يوميات زوجه مجنونه (رقيه) بقلم ايمان شلبي

بس ايه رأيك في تمثيلي 
باسم تمثيلك 
رقيه والله طول عمري نفسي أمثل أنفع مش كده 
باسم منك لله ياميرا ياشيخه ايه الجبروت ده ده انا صدقت
رقيه بفخر بجد بجد انا مبهوره بيا ربنا يحميني 
باسم بس وحياه امي ما هسيبها
رقيه لااااااا الستات لبعضيها ياعيوني يعني انت ملكش دعوه خاااالص بالموضوع ده بالعكس ده انت هتروح الشغل وتتعامل معاها عادي خالص وتعرف الكل انك طلقتني
باسم ده ليه 
رقيه بغموض سيب كل حاجه عليا اما خليت ميرا تقول حقي برقبتي مبقاش أنا رقيه
باسم بخفوت استر يارب 
تاني يوم في مكتب باسم وميرا كانت قاعده ميرا علي المكتب وهي بتفرك ايديها بتوتر وړعب 

خاېفه من باسم لأن لحد دلوقتي مشافتش اي رد فعل ولا حتي كلمها فون 
صباح الخير
انتفضت ميرا من مكانها وهي بتبص علي الباب اللي دخل منه باسم 
باسم برفعه حاجب ايه ياميرا بقول صباح الخير
ميرا بابتسامه مهزوزه ص صباح النور
صاحب باسم اللي كان شغال معاهم في المكتب 
صحيح اللي انا سمعته ده ياباسم 
باسم وهو بيقعد علي المكتب سمعت ايه ياهاني
هاني وهو بيبصله وبيبص لميرا اللي كانت بتراقب الحوار بخبث صحيح انت طلقت رقيه 
باسم وهو بيتنهد بحزن مصطنع اه منه لله اللي كان السبب
هاني بفضول مين هو 
باسم وهو بيبص لميرا بشړ معرفش في واحده اتصلت برقية امبارح قالتلها اني متجوز عليها ورقيه مرضتش تقولي مين هي بس لو عرفتها هاكلها بسناني تفتكري ياميرا اعرفها ازاي 
ميرا بتوتر وهي بتبلع ريقها م مش عارفه ا انا رايحه اجيب نسكافيه من البوفيه عن اذنكم 
قالت جملتها وخرجت بأقصي سرعه وهي مړعوبه من باسم ونظراته 
هاني وهو بيبصلها بقرف حربايه تعرف اصاحبي انا لو منك أبلغ عنها البوليس 
باسم بضحك كان هيبقي ارحم من رقيه صدقني ربنا يستر
هاني هههههه والله رقيه ديه جدعه خليها تربيها 
انت يازفت العمل مشتغلش لحد دلوقتي ليه 
ديه كانت جمله ميرا وهي واقفه في ركن بعيد وبتكلم الساحر اللي في اعتقادها عملها عمل عشان توقع ما بين باسم ورقيه 
الراجل بكذب اصبري يابنتي هيشتغل
ميرا بعصبيه كل شويه اصبري اصبري ما هو طلق مراته 
الراجل طب ده في صالحنا
ميرا صالحنا ايه وزفت ايه علي دماغك انت شكلك نصاب 
الراجل انتي قولتي اسمهم ايه 
ميرا بضيق باسم وزفت رقيه 
الراجل طيب انتي تجيلي النهارده تاني واحنا نعمل واحد تاني خالص
ميرا بقولك ايه انت شكلك كده واحد نصاب وانا هبلغ عنك
الراجل ببرود حلو بلغي انا وانتي هنتسجن
ميرا بعصبيه وانا اتسجن ليه بقي أن شاء الله بڼصب علي الناس زيك 
الراجل ببرود لا عايزه توقعي بين واحد ومراته يعني عايزه تخربي بيتهم وده في حد ذاته 
ميرا بتوتر ا انا
الراجل وقتي خلاص خلص سلام ياقطه عشان ورايا نصبايه جديده
شاهد قبل الحذف واحده عملت عمل لجوزي عشان توقع ما بينا وتخرب بيتنا وتاخده هي علي الجاهز
تفتكري ياميرو الفيديو ده هيجيب كام مشاهده 
اممممم لا اكيد هيجيب كتير اصل الناس بتحب تتفرج علي الفيديوهات ديه أصلها بتيجي علي الچرح عشان في ناس خرابه بيوت زيك 
