ولاد المعلم (ج٢ المعلم وزوجته و مراته) بقلم اماني السيد

حبيبتي ليه مش بتعملى ماسكات وسايبه وشك باهت كده ليه شعرك دايما كعكه افرديه اعمليه ديل حصان اكويه ليه طول الوقت كده وجوزك لما يدخل كل يوم ويشوف كده طبيعي يبص بره 
فين ريحتك الحلوه انا مش شامه غير ريحه رضاعه وكريمات اطفال فين انتى فين وجد 
على فكره انا مش ببرر لابيل غلطه لانه لازم يتحاسب على بصه لبره وانه محاولش ينبهك مره واتنين وسايبك تنطفى اكتر واكتر ومش مقدر ان عندك اكتئاب ما بعد الولادة ومحاولش حتى يخرجك منه استسهل وبص بره ويمكن مايعرفش انك مكتئبه اصلا عشان هو مولدش قبل كده 
وجد يا ماما انا مخنوقه وطول الوقت حاسه اني مقصره وخاېفه مش عارفه اعمل ايه خاېفه اكون ام مش كويسه ومهمله 
دهبيه طيب وماخوفتيش تكونى زوجه مهمله وفاشله ليه جوزك ليه حق عليكى يا حبيبتي لازم تتعلمى تظبطى وقتك وتدورى على حاجه مفيده تتعلميها وتطورى من نفسك عايزاكى تعرفي حاجه مهمه جدا ان عقل الرجل مختلف عن عقل المرأة 
المرأه عندها العاطفه اقوى من الرجل عشان كده اوقات كتير بتحسى باكتئاب اكتر من الرجل 
انما الرجل عنده الش ه .وه اكتر من المرأة فى الاكل والرغبات وكل ما له علاقة و حاجه تانيه برضو الالم كده المرأة بتحس بالالم اكتر من الرجل فى اختلافات كتير بس خلينا فى موضوعنا 
وجد طيب انا اقدر اعمل ايه دلوقتي واصلح نفسى ازاى
دهبيه بصى يا وجد عشان ترجعى جوزك من تانى وترجعى احسن من الاول ده مش هيحصل فى يوم وليله لان فى واحده تانيه بتعمل كل وسعها انها تاخده ومش بتعمل غير انها بتظهر كل مميزاتها هنا بقى نبدأ اللعب 
وجد ازاى 
دهبيه اولا بكره الصبح سبيلى ابنك و تروحى الكوافير تعمل تنضيف عميق للبشره وتخليه يقصلك شعرك المقصف ده ويغير لونه وبعدين تروحى لخبيره تجميل وتجيبى مرطبات وكريمات مناسبه لبشرتك عشان نرجع نغذيها تانى 
ثانيا تجيبى لبس بيت مناسب للرضاعه وفى نفس الوقت شكله لطيف ومجسم وحلو بلاش اللى انتى لابساه ده
ثالثا ودى اهم حاجه ومن غيرها كده هيروح 
انك تهتمى بجوزك بفطاره بغداه تتصلى عليه تطمنى عليه وتشوفيه لو نفسه في اكله تعمليهالوا مانتى كده كده هتعملى اكل فتبقى جميله 
خليه دايما يشوفك حلوه واوعى تبينى عيوبك قدامه ودايما لو حاجه مش عجباكى في نفسك حاولى تقنعيه انها ميزه يعنى مثلا فمك كبير وقوليلوا بوقى كبير كانى عامله فلير تخينه شويه من بعض الاماكن قوليلو انا عجبنى جس مى لما بقى كيرفى وهكذا ده هياخد وقت بس هتلاقيه رجعلك واحده واحده لان لسه في جواه مشاعر ليكى عشان كده مخبى عنك انه هيتجوز وباين من اهتمامه بيكى لما لاحظ انك حاطه ميكب 
وجد تمام يا ماما حاضر واعرفه انى عرفت بقى واتكلم معاه 
دهبيه رابع حاجه واهم حاجه اوعى يعرف انك عرفتي غير لما تتأكدي انه رجعلك تانى عشان تعرفى ساعتها تاخدى حقك منه وساعتها كمان تمثلى انك اتفاجئتى عشان مايفكرش انك عملتى ده كله عشان خاېفه انه يتجوز عليكى ويقوم واخدها حلوانه فى سلوانه 
وجد حضنت مامتها . شكرا اوى ياماما انا بحمد ربنا انك فى حياتى 
دهبيه اهم حاجه عندى انى اشوفكم مبسوطين وربنا يهدى حالكم يارب اسيبك انا بقى واروح انام زمان ابوكى مستنينى تصبحي على خير
....
