الندم بقلم سولييه نصار

سكريبت 
لو عايزني أرضي عليك واكتبلك ثروتي وترجع تعيش معانا... طلقها! 
سمعت حماتي بتقول كده بكل جبروت... بصيت لمصطفي وأنا ببكي... أكيد مصطفي مش هيخوني... أكيد هيختارني أنا... أنا حامل بإبنه... اطمنت وانا ببص لمصطفي اللي سكت لكن فجأة حسيت مصطفي اتوتر وقال
انتي طالق يا هاجر 
دموعي نزلت وانا ببصله.. ازاي يعمل فيا كده... 

قربت منه ومسكت ايده وقولت وقولت
مصطفي أنت بتهزر صح .. حرام عليك ترميني كده... أنا حامل بإبنك. 
ضحكت حماتي بتريقة وقالت
للدرجادي بت الغازية ضحكت عليك يا مصطفي . ما هي زي أمها.... قربت منها وزعقت 
متحبيش سيرة أمي... حرام عليكي دي مېتة 
أنا أمي أشرف منك ومن عيلتك يا حي.... 
سكت لما مصطفي ضړبني قلم وقال
متنسيش أنك بتكلمي امي. 
أمك بتغلط في أمي يا مصطفي.. أمي اللي تابت وماټت... ما تقولها هي تحترم علي الأقل أنها مېتة. 
ادي اللي بناخده من بنات الراقصات أهي حامل بطفل الله أعلم ابن مين.... حامل وأنت عقيم أصلا ومبتخلفش. 
بصيت لمصطفى وانا مصډومة... أكيد الكلام ده مش حقيقي.... هي أكيد بتتبلي عليا... 
بصلي مصطفي وقال 
لما قولتيلي أنك حامل مرضتش اتكلم واقولك أن أنا عقيم... مرضتش احاسبك رغم أن واحد غيري أقل حاجة ممكن يعملها أنه يقتلك... بس أنا عاذرك بسبب جينات الست الوالدة 
مكنتش مصدقة أن مصطفي بالذات يشكك في أخلاقي.... دموعي نزلت لوحدها... حسيت أن لساني مش قادر يتكلم... كمل مصطفي وقال
عشان كده بهدوء يا هاجر اطعلي من البيت... أنا عملت اللي عليا ومفضحتكيش... روحي لأبو أبنك خليه يعترف بيه 
اتدخلت أمه وقالت بقلم سولييه نصار
آه ياريت 
مستحملتش كلامها وروحت اهجم عليها... بس مصطفي مسكني وقال
كفاية كده يا هاجر ويالا اطلعي. 
زقيته وقولت
لا مش هطلع... ده ابنك يا مصطفي والله العظيم ابنك... خلينا نروح الدكتور ونعيد التحاليل تاني... أنا مستعد اعمل تحليل للبيبي ونتأكد كمان. 
كنت بترجاه ميتخلاش عني بس هو كان بيبصلي ببرود وقال 
انا عيدت التحاليل أكتر من مرة في معمل موثوق والنتيجة هي هي أنا عقيم... 
بس 
شدني من أيدي وقال
اسمعي يا بت انتي أنا لحد دلوقتي متمالك أعصابي.. مش كفاية أنك خاېنة وعايزة تلبسيني واحد مش أبني اصلا... احمدي ربنا أنك هتطلعي من هنا علي رجلك 
بعدين فتح الباب ووسط ذهولي طردني!!! من غير ما يفكر أنا هروح فين أو عند مين!... مشيت في الشارع وأنا مصډومة وبعيط... الناس كانت بتبصلي بذهول مكنتش واخدة بالي من العربية اللي جاية ناحيتي بسرعة كبيرة... وفجأة حسيتها بتخبطني... وقعت علي الأرض واغمي عليا!! 
فتحت عيني وأنا في المستشفي.... قربت مني الممرضة
وهي بتقول بتوتر 
حمدلله علي سلامتك... الدكتور دلوقتي هيجيلك. 
بعد
دقيقتين دخل دكتور كبير في السن وقال 
حمدلله علي سلامتك يا مدام... انتي خبطتك عربية واللي خبطك هرب 
أبني
قولتها وأنا حاطة أيدي علي بطني فقال ببرود
اجهضتيه وكمان الرحم بتاعك اضطرينا نشيله لأنه تضرر