراء محمد

اي الحكايه
مشيره وياريت تفهمه انه لو مش هياخد خطوه يبقي يقلل زيارات ولو سألك لي قوله احنا كنا موافقين علي الزيارات عشان تقربوا من بعض دلوقتي انت مش عايزها يبقي هتيجي لي
احمد مينفعش اقوله كده
مشيره ليه
احمد سهر لما بتقولك انا جايه بيتك رغم ان شقتها جنبنا بتقوليلها لا مينفعش تيجي
مشيره لا
احمد نفس الموضوع لما سمير يقولي انا جاي مش هقدر أقوله لا بس ساعتها هخليكي انتي تروحي تقعدي مع سهر وساعتها بقي لما يلاقي الموضوع اتكرر هو من نفسه هيبطل يجي
مشيره فكره برضو
احمد يلا بقي ننام عشان شغلي الصبح
مشيره يلا
عند سهر
قاعده بتكلم نفسها يعني انا احساسي كان صح انه بيحبني طب لما هو بيحبني متكلمش ليه ومعترضش علي العريس اللي جاي ده كان بيشجعني اني اقابله واقعد معاه انا مبقتش فاهمه حاجه
وفضلت تفكر لحد ما نامت
تاني يوم
صحيت حضرت فطار وسابته لحد ما باباها يصحي
وجهزت ونزلت وهي مقرره تتجاهل سمير وتعامله برسميه
راحت الشغل
اول ما دخلت شافت سمير
سمير بابتسامة صباح الفل
سهر صباح النور يا استاذ سمير
سمير اي استاذ سمير دي مش اتفقنا نشيل الألقاب واحنا لوحدنا
سهر بهدوء اولا احنا مش لوحدنا احنا في مطعم وحوالينا ناس ثانيا حضرتك مديري وانا شغاله عندك يعني لازم اكلمك كده يا استاذ سمير
سمير فهم انها مش عايزه تتكلم معاه بس قال يسبها براحتها
وقال خلاص يا مدام سهر اتفضلي علي شغلك
سهر تمام
وسابته ومشيت
وفي نص اليوم
احمد راح لسمير
سمير احمد باشا اتفضل
احمد انا عايزك في موضوع
سمير طب قول ازيك قول عامل اي مش عايزك في موضوع
احمد ازيك عامل اي عايزك في موضوع
سمير بقت كده ماشي على العموم انا عارف انت عايز اي
احمد طب اتكلم
سمير معنديش غير اللي قولته امبارح
احمد انت كداب
سمير لا مش كداب
احمد مبقتش تحبها ولا مش عايز تشيل مسؤلية البنات ولا اي بالظبط
سمير والله مش كده خالص
احمد طب مامتك او باباك اعترضوا انها مطلقه ومعاها عيال
سمير لا
احمد بعصبيه اومال اي
سمير قولتلك امبارح عشان بحبها اتمنلها السعاده حتي لو مش معايا
احمد بس انت معملتش حاجه عشان تقول كده
سمير خلاص بقي يا احمد
احمد ما هو خلاص فعلا
وسابه ومشي
سمير لنفسه انا عارف انك مش هتعدي الموضوع كده بس اعمل اي
خلص اليوم
وروحت سهر
حضرت الغدا واتغدت هي وابوها ومشيره والعيال
وبعد الغدا
مشيره عملت شاي وقعدوا يشربوه وهما بيتكلموا
زيدان صحيح انا كلمت العريس واتفقنا انه هيجي يوم الجمعه
سهر لسه بدري علي الجمعه لما يجي وقتها
زيدان بدري اي دي كمان يومين
سهر انت قصدك الجمعه بتاعت الاسبوع ده
زيدان اه
سهر انت عايز
تخلص مني ولا اي
زيدان لي بتقولي كده
سهر عشان السرعه اللي انت بتتفق بيها دي
زيدان عشان لو موافقتيش يشوف حياته بسرعه
سهر والله
زيدان اه والله
سهر طيب
مر يومين من غير احداث
وجه يوم الجمعه وقت مقابلة العريس
العريس جه وزيدان استقبله ورحب بيه وقعد يتكلم معاه شويه وبعدين نده علي سهر
سهر كانت متوتره ومش عايزه تخرج بس خرجت
قدمت العصير وهي عنيها في الارض وقعدت شويه
وبعدين
زيدان قال هسيبكم شويه تتكلموا
يتبع.