عند جاد

كان قاعد بيفكر فى ايلا وباسمه وبيعمل مقارنه بينهم وبعت رساله لباسمه 
جاد شايفك ما شاء الله بقيتى تشتغلى اهو وحققتى كل اللى كنتى عايزاه 
باسمه شافت الرساله وتجاهلتها
جاد بس يا حرام قربتى تعنسى ولسه متجوزتيش عشان بعد كده تفضلى تعندى وشوفى مين هيتجوز واحده منقبه وعندها ٢٥ سنه ولسه محدش اتكلم عليها حتى متخيل ملامحك وانتى كبيرة كده وشكلك بدء يعجز ساعتها ابقى خلى شغلك ينفعك 
باسمه انا معرفش انت لسه محتفظ برقمى ليه بصراحه كان موضوع وخلص وثانيا انت خاطب ركز مع جميله الجميلات النغه خاطبتك وسبنى في حالى وغير كده مين قالك انى مش مرتبطه او محدش اتقدملى ايه مراقبنى سيادتك 
جاد لا حبيت بس اثبتلك انى صح وانى هتجوز واخلف وانتى هتفضلى تحاولى وتحاولى وفى الاخر هتفضلى محلك سر انا اهو فتحت الشركه اللي عايزها وخطبت بنت حلوه عكسك في كل حاجه ومريحانى 
باسمه ماشى يا جاد انا غلط وانت صح و فرصه سعيده عايز تقول حاجه تانيه 
جاد لأ بس كنت عايز انصحك لوجه الله وادينى نصاحتك 
باسمه حاضر يا جاد بيه هقلع النقاب والبس استرتش وانزل اشتغل في الشركات عشان اكيد مبقاش ليه مكان عندك بقى واه كمان هاخد بنصيحتك واقلع النقاب واحط ميكب اصغر نفسى عشان ارتبط حلو كده واه مش هطور نفسى ولا هدرس عشان ده مضيعه للوقت وهياخد من عمرى ومن باب اولى الوقت اللى هيضيع فى التعليم يضيع في جواز وخلفه حلو كده 
بقولك ايه امسح رقمى ومتتصلش تانى عشان معملش حاجه تزعلك 
وقفلت السكه فى وشه وفضلت ټعيط 
الناس المصدومه اه كانوا مرتبطين بس محدش يعرف غير بيجاد عايزه تخميناتكم بقى سابوا بعض ليه 
عند بيجاد 
اشرقت ها يا بيجاد انا هاديه اهو ومنتظره اعرف سبب جوازك منى ايه 
بيجاد انا وعلا كنا مع بعض في الكليه وكنت مواعيدها انى اول ماتخرج واعمل مشروعى هتجوزها اتخرجت وطبعا كان قبل ماتقدملها لازم ابنى مشروعى الاول كنت عايزه اعمل مزرعه عجول خاصه بيا واورد بشكل مباشر والمصانع بدل ما يفضلوا يلفوا على كل محافظة شويه ياخدوا من كل مزرعه حبه عجول وجاد كان تفكيره مختلف كان عايز يعمل شركه ويتحكم في الاستيراد والتصدير طبعا انا أشتريت ارض وجاد اشترى شركه من فلوسنا الخاصة لاننا من واحنا في اعدادى كنا بننزل نشتغل مع بابا ونحوش فلوسنا وفعلا عملت المزرعه والشركه وجاد كان جاب اسماء بلاد هنوردلها وكان بياخد من مصنع بباكى لان مصنعه بس اللى كان بيقدم افضل لحوم مصنعه وطبعا بباكى كان بياخد منى العجول وبيصنعها وكان جاد بيشتريها منه وكذا شركه حاولت تتواصل مع بباكى عشان يقدمولوا اسعار افضل عشان ياخدوا الانتاج بس هو كان باقى علينا عشان عشره وقتها جاد كان مرتبط ببنت اوى وكان صعب يسبها وانا وعلا فى الوقت ده كان لينا مشاكل فحبينا عشان نخلى بباكى واقف في صفنا اكتر ومايفكرش انه يقبل عروض تانيه اننا نناسبه هنا سكت
اشرقت سكت ليه اوعى تقولى ان جاد كان هيتقدملى 
بس انت قلت انه كان بيحب اللى هيرتبط بيها 
بيجاد لأ مش انتى 
اشرقت مش فاهمه
بيجاد جاد وباسمه كانوا مرتبطين وكان جاد هيكلم بباكى عشان يرتبط بيها رسمى 
اشرقت لا لالا مش صح انتوا مش بشړ لأ
البارت الخامس
الجزء الثاني
مازال الحديث مستمر مع بيجاد وأشرقت 
اشرقت لا لا لالا استحاله انت اكيد بتكدب باسمه ايه اللى كانت مرتبطه بجاد دى لما بتشوفه مابيسلموش على بعض عمرى ماشفتهم كلموا بعض 