ميرا وهي بتربع ايديها الاتنين وبتبصلها ببرود حققتي الكوميديا انتي كده 
رقيه هه توء حققت ياعووومري 
ميرا بابتسامه بارده بتراقبيني ليه يارورو انتي جايه هنا ليه اصلا
رقيه جايه اشوف جوزي أصله وحشني اوي
ميرا بسخريه جوزك اللي طلقك 
رقيه وهي بتشهق وبتحط ايديها تحت خدها لا هو انا مقولتلكيش 
ميرا مقولتليش علي ايه 
رقيه بابتسامه صفراء مش انا وجوزي عاملين لعبه عليكي ومطلقناش ولا حاجه 
ميرا پصدمه ي يعني ايه 
رقيه پحده وتحذير وهي بتقرب منها يعني ابعدي عن جوزي احسنلك وإلا قسما بالله انشر الفيديو علي السوشيل ميديا وانتي عارفه اني عندي فولورز كتير علي فيس بوك وانستجرام وكلهم بيحبوني زي ما استاذ عادل شكل بيقول محبووووب يعني باشاره مني هيكون الفيديو في كل مكان وهتتفضجي وسوق
العمل والجواز وكل حياتك هتقف وانا بصراحه محبش الفضائح عشان انا جوايا ست مؤدبه مفهوم الكلام ياقطه ولا نعيد 
ميرا بتوتر ع علي فكره بكره يطلقك روحي كده بصي لنفسك في المرايه شويه وهتنافسي الفيل روحي شوفي وشك اللي مليان حبوب وتحت عينك اسود انتي شكلك يقرف انا لو منه هقرف منك واتجوز عليكي بجد 
رقيه وهي بتبصلها من فوق لتحت وبتضحك مجهوورين من الملكه 
قالت جملتها ومشت من قدام ميرا اللي كان في دخان بيطلع من ودانها 
ميرررا
ميرا وهي بتلف لمصدر الصوت هاني 
هاني اتفضلي
ميرا وهي بتاخد منه الورقه اللي في أيده ايه ده 
هاني بابتسامه واسعه ده جواب طردك من الشغل
ميرا پصدمه طردي 
هاني اه مبروووك وده اخره الشړ اللهم لا شماته بس انا شمتان ههههههههههه
في بيت رقيه كانت قاعده في البلكونه سرحانه لابعد حد 
صوت ميرا بيتردد في ودانها اكتر من مره 
معقوله ممكن باسم يتجوز عليها فعلا عشان هي مبتهتمش بنفسها زي الاول 
هي فعلا تخنت اوي وبقي شكلها وحش 
قامت ودخلت بسرعه ووقفت قدام المرايه وهي بتتفحص شكلها 
جسمها زاد فعلا ديه شويه وهتنافس الفيل زي ما ميرا قالتلها 
لمست وشها اللي كله حبوب وعيونها اللي تحتها هالات سوداء 
شكلها كان مرهق اوي وبشع 
لاول مره تتأثر بكلام حد عن شكلها هي دائما واثقه من نفسها لكن المره ديه هي حاسه ان ممكن باسم يتجوز عليها مع أنه مش بأيديها اي واحده حامل بتكون كده مش بتكون قادره تهتم بنفسها زي الاول ولا ترهق
نفسها زياده خوفا علي
البيبي 
اتنهدت وقعدت علي الكرسي
قدام المرايه وهي بتفكر في حل ميخليش باسم يبص برا 
الفون بتاعها رن وكانت جنا صاحبتها 
جنا انا تخنت شكلي بقي وحش باسم ممكن يتجوز عليا 
جنا الناس ترد تقول عاملين ايه وحشتوني اي حاجه انما أنتي جنا هو انا تخنت 
رقيه بدموع جنا لو سمحتي ردي عليا
جنا بقلق انتي بټعيطي 
رقيه ميرا قالتلي اني شكلي يقرف وان باسم هيقرف مني وهيتجوز غيري
جنا اااااه ميرررا يابنتي ديه واحده پتكرهك وبتغير منك انتي جميله يارقيه في كل حالاتك وبعدين ياستي انتي حامل طبيعي تتخني ومناخيرك تكبر ووشك يبقي شبه رغيف العيش طبيعي يعني 