الحلقة الرابعة عشر
وجه يوم الجمعه وقت مقابلة العريس
العريس جه وزيدان استقبله ورحب بيه وقعد يتكلم معاه شويه وبعدين نده علي سهر
سهر كانت متوتره ومش عايزه تخرج بس خرجت
قدمت العصير وهي عنيها في الارض وقعدت شويه
وبعدين
زيدان قال هسيبكم شويه تتكلموا
زيدان خرج وسابهم
وهي فضلت باصه في الأرض
وبعدين سمعت واحده
بتقول اي يا عروسه هتفضلي حاطه وشك في الأرض
فرفعت راسها باستغراب تشوف مين اللي بيتكلم
لقت ست قاعده في وشها
ففضلت تبص حواليها
الست ضحكت
وقالت متستغربيش انا ام العريس
سهر وحضرتك جايه لي من غير العريس
ام العريس عشان اشوف اللي وقعت ابني في حبها واتكلم معاها الاول
سهر ويا تري هتتكلمي في اي
ام العريس بصي يا ست البنات انتي ممكن تفتكري اني جايه عشان اقولك ارفضي الجوازه وهاتيها من عندك انتي والكلام ده بس الحقيقه غير كده
سهر واي هي بقي
ام العريس انا اسمي ناهد وعندي ولد وبنت بنتي متجوزه وعندها بنوته اسمها ديالا عندها 3 سنين
سهر بابتسامة ربنا يحميها
ناهد والولد عنده 38 سنه خريج سياحه وفنادق ومسبقش ليه الجواز
سهر ومتجوزش لي
ناهد مفيش بنت خطفت قلبه
سهر وعايز يتجوزني لي
ناهد عشان انتي خطفتي قلبه
سهر وبعد ما عرف ان معايا 3 بنات مغيرش رأيه
ناهد بالعكس اتمسك بيكي اكتر
سهر باستغراب للدرجه دي
ناهد واكتر
سهر وحضرتك معترضتيش لما عرفتي اني مطلقه
ناهد واعترض لي الجواز قسمه ونصيب ونصيبه جه واحده مطلقه يبقي ابارك الجوازه ومليش دعوه بحاجه تانيه
سهر يعني حضرتك موافقه انه يتجوز واحده مطلقه ومعاها 3 بنات
ناهد انتي لي مقلله من نفسك كده
سهر عشان مش طبيعي ان واحد متجوزش قبل كده لما يفكر يتجوز يتجوز واحده مطلقه وياريت لوحدها دي معاها عيال
ناهد بصي يا حبيبتي يمكن الموضوع غريب شويه بالنسبالك لكن انا شايفه انه عادي عارفه لي
سهر لي
ناهد عشان لما اتجوزت ابو بنتي كنت مطلقه ومعايا ابني وجوزي ماكنش اتجوز قبل كده برضو ولما اهله عرفوا رحبوا بيا وبابني وسطهم
سهر عشان كده حضرتك مش معترضه علي الجوازه
ناهد اه وعايزاكي تبقي واثقه ان من ساعة ما هتقولي اه موافقه انك هتبقي بنتي التانيه وعيالك هيبقوا احفادي اي رأيك بقي
سهر فرحت بكلام ناهد
وقالت كلام حضرتك حلو اوي وعجبني بس برضو مش هقدر اقول اه او لا من غير ما اشوف ابن حضرتك
ناهد طبعا يا حبيبتي ده حقك هو كان جاي معايا بس انا قولت اجي واقعد معاكي لوحدنا الاول واطمنك عشان لما تقعدي معاه متبقيش قلقانه
سهر مكدبش عليكي كلام حضرتك ريحني بس برضو لازم اخد وقتي في التفكير حتي بعد ما اشوف ابن حضرتك
ناهد براحتك خالص انا مش هستعجلك عشان متحسيش انك اتسرعتي
سهر تمام بس ممكن اسألك سؤال
ناهد طبعا
سهر هو اسمه اي
ناهد انا نفسي اقولك والله بس هو محلفني ع المصحف قبل ما اجي اني مقولش عشان عايز يعملهالك مفاجأة
سهر تمام
ناهد استأذنت ومشيت
زيدان اي رأيك في كلامها
سهر حضرتك كنت عارف ان مش هو اللي جاي
زيدان لا انا اتفاجأت زي زيك بس المهم اي رأيك
سهر انا ارتحت من كلامها بس برضو مش هقول رأيي غير لما اشوف ابنها وافكر
زيدان ده حقك ومحدش هيعرضك فيه
سهر تمام عن اذنك بقي عشان عندي شغل الصبح
زيدان تصبحي علي خير يا حبيبت بابا
سهر وانت من اهل الخير يا روحي
ودخلت نامت من غير ما تفكر في حاجه
تاني يوم
صحيت دخلت الحمام اتوضت وصلت ولبست وراحت الشغل
سهر صباح الخير يا ايمن
ايمن صباح الفل جايه متأخره عشر دقائق
سهر الطريق والله
ايمن طب استاذ سمير عايزك
سهر عايزني في اي
ايمن معرفش بس هو قال لما تيجي تدخليله
سهر يارب يكون خير
ايمن متقلقيش ملامحه مبتدلش انه شړ
سهر يارب يطلع زي ما بتقول
وسابته ودخلت لسمير
خبطت علي الباب
سمير ادخل
سهر حضرتك كنت عايزني
سمير اه بس مفيش صباح الخير
سهر باستفزاز صباح الخير يا استاذ سمير
سمير بابتسامة صباح النور
سهر حضرتك كنت عايزني في اي
سمير طب اقعدي الاول
سهر اهو قعدت اتفضل
سمير كنت عايز اطمن عملتي اي مع العريس امبارح
سهر يعني اي عملت اي
سمير يعني قعدتي معاه اتكلمتوا
سهر بكدب اه طبعا قعدت