بيجاد لا كانوا مرتبطين ببعض وبيحبوا بعض وجاد كان هيتقدملها وحصلت مشكله بينهم عشان كده الموضوع مكملش وساعتها انا كان فى مشاكل بينى وبين علا عشان اتاخرت عليها ومتقدمتلهاش زى ما وعدتها ولما خطبتك رجعت تانى وطالبتنى بالوعد اللى انا واعدهولها وطبعا انا وفقت واتقدمتلها وحكيت لالها ظروفى ووافقوا 
اشرقت تقوم متجوزها فى نفس اليوم 
بيجاد بس بعد كده حبيتك يا اشرقت لو انا كنت شوفتك الاول كنت حبيتك ومكنتش افكر ابدا اتجوز عليكى 
اشرقت هههههههههههه المفروض طبعا اصدق انك دلوقتي بقيت تحبنى انا بعد ماعشرتنى وعرفتنى وهى لا وانك كنت ناوى تطلقها وتسبيها عشان حبيت انك تكمل معايا ومع ابننا صح 
بيجاد للاسف مش هقول كده لانى بحبكم انتوا الاتنين وكل واحدة فيكوا ليها مكان كبير عندى ومقدرش استغنى عنها انتى ام ابنى وهى حامل في ابنى او بنتى هى حب المراهقه والطيش وانتى حب العقل والنضج انا مقدرش اعيش من غير واحده فيكوا 
اشرقت طيب كنت تكدب وانا كنت هصدقك 
بيجاد للأسف مش عايز اكدب واخبى عليكى تانى كفايه سنتين عايش في قلق ومش عارف اقولك امته بجوازى وكنت بأجل معاها الخلفه لحد ما الكل يعرف وانا كنت ناوي اقولك الفتره دى بس للاسف هى سبقتنى 
اشرقت بقت واقفه ټعيط ومش عارفه تعمل ايه لو كان قلها انه اتجوزها عشان كان

واعدها وبيحبها كانت سمحته وكملت معاه لكن ده بيعترف انه بيحبها طيب ازاى هى محستش انه متغير يمكن عشان مكنش فى مره ليها لوحدها ومجربتش الاحساس ده ومن اول يوم وحد مشاركها فيه 
بيجاد انا عارف انه صعب بس صدقيني هفضل زى منا ومش هتحسى ان فى حد تانى فى حياتى زى مانتى مكنتيش حاسه اصلا 
اشرقت ومين قالك انى عايزه احس او محسش اصلا 
بيجاد يعنى ايه 
اشرقت يعنى انا الوضع السخيف ده انا خارجه منه ومش عايزه اكمل فيه
بيجاد وانا مش ناوى اسيبك يا اشرقت انا بحبك ومش هتخلى عنك ا
اشرقت طيب هتقدر تتخلى عنها . عندى اخر امل لو قال اه هكمل معاه وكانى معرفتش حتى لو بالكدب لو قال اه يبقى حط النهايه 
بيجاد لو كنت اقدر اتخلى عنها كنت سبتها من اول ما حبيتك لكن للاسف مقدرش وخصوصا انها حامل
اشرقت بنهيار سابته ودخلت الاوضه وهو جه يدخل وراها قفلت على نفسها الباب 
بيجاد افتحى يا اشرقت افتحى نتكلم ارجوكى انا اسف افتحى 
اشرقت امشى يا بيجاد امشى مش طايقه اشوفك
بيجاد اشرقت صدقيني انا بحبك ومرتاح معاكى 
اشرقت انزل يا بيجاد انزل بات تحت عند مامتك عشان لو منزلتش هلبس وانزل انا سامعنى انزل وماتطلعش هنا تانى سامعنى 
بيجاد مايصحش يا اشرقت طيب هنام في الاوضه بتاعت سند 
اشرقت لا انزل تحت ولو منزلتش هنزل انا وهسمعك كلام يوجع بس انا عامله انك لسه جوزى وانى لسه على عصمتك ماتخلنيش انسى ده واتصرف تصرف هيضايقك 
بيجاد لو هتسمعينى كلام وحش وتسامحينى انا موافق 
اشرقت بانيهار امشى بقولك امشى 
بيجاد خاف عليها وسابها ومشى عشان مايضغطش على اعصبها ويكلمها لما تهدى
عند باسمه بعد ما قفلت الشات مع جاد فضلت تفتكر زكرياتهم وټعيط وجرحها الكلام اللي قالو ليها هى لحد دلوقتي بتحبه وبتدخل بروفايله تشوف صوره مع ايلا وهو مش قافل بروفايله سايبه مفتوح اكيد عشان عارف انها هتدخل عليه ويقدر يضايقها 
Flash back
باسمه جيدو بقولك ايه النتيجه بتاعت الثانويه العامه قربت تظهر خلاص نفسى اجيب مجموع حلو بقى 
جاد ساعتها تكون شركتى وقفت عليها رجليها واقدر اتقدملك بقى وكده كده فى شغل بينا وبين باباكى وهو بيحبنا واكيد هيوافق علينا 
باسمه لا يا جاد مش عايزه اتجوز قبل