رقيه تصدقي هتصدقي أن شاء الله انتي لو قدامي دلوقتي هخليكي انتي رغيف العيش
جنا پخوف بهزر يارمضان مبتهزرش
رقيه انا اصلا غلطانه اني كلمتك روحي روحي اتعلميلك طبخه ولا اي حاجه تنفعك 
جنا شيف شربيني معايا 
رقيه بنت عيب كده انا اتعلمت الطبخ 
جنا بأماره الفراخ المشويه بس مشويه في ڼار جهنم مش في الفرن صح 
رقيه سمر سمر والله ما فيقالك
جنا هههههه طب انا هقفل عشان خطيبي وقره عيني جاي يفسحني
رقيه عايزاكي تستمتعي بكل لحظه في الخطوبه عشان بعد الجواز والنعمه ما هتلاقي الحاجات ديه 
جنا طب سلام س س سلام
رقيه ههههه سلام
قفلت معاها ودخلت المطبخ وهي مقرره تفتح اليوتيوب وتعمل اكل لباسم يمكن المره ديه تنجح والأكل ميبوظش 
بليل دخل باسم من باب الشقه وكانت رقيه نايمه علي الكنبه بعد ما غلبها النوم وهي مستنيه باسم 
قرب منها باسم وقعد علي طرف الكنبه وهو بيبص علي ملامح وشها اللي بيعشقها وعمره ما يمل منها أبدا 
ابتسم بهدوء وهو بيفتكر اللي حصل وتصرف رقيه اللي مكانش متوقعه نهائي 
قد ايه طلعت عاقله وبتتصرف بهدوء
بالرغم أن لو اي واحده مكانها
كانت هتتصرف بأنفعال ومش هتسمع جوزها ولا هتصدقه 
لكن هي صدقته لأنها عارفه أنه استحاله يعمل كده لانها بتحبه زي ما هو بيحبها ومش شايف غيرها 
رقيه رورو حبيبتي قومي نامي جوا
رقيه بنعاس انت جيت
باسم بمزاح لا لسه برا
رقيه وهي بتتعدل وبتقعد علي الكنبه احضرلك الاكل
باسم بتوتر ا احم ه هو
رقيه بسرعه جرب المره ديه صدقني هتندم
باسم باستغراب اشمعنا
رقيه وهي بتقوم بحماس هبهرك
باسم بنبره خوف اكلم الطوارئ طيب 
دخلت رقيه المطبخ وشويه وخرجت وحطت الاكل قدام باسم علي السفره 
باسم وهو بيفرك عينه پصدمه ايه ده
رقيه بفخر عمايل ايديا وحياه عينيا
باسم بتهزري ده دليفري صح 
رقيه والله ما حصل انا اللي عامله الاكل
باسم بحماس
لا يبقي ندوق بقي
رقيه دوق المكرونه بالبشاميل الاول
باسم بحماس اكبر ندوق
ها ايه رأيك
باسم وهو بيرمش عينه انتي متأكده أن انتي اللي عامله الاكل ده 
رقيه والله انا
باسم بفرحه مانتي طلعتي اشطر كتكوت اهو
رقيه بفرحه عجبك بجد 
باسم وهو بيبوس ايديها برقه تسلم ايدك ياحبيبتي كفايه انك تعبتي فيه
رقيه وهي بتتنهد ربنا يخليك ليا وريني كده المكرونه ديه بتقول ايه 
باسم هههههههه تعالي تعالي ديه المره الكام اللي تأكلي فيها النهارده 
رقيه وهي بتقعد علي الكرسي امممم مش كتير ديه العاشره بس
بعد مرور خمس شهور
رقيه بتعب اه باسم الحقني
باسم بنعاس في ايه 
رقيه وهي بتتنفس بسرعه الحقني ياباسم بولد
باسم بضيق رقيه حبيبتي كل يوم تقوليلي بولد ونروح ونرجع ومش بتولدي
رقيه بتعب باسم الحقني انا بولد بجد
باسم بقلق انتي متأكده يعني تعبانه بجد
رقيه لا بتسلبط ااااه الحقني ياباسم بسرعه
باسم بسرعه ولهفه حاضر حاضر
في المستشفي كان واقف باسم قدام اوضه العمليات وهو بيدعي رقيه تقوم بالسلامه
بعد شويه سمع صوت البيبي 
باسم بفرحه الحمد لله يارب الحمد لله
خرجت الممرضه وهي بتبتسم بهدوء
الف مبروك ولد زي القمر
باسم بلهفه ورقيه كويسه 
الممرضه الحمد لله دقائق وهتخرج
باسم بنتي كويسه طمني عليها
باسم وهو بيلف لمصدر الصوت واللي كانت أم رقيه
الحمد لله ياماما متقلقيش رقيه زي الفل وجابت انس
ام رقيه بدموع الله اكبر الف مليون مبروك ياحبيبي يتربي في عزك
اااااااه منك لله ياباااسم منك لله اااه
باسم وهو بيقرب من السرير اللي كانت نايمه عليه رقيه
رقيه حبيبتي انتي كويسه
رقيه ااااااه طلقناااااي انت السبب طلقناااااي انا حلمت بيك وانت بتتجوز عليا طلقناااااي
باسم باستغراب في ايه ياحبيبتي انا عملت ايه دلوقتي بس 
ام رقيه هههههههه معلش يابني في البنج مش حاسه باللي بتقوله
بعد مرور تلات سنوات
خد ياض تعالي هنا هات كيس الشيبسي بتاعي
ايه ياحبيبتي في ايه عامله دوشه ليه علي الصبح
رقيه وهي بتقرب منه بطفوله شوف شوف ابنك خد كيس الشيبسي بتاعي
باسم معلش هجبلك واحد تاني
رقيه بعند ولو ولووووو انا عايزه كيس الشيبسي بتاعي
باسم يابنتي انتي بتعملي عقلك بعقل طفل 
رقيه ماهو اللي خد مني كيس الشيبسي بتاعي
باسم وهو بيضرب كف فوق التاني عوض عليا عوض الصابرين يارب 
رقيه بقولك ايه انا رايحه عند امي
باسم نعم ليه 
رقيه بصراحه كده أمي وحشتني وبصراحه كده أنا زهقت منك انت وابنك وعايزه انعزل 
باسم ماشي نبقي نشوف الحوار ده بعدين يالا ياحبيبتي حضريلي الفطار
رقيه ا احم ا اصل
باسم اصل ايه
رقيه انا هقولك 
باسم اكلتيه كالعاده 
رقيه بحرج ما هو ماهو يعني اصل ابنك اللي في بطني هو اللي بيجوعني
باسم اه انا عارف ان الحمل ده هيجي علي دماغي زي الحمل الاولاني 
رقيه صحيح تعالي هنا
باسم في ايه 
رقيه بقي تخوني انا مع البت اللي شبه خله السنان ديه
باسم بذهول هي مين ديه 
رقيه معرفش شوفتها في الحلم
باسم معلش ياحبيبتي المره اللي جايه هستنضف
خدي يالا تعالي هنا لا وحياه امك الا كده لا متشربش العصير بتاعي ده انا دافعه فيه قلبي
باسم انتي بتتخانقي مع ابنك علي ميكس شوكولاته 
رقيه مانت مش فاهم ده الراعي الرسمي لسعادتي صحيح تعالي هنا
باسم يارب الصبر نعم خير حلمتي بأيه تاني 
رقيه لا هو المره دي مش حلم
باسم اومال ايه 
رقيه انت شكلك حلو كده ليه
باسم بفخر طول عمري اصلا ها اي تاني
رقيه وهي بتحضنه بحب انا بحبك اوي
باسم بذهول الاه الاه ده الحمل ده حلو اوي شكلك حامل في بنت عشان كده رومانسيه وعاطفيه حبتين في الحمل 
قال جملته وهو بيحضن رقيه اللي ضحكت برقه وهي حضناه وبتبص علي ابنهم اللي جري عليهم وهو بيبعد باسم عن رقيه 
باسم الله في ايه يابني
انس بطفوله ماما بيبتي انا ماما حبيبتي انا 
باسم يابني امك مراتي وربنا
رقيه وهي بتشيله وتبوسه خلااااثي علي القمر اللي بيغير ده طالع حمش لابوك 
انس بابا بيبي بابا حبيبي 
رقيه بابا حبيبنا كلنا والله
باسم وهو بيبوس رأسها بحب ربنا يخليكوا ليا
رقيه ويخليك لينا ياحبيبى
وامتي بتبقي محتاجه اكون لك حضڼ ان يلزم 
واقولك امتي تحديدا ب ان غرامنا لن يهزم
تمت 
إيمان شلبي